-
مشكلة مع فتيس فيرنا 1600
طبعا من كتر المشاكل مع العربية في اسبوع واحد قربت اكرهها خلاص بجد.
ظهر مشكلة في الفتيس مع الغيار التالت و هي كالتالي :
1- عند النقل من النقلة الثانية للثالثة تظهر نتشة محسوسة في اليد بشكل واضح جدا جدا.
2- هذه النتشة لا تحدث إلا عندما يكون "الأر بي ام" تعدى ال3 ونص.
3- هذه النتشة لا تحدث سوى بعد القيادة بربع ساعة؟ او العربية تسخن مش عارف!!!! "اظن حاجة تضحك صح؟"
4- حتى لو مورت و جبت التالت والعربية على 45 مثلا برضو تحدث نتشة في الفتيس.
5- النتشة لا تحدث إلا عندما يكون الار بي ام تعدى ال3 ونص او 3 على الاقل. اما لو نقلت النقلة قبل ذلك فلا تظهر تلك النتشة!؟
6- مهندسي التوكيل بطيخة و تور الله في برسيمه ومحدش حس بيها خالص!!!!! " يمكن لانهم مبيحسوش مثلاً!!"
ياريت ياجماعة لو حد يعرف للموضوع دا سبب يعرفني لاني بدأت ااقريف من العربية كلها بصراحة !
العربية عاملة 13 الف كيلو و باظ فيها حساس اوكسجين والفتيس اتجنن اهو ولا معرفش ماله..بجد حاجة تقرف.
شكراً للمساعدة مقدماً.
-
قبل اى حاجة تأكد من منسوب زيت الفتيس وتأكد من ظبط ريجلاش الدبرياج اومنسوب زيت الدبرياج لو كان على سيرفو
لو الحاجات دى مضبوطة تأكد من احكام الوصلات بين العصاية والجيربوكس (متكونش بتلق)، ولو الوصلات محكمة تأكد من احكام الفورش بتاع الفيتيس
-
بالفعل انا أتأكدت من منسوب زيت الفتيس وو لسة من كام يوم مظبت رجلاش الدبرياج بسبب نفس المشكلة .
يبقى كدا مفيش غير الخيار الثاني والثالث و هما يحتاجان زيارة للتوكيل ، يوم الخميس ان شاء الله و هبلغهم بالكلام بتاع حضرتك.. ولعل وعسى تنتهي المشكلة المقرفة دي بجد.
الف الف شكر ياباشمهندس..
-
الله يكون فى عونك و ان شاء الله توصل لنتيجة من اراء الاعضاء
ربنا يوفقك
-
انا مع رائى استاذ سبعاوى لكن انت عامل كام الف بالعربيه
-
شكرا بلاك فيرنا لشعورك يامعلم
احمد كار..تصدق كنت هبعتلك رسالة خاصة اقولك بص ع الموضوع هنا؟ :d
العربية عاملة 13 الف كيلو زي مانا كاتب في الموضوع .
-
ماشى ياباشا الحكايه كلها انك اكيد بتشد بالعربيه كتير
نعمل ايه امشى بيها على الهادى كده شويه و برضو جيب بيها 3.5 ار بى ام بس بالهداوه مش بالقرص و شوف عملت كده معاك ولا لا
تليفونى 0121425929 لو محتاج اى حاجه
-
العربيه سعات بتعمل معايا كده بس لما اكون بقرض جامده اوى
-
ههههههههههههه والله انا مقرصتش بيها من اكتر من 4 شهور!!!
الفكرة مش قرص، الفكرة ان يكون عندي عيب، يعني انا خايف يكون الموضوع بسيط و مع الوقت يكبر !!
واظن من حقي اني انقل والار بي ام ع الرابع :d ?
كمان لاحظ العربية معدتش ال13 الف كيلو..دنا لو قارص عليها ال13 الف كيلو دول المفروض ميحصلش برضو عضة في الفتيس او النتش دا!
وانا مقرصتش ع العربية لان مشاويري كلها للاسف حاليا جوا القاهرة فمقدرش اقرص ومفيش فرصة اصلا! "تخيل معاك موتور جبار زي دا و خانقه بسبب زحمة البلد وبعد كل دا.....الفتيس يهيس كمان؟"
ما علينا، الف شكر ليك يا احمد و انا ان شاء الله حجزت صيانة يوم الخميس ولو عرفت يومها اخلص بدري هاجي المقابلة بتاعت هيونداي بإذن الله.
-
خوفتني والله ...... ربنا يستر يريت تقولي عملت ايه في القصه دي ..
.
Content Relevant URLs by
vBSEO 3.6.0 PL2