لوسمحتم حد يعرف لو امتلكت سيارتين باسمى والعربيتين 1600cc
بيكون فى زيادة فى الضريبة ولا ايه
وبتكون كام
عرض للطباعة
لوسمحتم حد يعرف لو امتلكت سيارتين باسمى والعربيتين 1600cc
بيكون فى زيادة فى الضريبة ولا ايه
وبتكون كام
اصلا وانتا بترخص اى عربية بتمضى على تعهد ان معندكش غير عربية واحدة
اعمل كده وريح دماغك ولا تقولهم ان عندك عربية تانية ولا غيره
او تستحمل بقى حاجة اسمها ضريبة رفاهية بتتدفع للى عنده اكتر من عربية بأسمه
بس هو مش بقى دلوقتى فى كمبيوتر ممكن يبين الحاجات دى؟
للاسف انا بحب امشى سليم
واعتقد بعد موضوع الكمبيوتر هيبقى سهل يكتشفو حاجة زى دى
انا عندى 5 عربيات بأسمى فى مرور محرم بك
وكل مرة اروح امضى التعهد ده
والكمبيوتر موجود بقاله سنين وشغال زى الفل
ولو حصل وحد جه اتكلم
يتقال ايوه كانت بتاعتى بس بعتها
اعتقد ان ده هو الحل
استاذ سامح
رئى انك متمضيش على القرار ده لان ده شىء مش صح وتقولهم انك عندك واحده تانيه
كل الى هيعملوه هتدفع ضريبه وثلث بس مش اكتر من كدا
انا عمرى ما شفت الاقرار ده
ودايما عندى اكتر من عربيه بأسمى ولا حد خد باله
بتدفع 60 جنية ضريبة رفاهية و ريح دماغك
هى كله ضريبة بسيطة اسمها "ضريبة رفاهية"
ولو قلت بعتها مش كافية
لازم تكون الرخصة بتاعة العربية الاولانية مش باسمك
انا لسة ناقل ملكة ال 128 باسمي وعندي عربية تانية من الاول ....
دفعت ضريبة رفاهية 36 جنية
ولو الزوجة هي اللي بتمتلك السيارة او الابناء القصر برده بتدفع رفاهية .... وبيعملو بحث علي الكمبيوتر باسم الزوج والزوجة .... ولو كنت بعت العربية الاولي ولسة مانزلتش من علي الكمبيوتر بتقدم صورة عقد البيع ومش بتدفع ....
اوعى توقع اي اقرارات .... دي كلها 36 جنية
الف الف شكر على النصائح ولو الموضوع ثلث ضريبة او 60 جنيه
تبقى سهلة
طبعا الكمبيوتر بيظهر اى عربية تانية باسمك
وكمان توقيعك غلط يعتبر تزوير فى اوراق رسمية
مش مستاهلة على ثلث ضريبة زيادة
و المبلغ بيدفع حتى لو عربيه مكتوبه باسم احد الابناء او الزوجه كمان !؟
طب دلوقتي أنا بعت عربيتي بتوكيل لأن الرخصة فاضل فيها ست شهور , هل لما اجي أشتري عربيه تانيه و أسجلها بأسمي حايدفعوني ضريبة الرفاهية دي
ولا ممكن اقولهم إني بعتها و أوريلهم صورة التوكيل و عقد بيع السيارة و بكده مادفعش زياده ؟؟
يا ريت يا جماعه حد يفيدني في الموضوع ده
وللاسف ليه الصح ميكسفش بالعكس دي حاجة تشرف انك تدفع اللي عليك
لا طبعا الحل انك تدفع الضرايب مدام ربنا كرمك علشان يباركلك
هو ده الكلام الصح
مظبوط والا حتبقي ضللت المرور وحيعتمدوا علي تواريخ نقل الملكية
شكرااا على التوضيح
اولا ربنا يزيدك كمان وكمان ويبقي عندك 55 عربية مش 5 بس
لكن اسمحلي اللي انت بتعمله ده تهرب ضريبي وفي حكم القانون سرقة
بغض النظر عن سبب امتلاكك ل 5 سيارات فان القانون طلب منك ضريبة انت تتهرب منها بدون اي سبب مقنع غير في رايي يا اما البخل يا اما بسبب التعود علي التهرب الضريبي من تلك وغيرها وانا اناي بك عن هذا
ان لم يؤنبك ضميرك وتصلح من وضعك
فعلي الاقل لا تنصح غيرك بفعل تلك الفعلة الشنعاء المجرمة قانونا والمحتقرة اجتماعيا.
يا سيدي التهرب الضريبي تهمة وليست شطارة للتفاخر بها
لكن يبدو ان هذا البلد انقلبت فيه الحقائق فاصبح يتفاخر فيه بالنواقص بدلا عن اخفائها
فكر في ما انت فيه وخذ قرارك وانت حر ولك كامل الاهلية
وعلي كل حال اتمني ان تتقبل كلماتي بصدر رحب
تحياتي