طيب عايزين تقييم عن الثبات و إستهلاك البنزين, و لو فيه صور تبقى ممتازة
عرض للطباعة
طيب عايزين تقييم عن الثبات و إستهلاك البنزين, و لو فيه صور تبقى ممتازة
الثبات ما شاء الله تحفة وبالنسبة لاستهلاك البنزين أنا عملت 145 كم ب 20 لتر مش عارفة دة ايه كويس ولا كتير
كتير جدا فعلا
أكيد فيه حاجة غلط
أو العربية لسة فى التليين مثلا؟؟
أنا حسبتها أول مأخدتها من المعرض و جوة البلد حطيت 20 لتر 92 وبعدين لما بقى مؤشر البنزين فى نصف الربع الأخيربصيت على عداد الكيلومترات لاقيتوه 145كم. معلش اعزرونى فى طريقة الشرح دى أول عربية أركبها ولسة جديدة أنا فى المواضيع ديه:_Alshmokh23[1]:
لأ ولا يهمك..
بس الافضل طبعا انك عشان تحسبي صح..
اكيد يبقي بعد التليين يعني ال1000 كم الاولي.. و ظبط العربية ف التوكيل بعد التليين في اول صيانة..
و بعدين بتحسبي ازاي بقي؟؟
بتروحي المحطة و تفولي التانك علي الاخر.. بس مش لحد الزور.. لألأ
لحد ما المسدس بتاع طلمبة البنزين بتاع المحطة يعمل اول تكة..
قولي للي بيمون اول تكة بس وهو هيفهم..
بس و تمشي بالعربية زي مانتي عايزة.. بس كتير شوية.. يعني مش قل من 100 كم عشان الحساب يكون اقرب للدقة..
وبعدين تفولي العربية تاني و برضه عند اول تكة..و تشوفي انتي مشيتي كام كم بالظبط.. و اخدت كام لتر بنزين بالظبط.. و تقسمي المسافة علي اللترات.. هتعرفي الاستخدام بالظبط..
و اكيد المشي جوة البلد ليه استهلاك.. و السفر ليه استهلاك..
و افضل استهلاك بيكون علي طريق سفر طوالي في سرعة 90 كم/س
اتمني اني اكون افدتك.. و في انتظار الحساب المظبوط..
و خلي الحساب علينا خالص.. :) :)
الواضح ان موتور العربية هوا هوا بتاع الاوكتافيا والجولف والجيتا واليون وموديلات تانية كتير
يبقي السرعة والتسارع والاستهلاك هوا هوا تقريبا
مش بالضرورة
الفتيس بيفرق
و ووزن العربية بيفرق
و التصميم بتاع جسم العربية بيفرق
الف مبروك وربنا يباركلك فيها ويديك خيرها ويكفيك شرها