طوبة وقعت عليا من السما طبقت السقف.... انا هموت من الزعل

**mahmoudzaied** · 09-02-2009 04:29 AM

النهادرة كان يوم لذيذ وضحك وهزار
بجد كان احسن يوم خرجت فيه الاجازة دى
بس مش عارف قلبى كان مقبوض واللى انا كنت خايف منو حصل
وانا راجع فى امان الله وماشى عادى فى طريق
معدى من تحت قنطرة يعنى نفق وبيعدى فوقيه القطارات
وفجأة سمعت صوت طاااااااااااااااخ جامد جدا وببص فى المرايا لاقيت طوبة ورا العربية
صوت الخبطة كان جامد جدا
ركنت على جنب ببص واقلب فى العربية انا واصحابى ملقناش حاجة قام صاحبى قالى يلا نروح تلاقى الطوبة خبطة فى العربية من تحت ورايح يركب
لقى مكان الخبطة !
نادالى وبجد انا كنت هعيط فى الشارع
انا مش غلطان ولا حصل موقف وتقع طوبة على العربية تبوظها
عموما الحمد لله وقدر الله وما شاء فعل
وعلى راى اصحابى كويس انها مجتش فى فانوس ولا ازاز
معلش طول عليكم بس الصور اهى عشان انا عاوز مساعدة

ودى صورة من بعيد شوية عشان اوريكم المكان اللى فيه الخبطة

واضح من الخبطة ان الطوبة محدوفة عيل بيلعب وحدفها جامد
بس انا عاوز مساعدة
الخبطة فى المكان ده ممكن تترد وتتصلح
ولو هتترش هتترش المنطفة دى بس ولا هياخد الحتة كلها
انا مش عارف انا عاوز حد يقولى اعمل ايه
العربية بقالى بالظبط 7 اشهر وبقت شوارع
وانا ان شاء الله هعمل موضوع قريب عن الحوادث اللى ملياش ذنب فيها من ساعة ما جبت العربية
معلش طولت عليكم
بس قولولى الخبطة دى تتعمل ازاى
والحمد لله على كل شىء

**mahmoudzaied** · 09-02-2009 04:46 AM

ويا ريت
بشمهندس طارق لما تشوف الصور تقولى ممكن تتعمل فى التوكيل بكام
وهترجع زى الاول ولا لأ؟

**meromar** · 09-02-2009 10:10 AM

قدر الله وماشاء فعل ..الحمدلله انها جت على اد كدة بسيطة والحمدلله انها مجتش فحاجة اكبر..هو فعلا المكان حساس جدا وممكن يكون صعب يترد بس انا سمعت ان فى دلوقتى شفط للاماكن الحساسة اللى مينفعش فيها سمكرة وبترجع زى الاول ممكن تسال وتشوف وان شاء الله خير المهم انت متزعلش لان اللى حصل حصل خلاص والحمدلله انك كويس.

**Ramy-Ahmed** · 09-02-2009 11:55 AM

الحمد لله على سلامتك.
ولايهمك 100 عربيه المهم انك بخير.

**bee** · 09-02-2009 12:15 PM

حمد الله على سلامتك أولاً

متفكرش تعملها اساسا هي مش باينه اصلا ..
حضرتك الي ملاحظها اوى عشان مزعلاك ..
ونصيحة بلاش تفك السقف وغالبا هيتفصل العظم الي في جنب السقف في المكان ده عشان يترد
بناقص احسن ولو مضايقاك اوى ولو اني شايف انه حرام ترش ممكن تتظبط معجون ومش هتبان
سيبها كده احسن

**mahmoudzaied** · 09-02-2009 12:45 PM

اولا
متشكر على المشاركات
ثانيا
فعلا الخبطة مزعلانى جدا وجاية كمان فى مكان صعب جدا
وكان فيه موضوع هنا فى المنتدى عن رد الخبطات بالثلج (Dry ice ) المهم جبت مكعبات الثلج اللى فى الثلاجة وحطيتها على الخبطة
وبعد نص ساعة
ده الفرق اللى حصل
قبل الثلج

وبعد الثلج

انا شايف ان الفرق مش كبير اوى
بس نوع الثلج اللى موجود فى الرابط ده
http://www.youtube.com/watch?v=UUSkwlyDrKw
مختلف عن المكعبات وعشان كدة مداش نتيجة كويسة
عموما الحمد لله على كل شىء
وانا هحاول اعدى على سمكرى يقولى ممكن تتعمل ازاى
لو دخلنى فى حوارات هسيبها (رغم ان شكلها منرفزنى)
العربية فعلا مكملتش سنة وبقت شوارع
انا مش عارف انا فكرت ازاى اجيب عربية جديدة فى بلد زى دى

ويا ريت لو حد عندو فكرة ازاى تترد او تتصلح يقول

**احمدعبدالعزيز** · 09-02-2009 01:48 PM

طبعا ليك حق تزعل على العربيه لانها لسه جديده لكن ارجع وقولك فداك العربيه والحمد لله انك بخير

**HeMa_LanCeR** · 09-02-2009 02:14 PM

احسن حل انك تسيبها
وبكره هتتعود عليها
هي بس منظرها في الاول هيزعلك لكن بعد كده هتلاقيها عادي

**mahmoudzaied** · 10-02-2009 02:05 AM

الحمد لله على كل شىء
انا عارفان كل شىء قدر وقسمة ونصيب
بس يا ريت تشوفو توقيعى
هوا اللى هيعبر على اللى جوايا
ومتشكر لمشاركاتكم
وان شاء الله انا على اجازة الصيف هبقى اظبطتها

-

الموضوع: طوبة وقعت عليا من السما طبقت السقف.... انا هموت من الزعل

LinkBack

أدوات الموضوع

عرض

-

-

-

المواضيع المتشابهه

حد سمع صوت في السما دلوقتي

طوبة وقعت على كبوت العربية

انا بشوف نجوم بتقع من السما كل يوم يالليل !

نقرتين فى السقف منكدين عليا

نكت جامده (الزعل ممنوع )

الكلمات الدلالية لهذا الموضوع

المفضلات

المفضلات

ضوابط المشاركة