أسعـــار قطـــع غيـــار رينـــو سيمبـــول "من التوكيل"

السلام عليكم ورحمة الله وبركاته
اولاً: يا جماعة دي أول مشاركة ليه في هذا المنتدي وياريت تكون مفيدة...........
ثانيا": قبل ما اتكلم على قطع الغيار بصراحة كده من اللي شوفته في التوكيل لازم اقول انه توكيل محترم جداً جداً لدرجة فوق الوصف. ذوق ايه واهتمام ايه والمكان نفسه شيك أوي والناس اللي هنالك تعاملك بمنتهى الجنتلة.
ندخل في الموضوع انا رحت النهاردة التوكيل اللي في الكيلو 24 اسكندرية مصر الصحراوي علشان اسأل عن اسعار قطع غيار الرينو سيمبول والكيا ريو لأني بجد كنت محتار قوي بينهم المهم بعد ما سألت موظف الإستقبال أخدني ونزل معايا لحد المسئول عن قطع الغيار.
في بداية كلامه قلي قبل ما اقولك على الأسعار أحب أأكدلك إن الأسعار دي هتنزل 15%
قولتله: ليه.
رد قالي: قلي عشان العربية دي لسه جديدة فإحنا عملنا Special Order لقطع الغيار .
قولتله: يعني إيه.
قالي: هو عبارة عن عدد محدود جداً من قطع الغيار فطبعاً تكلفة الشحن والنقل لما تتوزع على عدد محدود غير لما يكون كمية.
قلتله: كلام حلو أوي.
فراح مطلع ورقة وكتبلي الأسعار دي..............
م الصنف السعر
1 فلتر زيت 35
2 فلتر هواء 40
3 فلتر بنزين 55
4 سير دينامو 65
5 سير تقسيمة 32
6 طقم سيور + ؟ 550
7 كشاف أمامي 580
8 كشاف خلفي 600
9 رفرف أمامي 695
10 مراية جنب كهربا 1000
11 اكصدام أمامي 1285
12 اكصدام خلفي 1490
؟ اعذروني مش واضحة في الورقة.

كمان سألته على ..
تغيير الزيت بيكلف 250
مصنعية 150
الصيانات في حدود 400 و500 و600.. بس في مرة بحوالي 1600
ملحوظة: هو أكدلي إن العربية تقفيل تركي بس قطع الغيار فرنسي 100%

MRG

http://www.postimage.org/aV1Adky9.jpg

ألف شكر على المجهود الرائع

و أن شاء الله تجيبها بس متنساش الأستخارة

تمام ازى اسعار الكليو 2 بالظبط

مشكور يا باشا على مجهودك....:S_thum1[1]:

ممكن تصحيح بس لبعض المعلومات
أعتقد سير التقسيمة الي حضرتك كاتبه بـ32جم هو سير الباور لأن مستحيل سير كاتينة يكون بـ32جم

ممكن طقم السيور الي حضرتك كاتبه هو ده الي فيه سير الكاتينة + بلي الشداد

اسعار كويسه بس اعتقد ان اسعار الاكصدامات عاليه شوية و لا ايه رايكوا يا جماعة
طب في سؤال كمان هي العربية دي زي الكليو بالظبط في الميكانيكا بتاعتها ؟؟؟ و لا في اختلافات ان السيمبول في منها اتوماتيك
ارجو الافاده ولكم جزيل الشكر

اقتباس:

---

المشاركة الأصلية كتبت بواسطة momenhamdy

اسعار كويسه بس اعتقد ان اسعار الاكصدامات عاليه شوية و لا ايه رايكوا يا جماعة
طب في سؤال كمان هي العربية دي زي الكليو بالظبط في الميكانيكا بتاعتها ؟؟؟ و لا في اختلافات ان السيمبول في منها اتوماتيك
ارجو الافاده ولكم جزيل الشكر

---

زي الكليو الـ1400 16V بضبط مفيش أي إختلاف.:S_thum1[1]:.... والكليو نزلت أوتوماتيك برده مع الموتور ده في 2005
يعني نفس الموتور الي نازل في السيمبول سواء مع فتيس مانيوال أو أوتوماتيك كان نازل في موديلات الكليو 2005 والمانيوال في الكليو 2001

اقتباس:

---

المشاركة الأصلية كتبت بواسطة عمرو عمارة

زي الكليو الـ1400 16V بضبط مفيش أي إختلاف.:S_thum1[1]:.... والكليو نزلت أوتوماتيك برده مع الموتور ده في 2005
يعني نفس الموتور الي نازل في السيمبول سواء مع فتيس مانيوال أو أوتوماتيك كان نازل في موديلات الكليو 2005 والمانيوال في الكليو 2001

---

الف شكر استاذ عمرو علي سرعة الرد
ولكن انا ليا شوية اسئله عن العربية دي انا بصراحة شفتها عند الطارق في اسكندرية ولكن بصراحة عجبني الصالون بتاعها ولكن ماشفتش الموتور بتاعها
فأنا كنت عايز اسأل حضرتك هي الباور بتاعها كهربا صح ؟
السؤال التاني حضرتك شفتها ؟؟ لان كان في موضوع في المنتدي هنا كان بيقول علي سوء تقفيل العربية دي فكنت عايز اعرف رأي حضرتك في العربية و جوده التقفيل بتاعتها
السؤال الثالث هل برده العربية دي حيكون فيها نفس موضوع الطرمبة بتاعت البنزين الي في الكليو لان حضرتك عارف ان الطرمبة بتاعت الكليو حساسه شوية
السؤال الاخير هي حضرتك اسعار العربية دي ايه و اخبار الثبات بتاعها ايه ؟؟

ولك جزيل الشكر ......

اقتباس:

---

المشاركة الأصلية كتبت بواسطة momenhamdy

الف شكر استاذ عمرو علي سرعة الرد
ولكن انا ليا شوية اسئله عن العربية دي انا بصراحة شفتها عند الطارق في اسكندرية ولكن بصراحة عجبني الصالون بتاعها ولكن ماشفتش الموتور بتاعها
فأنا كنت عايز اسأل حضرتك هي الباور بتاعها كهربا صح ؟
السؤال التاني حضرتك شفتها ؟؟ لان كان في موضوع في المنتدي هنا كان بيقول علي سوء تقفيل العربية دي فكنت عايز اعرف رأي حضرتك في العربية و جوده التقفيل بتاعتها
السؤال الثالث هل برده العربية دي حيكون فيها نفس موضوع الطرمبة بتاعت البنزين الي في الكليو لان حضرتك عارف ان الطرمبة بتاعت الكليو حساسه شوية
السؤال الاخير هي حضرتك اسعار العربية دي ايه و اخبار الثبات بتاعها ايه ؟؟

ولك جزيل الشكر ......

---

معلش أسف على التأخير في الرد....الشغل واخدني جامد

أنا زيك بضبط......أنا كنت في الميكانيكيون العرب الإسبوع الي فات بغير كاوتش كوبلن....وكانوا عارضين العربية....بصراحة هي تحفة من برة والصالون والتابلوه بتاعها شيك جداً خصوصاً طارة الدركسيون حكاية!!.....طبعاً العربية كانت مقفولة فمعرفتش أشوف التفاصيل.:_Alshmokh08[1]:...بس أنا رأيي إن إنت لازم تشوفها بنفسك من حيث التقفيل لأن في بعض الأشياء ممكن إنت تشوفها مقبولة بالنسبة ليك وغيرك ما يتقبلهاش....زي مثلاً موضوع إن غطاء التنك بتاعها فيبر...في ناس شايفة إن ده عيب وأنا مش شايف فيه أي مشكلة وكل موديلات الكليو نازلة كده من سنة 2000
بالنسبة للموتور ماتقلقش منه خالص لأنه هو ده الموتور الي كان بينزل في الكليو الـ2005 وقطع غياره كلها متوفرة جديد وإستيراد
لأ الباور بتاعها هايدروليك مش كهرباء
الطلمبة بتاعت الكليو مش حساسة ولا حاجة....دي كانت دفعة نزلت في 2003 الي كان فيها مشكلة في الطلمبة وكانت بتتغير في الضمان.....غير كده المشاكل العادية بتاعت البنزين الي بيبوظ أي طلمبة....ده غير كده إن الطلمبة بتاعت الكليو فيها ميزة إن إنت ممكن تغير الموتور بس وثمنه لا يتعدى الـ300جم :S_thum1[1]:
الثبات هايبقى زيه زي الكليو عشان برده عفشة السيمبول بالكامل ( المساعدين وأنظمة التعليق....إلخ) هي بتاعت الكليوII وإصراحة الكليو لحد 140 كم/س ثباتها ممتاز

انا كنت عايز اعرف استهلاك البنزين بتعمل كام في الـ 20 لتر الكليو الـ1400 16v و الاتومتيك اية اخبارة في مشاكل ولا اية

اقتباس:

---

المشاركة الأصلية كتبت بواسطة عمرو عمارة

معلش أسف على التأخير في الرد....الشغل واخدني جامد

أنا زيك بضبط......أنا كنت في الميكانيكيون العرب الإسبوع الي فات بغير كاوتش كوبلن....وكانوا عارضين العربية....بصراحة هي تحفة من برة والصالون والتابلوه بتاعها شيك جداً خصوصاً طارة الدركسيون حكاية!!.....طبعاً العربية كانت مقفولة فمعرفتش أشوف التفاصيل.:_Alshmokh08[1]:...بس أنا رأيي إن إنت لازم تشوفها بنفسك من حيث التقفيل لأن في بعض الأشياء ممكن إنت تشوفها مقبولة بالنسبة ليك وغيرك ما يتقبلهاش....زي مثلاً موضوع إن غطاء التنك بتاعها فيبر...في ناس شايفة إن ده عيب وأنا مش شايف فيه أي مشكلة وكل موديلات الكليو نازلة كده من سنة 2000
بالنسبة للموتور ماتقلقش منه خالص لأنه هو ده الموتور الي كان بينزل في الكليو الـ2005 وقطع غياره كلها متوفرة جديد وإستيراد
لأ الباور بتاعها هايدروليك مش كهرباء
الطلمبة بتاعت الكليو مش حساسة ولا حاجة....دي كانت دفعة نزلت في 2003 الي كان فيها مشكلة في الطلمبة وكانت بتتغير في الضمان.....غير كده المشاكل العادية بتاعت البنزين الي بيبوظ أي طلمبة....ده غير كده إن الطلمبة بتاعت الكليو فيها ميزة إن إنت ممكن تغير الموتور بس وثمنه لا يتعدى الـ300جم :S_thum1[1]:
الثبات هايبقى زيه زي الكليو عشان برده عفشة السيمبول بالكامل ( المساعدين وأنظمة التعليق....إلخ) هي بتاعت الكليوII وإصراحة الكليو لحد 140 كم/س ثباتها ممتاز

---

الف شكر ليك يا استاذ عمرو و بعدين يا باشا و لا تأخير في الرد و لا حاجة
الله يكون في عونك
ولك جزيل الشكر ..... :S_thum1[1]:

السلام عليكم ياشباب
هو فيه توكيل لرينو فى الكيلو 24 اسكندريه الصحراوى
دا يعتبر اقرب ليا كتير من العبور او المقطم ياريت حد يوصفلى هو فين بالظبط

بص أنا مش هقدر أوصفه بالظبط بس كل اللى فاكره كويس أنه عند التوكيل بتاع أوبل اللى كانوا بيعرضو عربيات على السقف بتاعه.....عارفه ؟؟

اقتباس:

---

المشاركة الأصلية كتبت بواسطة hesham_tawfiq

السلام عليكم ياشباب
هو فيه توكيل لرينو فى الكيلو 24 اسكندريه الصحراوى
دا يعتبر اقرب ليا كتير من العبور او المقطم ياريت حد يوصفلى هو فين بالظبط

---

بعد Alex RonPolanck للأدوية و بعد شركة بيبسي على طول

أنا أعتقد إن فيه لبس بسيط
واضح إن الأخ " هشام توفيق " ساكن فى مدينة 6 أكتوبر و كان يظن إن فى فرع ل EIM على طريق ( القاهرة - الإسكندرية)

إللى تفضل أحمد باشا و العقيد خالد بوصفه ده فرع EIM فى الإسكندرية و يقع خارج المدينة و تحديدا على الطريق الصحرواى ( الإسكندرية - القاهرة ) فى الكيلو 24 ...أفتكر إللى محمد عادل أمين بيروح له غالبا.....

على كل هو لا يوجد ل EIM فرع خارج القاهرة على طريق الإسكندرية الصحراوى و قريب من 6 أكتوبر....ده EIT و دول توكيل Kia و هما فى أبو رواش...هناك أخبار فقط عن انتقال فرع العبور المعروف إلى أبو رواش لكن حتى الآن لم يحدث ذلك

إلا إذا كان الأستاذ هشام فعلا فاهم إن الفرع ده فى الإسكندرية و شايف إنه أفضل بالنسبة له عن فرع العبور أو المقطم

بكل صراحة انا شايف ان قسم رينو من افضل اقسام المنتديات.. كلهم ناس بجد محترمين وعندهم وعى وما بيبخلوش باى معلومة وبما انى مقبل على شراء سيارة رينو كنت عايز اسأل الاخوه اللى اتعاملوا مع توكيل رينو .. هل التوكيل بيسمح بتركيب قطع غيار تم شراؤها من خارج التوكيل؟
ولكم جزيل الشكر

اقتباس:

---

المشاركة الأصلية كتبت بواسطة best2010

بكل صراحة انا شايف ان قسم رينو من افضل اقسام المنتديات.. كلهم ناس بجد محترمين وعندهم وعى وما بيبخلوش باى معلومة وبما انى مقبل على شراء سيارة رينو كنت عايز اسأل الاخوه اللى اتعاملوا مع توكيل رينو .. هل التوكيل بيسمح بتركيب قطع غيار تم شراؤها من خارج التوكيل؟
ولكم جزيل الشكر

---

قبل كل شئ شكراً لذوق حضرتك و تمنياتي لحضرتك في شراء ما يناسبك
بالنسبة لشراء قطع الغيار حاول تزور مركز الخدمة و تتفرج و تسأل
(أنا عملت كده) لكن سألت عن حاجات تانية , غالبا و الله أعلم لو عملت كده ممكن بيمضيك أن قطع الغيار على مسؤوليتك علشان (لا قدر الله) حصل مشكلة بسببها يخلي مسؤوليته (بس فعلا تكون بسببها عمرهم ما يرموا بلاهم على العميل) أو على الأقل ما شفتش حاجة زي كده (أنهم يتبلوا على العميل).
أتمنى لك التوفييق.

قيمة الصيانة الاولى 560 ج وتكون فى ال10الاف ونشمل تغيير زيت 10 الاف وجميع الفلاتر هواء وزييت وباقى اعمال الصيانة والكشف وثمن لمبة الصالون ثلاثة جنيهات بلتغيير وجميع الصيانات الخمسة مجانية

Please, if any one know the fuel consumption of the Renault Symbol?
As I have a new car, and its fuel consumption is not so good!

Also, what about the insurance with the Renault (I think they have a deal with some company)?

Thank you.

.

طب عندك كتالوج السيمبول ؟؟؟؟
محتاجه ضروري .......

يا باشا انا فعلآ عندى الكتالوج بس ممكن اجيبهولك لو حضرنا المقابلة يوم السبت انشاء الله

ياجماعة نرجو التاكد من الارقام الموجودة قبل تثبيت الموضوع انا مش بشكك في كلام صاحب الموضوع انا متاكد انه صادق بنسبة 100% لكن انا كمان كلمت التوكيل و حولوني علي قسم قطع الغيار و اخدت الارقام دي :
1- فوانيس امامية 800 جنية
2- فوانيس خلفية 730 جنية
3- إكصدام أمامي 1325 جنية
4- إكصدام خلفي 1450 جنية
5- رفرف أمامي 700 جنية
6- رفرف خلفي 3700 جنية
7- بربريز أمامي 2300 جنية
8- مرايات كهرباء 1300 جنية
عايزين رد بالنفي او بالايجاب لان موضوع اسعار قطع الغيار ده حاجة مهمة اوي

مجهود رائع يستحق التحية والشكر و التقديرالاثنين 19 شعبان 1430

انا عايز رينو كليو موديل 2002 2003 نظيفة ارجو المساعدة

0102883473

السلام عليكم...
ياريت لو سمحتم حد يقوللى استهلاك البنزين بالظبط بالنسبة للسيمبول.
وجزاكم الله خيرا

مشكور على الموضوع الجميل

شكرا على الموضوع الجميل والمشاركات الايجابية

ياريت حد يرد بصدق على اسعار قطع الغيار المكتوبة ... هل هى صحيحة ام لا؟ ويرجى كتابة باقى اسعار قطع الغيار؟ واسعار الصيانة؟

مشكوووووور والله يعطيك الف عافيه

رجاء التكرم ووضع اسعار حقيقية وياريت لو يبقى فى بريس لست من الشركة لانى اشتريت فانوس امامى انهاردة ب 980 جم وليس ب800 فياريت وشكرآ

بجد عربية تحفة شكل ايه وصالون ايه وسعر كمان ممتاز بس هى نقصها الانتشار وساعتها هتلاقى قطع الغيار ربع تمنها

العربية فعلا شكلها جميل جدا و كمان سعرها وانا فعلا بفكر جديا اشتريها بس انا متردد شوية بسب انها مش منتشرة و خايف من اسعار قطع الغيار و الصيانة

lاية اخر اخبار اسعار قطع الغيار؟
وتكلفة الصيانات الدورية؟

قطع الغيار تشابه اليابانى تقريبآ مع العلم ان الصيانات ارخص من الكورى

المشكله فى بلدنا أن الرينو مأخوذ عنها أن سعر قطع غيارها غاليه لكن فى الحقيقه زى الكورى فى التوكيل

اقتباس:

---

المشاركة الأصلية كتبت بواسطة ashrafsadany

رجاء التكرم ووضع اسعار حقيقية وياريت لو يبقى فى بريس لست من الشركة لانى اشتريت فانوس امامى انهاردة ب 980 جم وليس ب800 فياريت وشكرآ

---

كلام حضرتك مظبوط - شكرا على المعلومه