انا خارج مصر و حرجع إنشاء الله بعد أسبوعين و ناوي أشتري سكودا ميني فابيا لما أرجع بإذن الله
اه رأيكوا في قراري ده ارجو النصيحة ؟
عرض للطباعة
انا خارج مصر و حرجع إنشاء الله بعد أسبوعين و ناوي أشتري سكودا ميني فابيا لما أرجع بإذن الله
اه رأيكوا في قراري ده ارجو النصيحة ؟
عربية ممتازة شكلا و موضوعا ,, فسعتها اللترية ممتازة بالنسبة لحجمها ( ايا كان 1400cc او ال 1600cc ) ,, ادائها ممتاز و شكلها تحفة و سعرها ممتاز بعد ما نزل
انا شخصيا ناوى على واحدة اورايب إن شاء الله
بس عايز اسأل هو حضرتك ناوى على انهى فئة فيهم ؟؟
ال1400 سى سى مانيوال إن شاء الله و حضرتك ؟
واه أخبار أسعارها في مصر قلت و الا اه نظامها ؟
اسعارها نزلت جامد ,, يعنى مثلا ال1400cc الحضرتك ناوى عليها
سعرها نزل من 100,000 جنيه ل88,900
اما بالنسبة للسبور الكاملة المانيوال ال1600cc نزلت من 125,000 ل110,000
اما الاوتوماتيك الهيا ستبترونيك 1600cc نزلت من 124,000 ل110,000
و الستبترونيك السبور الكاملة ال1600cc نزلت من 136,000 ل121,000
و فى بئا الفابيا سباس الهيا ستاشين (الكومبى) مفيش منها غير ستبترونيك مش الكاملة نزل سعرها من 130,000 ل118,000
انا حبيت أعرفك على الاسعار كلها عشان لو الاسعار الجديدة هتغير رأيك:S_thum1[1]:
شكرا أوي يا أستاذ إبراهيم بس أنا إنشاع الله لسا مكمل في ال1400
توفير في البنزين و قطع غيارها أرخص من الباقي
توكل على الله ,, و اكيد مش هتندم
ملاحظة صغيرة : كريم مش ابراهيم :E_braces[1]:
الفابيا الجديده عربيه حلوه جدا خصوصا بعد نزول الاسعار و على فكره هى اوكتافيا بس صغيره و الكلام ده هيبان لما تركب العربيه هتلاقى اول حاجه انها بنفس تاره الاوكتافيا .....و انا رأيى ان السبورت جاااااااااامده و الكراسى بتاعها عاجبانى ...
بس على فكره قطع غيار ال 1400 سى سى هى ال 1600 سى سى اعتقد مفيش فرق ؟؟؟
عموما هى اى فئه منها حلوه توكل على الله .
بصراحة اختيار 10/10 يا جماعة
بس هل في حد عنده فكره عن توفر قطع الغيار في التوكيل ؟؟؟
دى احد مميزات الفابيا الجديدة ,, ان الشكل الداخلى مفيهوش فرق من موديل لموديل ,, بس الحقيقة فى اختلافات بسيطة ,, زى مثلا السبور الطارة بتاعتها مكسوة بالجلد و مفيهاش لوحة بيانات الكترونية الفى العداد ,, غير كده فهما زى بعض من جوة بظبط
لأ مش هيا دى لوحة البيانات الالكترونية ,, بصراحة انا مش عارف هيا بتاعت ايه بظبط ,, بس بتاعت قياس متوسط السرعة و استهلاك الوقود موجودة فى كل الفئات ,, انا جايب المعلومات دى من الصفحة التلية
http://www.postimage.org/gxMf89A.jpg
و بالنسبة للكراسى ,, ماظنش انها مختلفة
هو بصراحه الى انا فاكره ان الكراسى مختلفه و التاره مكسوه بالجلد ......مش فاكر ايه تانى بصراحه ...
الشاشه دى لو الى فى الاوكتافيا فهى :
1-استهلاك البنزين .
2-كميه ال كم الى ممكن تمشيها بالبنزين .
3-نقلات الفتيس.
4-الاعطال.
و حاجات كمان مش فاكرها (انا فقدت الذاكره باين)
بالنسبه للكراسى فهى مختلفه شويه فى ان الاجناب بتاعها بارزه شويه (زى الكراسى الريكارو كده ....جايز تكون كل الموديلات كده .....مش فاكر برده )
يا جماعة انا العربية عجباني اووى برا وجوا بس انا مش خايف غير من حاجتين
قطع الغيار:أصلي نزلت دورت عليها فشارع دمشق قبل ما أسافر عشان أسأل عن مدى توافرها و أسعارها لقيتها مش موجودة خالص و معظم البيشتغلوا في السكودا مش يعرفوا العربية من أساسا
التوكيل: سمعته وحشة و سمعت أنه مليان مشاكل و قرف
بس العربية لا فبار عليها ده إاالي أنا شيفه
هى قطع الغيار مش موجوده لان العربيه مش نازله من زمان +انها مش منتشره ...
باللتوكيل فهو انا مشوفتش منه حاجه وحشه و فيه نظام الى حد ما و اعتقدا ن قطع الغيار متوفره و ممكن تتصل تسال على اى قطعه غيار على اساس انك تمتلك العربيه.
el far2 ben el sport wl 3adia
en el tara fl sport shklaha mo5tlf
kman el shasha akbar w lonha mo5tlf
w fiha e5tiarat aktr mn el 3adia
w kman el krasi shklha mo5tlf w lonha mo5tlf eswd fe no2t beda
enma el 3adia el krasi 3adia lonha grey
كراسي المانوال
http://www.postimage.org/aV1BUco9.jpg
كراسي السبور
http://www.postimage.org/Pq1KcaOA.jpg
عداد المانوال و أول فئة أوتوماتيك
http://www.postimage.org/aV1BV9fA.jpg
عداد السبور مع شاشة Maxi-Dot
http://www.postimage.org/Pq1KczL0.jpg
هوا حضرتك يا أستاذ فرحات تمتلك واحدة ميني فابيا أو تعرف حد معاه واحدة ؟
لو حاجة من الاتنين دول لو سمحت تكتبلنا مش حقولك تقرير اكتب أي حاجة و لو كلمة تفيدنا فيها عن العربية و التوكيل و قطع الغيار بعد إذنك
السلام عليكم،
شكراً جداً على كل المعلومات الخطيرة دي من جميع الاعضاء الجامدين جداً.
فعلاً العربية حلوة وكان ناقصه يكون فيها تارة متعددة الوظائف. هي ممكن تتركبلهة ؟!!.
هوا حضرتك يا أستاذ فرحات تمتلك واحدة ميني فابيا أو تعرف حد معاه واحدة ؟
لو حاجة من الاتنين دول لو سمحت تكتبلنا مش حقولك تقرير اكتب أي حاجة و لو كلمة تفيدنا فيها عن العربية و التوكيل و قطع الغيار بعد إذنك
الله ينور يا استاذ فرحات ,, هو دة الكنا محتاجينه ,, الف شكر
ربنا يخليكم يا شباب ، أخجلتم تواضعنا ، أنا إن شاء الله هعمل موضوع عن العربية و أحط فيه شوية صور زيادة كنت صورتها في التوكيل لما رحت اتفرج عليها
ربنا يتمملك عللى خير
إنت يا عم إنت يا عميل الأوبل ، يالي بتحضر مقابلات رينو فقط .. أيوة إنت يا أخ يالي هناك .. سامعني :)
العربية بينزل فيها دراع بالضبط ذي بتاع الميجان إلي ورا الدركسيون بيتحكم في الكاست و التلفون ، و دة في أعلى فئة فقط ، و دي مش بتنزل مصر (أو على الاقل مشفتهاش في العربيات الموجودة عندهم حالياً )، بس أعتقد ممكن تطلبها من التوكيل و مش هيكون فرق جامد في السعر ( و دة في منه نوعين نوع تحكم في الصوت فقط و نوع صوت و تلفون لو إنت مركب البلوتوث كيت و كله على نفس الكاست و حتى الباركينج سنسور على نفس الكاست )
وليه كدة يا كابتن بسي التخبيط دة. :k38:
مش معقول كدة يا كابتن ، اش عجبك الاسترة مكنتش جبتها من أساسه :44:
مش جايب استرا و رايح تعد شوية مع بتوع رينو و شوية و جي تسأل على سكودا ، مش كلام دة يا كابتن ، بعد كدة هنقول كل واحد يعد في المنتدى بتاعه :k52:
إحم .. ألحق بقى أروح المنتدى بتاعي قبل ما حد ياخد باله :colsmil:
يا أستاذ فرخات فين صور الفابيا إحنا منتظرين
انا أسف أووى إتكتبيت غلط ال "خ" يا أستاذ فرحات
اتفضل يا أستاذ خازم .. قصدي يا أستاذ حازم (خالصين :) ) ، الموضوع أهو يا باشا عشان خاطرك بس
http://www.nilemotors.net/Nile/showthread.php?t=59234
شكرا أووى يا أستاذ فرحات
ياجماعة
أنا كمان بقارن بين الفابيا والجراند بونتو؟؟؟؟؟؟؟؟؟؟
أنا عايزة اشتري الشهر ده!!!!
أرجو الأفادة
الفابيا و يكفى ان اسمها سكودا و ده اسم كبير فى مصر و انا عارف ان فيات مش قليله بس اندثرت فى مصر خلاص......
أخبار التوكيل و الصيانة ايه؟