في حد جرب بنزين 95 في الجين 2 وهل بيزيد من عمليه السحب وايضا هل هو بيبقي حامي علي ماتور العربية وكثرة استخدامه غلط ولا العكس وهل ينصح استخدامه كل فترة ولا كفاية 92
عرض للطباعة
في حد جرب بنزين 95 في الجين 2 وهل بيزيد من عمليه السحب وايضا هل هو بيبقي حامي علي ماتور العربية وكثرة استخدامه غلط ولا العكس وهل ينصح استخدامه كل فترة ولا كفاية 92
انا بينى وبينك جربته ماحستش بفرق شاسع بس كان في فرق بس بسيط و عيبه انه بيخلص بسرعه ما بيقعدش كتير في العربيه زي ال 92
يا باشا مفيش حاجة اسمها ال 95 بيطير بسرعة دة كلام غير علمى دة المفروض انة يعمل كيلومترات اكتر لو سواقتك متغيرتش لأنك بتحتاج تدوس بنزين اقل تجيب سرعة 100 عن لو انك تجيبها ببنزين 80 مثلا لأن لو استخدمت بنزين 80 العربية حتلاقيها مخنوقة و مش بتسحب كويس و غلط على الموتور اصلا و بالتالى لما العربية مخنوقة حتحتاج انك تدوس بنزين اكتر علشان توصل لسرعة 100 مثلا و بالتالى الأستهلاك حيبقى اعلى من 95
انا بصراحة معنديش جين 2 علشان افيدك فى الموضوع دة
انا يا باشا من يوم ما جبتها تقدر تقول 80% من الي بحطو فيها بحط 95 والحمد الله زي الفل المشكله مش بلاقيه في كل مكان واكيد في فرق سحب وفي فرق في كل حاجه بالنسبه لانو بيطير بسرعه فا الكلام ده غلط بالعكس ده بيعد اكتر وكلو حسب استعمالك وكبسه رجلك على البنزين
موضوع جميل ومعلومات مفيدة فعلا, شكرا لصاحب الموضوع.
انا كان عندى مشكلة فى العربية و عرضت العربية على الماليزيين لما كانوا موجودين فى التوكيل , قالولى ان الموتور محتاج بنزين عالى الاكتين اعلى من ال92 , و طبعا فى مصر مفيش غير ال95 , فاستنيت لغاية البنزين ال92 اللى فيها لما خلص و حطيت ال95 , بصراحة فرق كبير قوى , صوت الموتور اهدى كتير , استهلاك البنزين اتحسن قوى , انما السحب بصراحة محستش بفرق .
انما برضه البنزين ال95 غالى زيادة عن اللزوم .
انا قولت انه بيطير بسرعه عن تجربه انا معايا جين 2 2008 وجربت انى افولها 95 اكتر من مره وبجد ما حستش بفرق شاسع و بعدين انا طريقتى في السواقه هاديه ما بعديش 3 في الاار بي ام و بصراحه استهلاكها في ال95 عالى جدا..يمكن المشكله عندى انا في العربيه