ايهما افضل ( الفيرنا ٢٠٠٩) - ( نيو اكسنت ) - ( شفرولية لانوس ٢٠٠٩) - (FRV)
اريد شراء عربية في رنج 75000 ومحتار اختار انهي عربية من هذة العربيات
* انهي ارخص في قطع الغيار
* ايهما اوفر في البنزين
*ايهما اقل مشاكل
* ايهما اوفر واريح وتتوافر فيها شروط الامان اكثر والثبات علي الطريق
انا إن شاء الله هشتري عربية في نفس الرينج دا وبصراخحة شايف ان الفيرنا هيا الافضل .
ولكن انا هستنى لحد شهر 7 او 8 لحد لما الاسعار تنزل علشان انا مع حملة خلوها تصـــــــــــــــــــــــ ـــــــــــدي .
بصراحة و بدون جدال نـــــــــــيـــــــــو اكسينت
عربية جميلة جداً موتور محترم اعتقد انها تقفيل كوري فيها اتوماتيك و منيوال
العيب الي كان خاص بالباور الكهربا عدلوه و خلوه باور هيدروليك في الموديلات الجديدة
عملية جداً و ان شايف انها عربية تستاهل
وفر فلوسك وهات لانوس هي دي العربية بتاعة مصر
وريثة الـ ١٢٨ في رخص قطع الغيار وسهولة الصيانة
وابعد عن غبور
نيو اكسنت افضل
لانوس او فيرنا ....مش عارف
انت بتقارن بين 3 فئات:
الفئة الاولى تضم الافيو و اللانوس و محدش يقولى الافيو اعلى من اللانوس هى هى مع اختلاف الشكل و التبلوة لصالح الافيو و لكن توافر قطع الغيار و اعادة البيع لصالح اللانوس و لكن يعيب كلاهما التكنولوجى القديم الموجود بالمحرك الذى ينتمى الى الجيل القديم .
الفئة التانية و هى النيو اكسنت و تختلف عن الفئة الاولى فى قوة و حداثة الموتور و انها تقفيل كورى بالكامل ( ماعد السنتر و الانذار و الكاسيت ) و تقفيلها و نعومتها تقارب ان لم تتساوى مع السيارات اليابانية كما تمتاز بتوفيرها للبنزين بفضل تكنولوجيا cvvt و كماليتها اعلى .
الفئة الثالثة و هى ال frv صينية الصنع و هى احلى هذة السيارات شكلا و تابلوها اجمل و بها وسائل امان airbag - ebd - abs و لكنها غير مجربة او مضمونة و غير معروف اعتماديتها كما ان كماليتها اقل من النيو اكسنت و شراءها فى رأيى مغامرة .
انا فى رأيى النيو اكسنت افضل اختيار و ممكن تفكر فى الريو كمان
عفوا ................اقتباس:
المشاركة الأصلية كتبت بواسطة ezzatfox
هي المقارنة بين ( الفيرنا - نيو أكسنت - لانوس - Frv )
أنا من ناحيتي هختار من دول ( النيو أكسنت ) للأساب اللي تفضل بها المشاركون
أنا عن نفسي مش هختار ولا واحدة من دول :biggrin24:
أنا شايف ان أحسن حاجة في الفئة دي هي الريو...شكلها حلو...واسعة...موفرة في البنزين عشان 1400...و توكيلها كويس
النيو أكسنت ضيقة جدا من ورا والكنبة مش مريحة خالص
الفيرنا من أسوأ العربيات اللي ركبتها في حياتي!
الـشيفروليه لانوس أنا متأكد ان هايبقى فيها نفس مشكلة علبة الدركسيون بتاعت الأفيو المصري والأوبترا (المصري برضه!)
الـ frv مش مضمونة ولسه ما اتجرّبتش لفترة كافية
فعلا الراجل دى كلامه مظبط 100 % كيا ريو افضل بكتيراقتباس:
المشاركة الأصلية كتبت بواسطة Demirell
ولو مصمم على المقارنه اللى انت عامله يبقى النيو اكسنت
الأكسنت فئة اعلى من الفيرنا و اللانوس و افضل و تقفيل كوري
الفيرنا و اللانوس قطع غيارهم ارخص من الأكسنت...
انا ارشحلك الفيرنا ... عربية محترمة و عملية جدا جدا
و بالتوفيق :)
اقتباس:
المشاركة الأصلية كتبت بواسطة momenhamdy
+1000000000
دا كفاية الموتور CVVT طلقققققققققققققققققة