الموضوع: جدال محير جدا

المشاركة الأصلية كتبت بواسطة mo7a_mo7a

بص يا سيدي
المحرك الاساسي لاختيار السيارة السعر والقدرة الشرائية
والا كان كل الناس ركبت فيراري ومرسيدس
وعليه لو المبلغ اللي معاك صغير حتبقي عندك خيار من اتنين
1- مستعمل بعيوبه اللي انت ذكرتها
2- جديد بمخاطره

وبما ان الجديد غالي عليك وحتضطر تقسط باقي تمنه يبقي مش منطقي ابدا انك تدفع اكتر من تمنه في عمليه التقسيط
اذا كان الفوري غالي تقوم تقسط ؟؟؟؟
المثل الانجليزي بيقول :
واحد بيقول لصاحبه اشتري عربية تقسيط فصاحبه رد عليه وقاله ... ليه؟ انت شايفني غني؟

وبالتالي المستعمل بالنسبالك افضل للاسباب الاتية
1- حتشتري عربيةماركة وموديل افضل من اللي حتشتريه زيرو
2- ارخص واريح مادياً
3- افضل وخصوصا انك حتتعلم السواقة وبالتالي منتش مضطر تخليها عربية العمر عكس الزيرو
4- سعر اعادة البيع جيد

واخيرا نصائح
1- اوعي تفتكر ان الزيرو مصاريفه اقل طبعا لا وخصوصا مع الزام الشركات ليك بالصيانة كل 5000 كيلو علشان المحافظة علي الضمان
2- متخصصش كبلغ للصرف علي المستعمل واكتفي بالصيانة العادية واصلاح ما يحتاج للاصلاح فقط وان كانت السيارة بحالة جيدة كما هي فلا داعي للمصاريف
3- الانتظار علي شراء الجديد الان افضل القرارات وخصوصا مع توقعات خفض الاسعار

تحياتي

والله حضرتك راجل محترم جداً وانا بتعجبني جدا ردود حضرتك.
لدرجة اني انا كمان بفكر بدل ما اجيب جديد قسط اجيب مستعمل احسن وفعلا رأي حضرتك سليم 100 في ال 100