شاهين2002 ارجو المشاركة بالرأي

**casper_Dj30** · 08-02-2009 10:18 AM

السلام عليكم
يا جماعة انا معايا شاهين 2002 العربية حالتها هايلة فعلا
انا كنت عايز اغيرها بس علشان التكييف علشان مبحبش العب في العربية
بلانوس او فيرنا حاجة معقولة يعني
لو حد يعرف معرض كويس او حد عايز يغير او حد يشتري يا ريت يقول و اكون شاكر لية جدا

**mo7a_mo7a** · 08-02-2009 07:33 PM

ادخل قسم البيع والشراء حتلاقي حجات كويسة

**د./اليشع ثابت** · 09-02-2009 08:39 AM

المشاركة الأصلية كتبت بواسطة casper_Dj30

شكرا جدا يا جماعة علي كل اللي قرأ الموضوع و لم يشارك و متشكر جدا جدا للأخ موحا لانة علي الاقل عبرني
يا عني يا جماعة معقول محدش يعرف معرض كويس بيبيع و يشتري مستعمل

يا حبيب قلبى كاسبر اولا نورتنا جداااا

طبعا كل الشكر و العرفان لحبيب قلبى موحا لانة بالفعل انسان محترم جداااااا و خدوم للجميع

بس انا عايز اقول لحضرتك حاجة مهمة

متزعلش من اللى بيدخل يشوف المشاركة و بيخرج لسبب

اكيد طبعا مش مسالة عبرك ولا لاء هو لو مش عايز يعبر حضرتك مكانش فتح المشاركة من الاصل

لكن اللى بيحصل انة اكيد ماعندوش فكرة و دة افضل من انة يقول كلام غلط بدون علم

انا بقة بنصحك نصيحة محبة

طالما العربية مريحاك و تمام بلاش تغيرها لانك هتخسر فى التغيير لا محالة و خصوصا وانت بتقول عن طريق معرض
يعنى هيكسب منك فى الشراء منك و ايضا فى البيع لك

و الشاهين عربية محترمة و حمالة اسية و عالية عن الارض ممتاز جدااا عن الانوس و الفيرنا و خلافة علشان تتفادى اى مطب بسلامة الله

طيب الحل الامثل بقة اية

بما يساوى نصف أو اقل خسارتك فى عملية التبديل هذة

يمكنك تظبيط المكييف و يمكنك ايضا تركيبة جديد زيروو

و تكون احتفظت بعربيتك اللى عارفها و عارفاك بلغة العقل و الحكمة

و تقبل حبى لك و تحيتى