عرض للطباعة
انا باشتري عربيه يا شباب.
وكان كل تفكيري في اللانوس1 او اكسيل 1500 كامله مانيوال.
لكن النهارد وبالمصادفه فوجئت بالتيوتا كورولا 94
في نفس الفئه السعريه للانوس 1
بس للاسف ماعرفش عنها اي حاجه غير سعرها.
ياريت تقييم للسيارة.
مميزاتها عيوبها . قطع الغيار.
ياريت التقييم لموديلات من 91 الي 94
هما تقريبآ نفس الشكل.
http://www.tolis.ch/toyo_modelle/1995_corolla.jpghttp://www.tolis.ch/toyo_modelle/199...ta_corolla.jpg
مافيش حد عارف حاجه عنها ولا ايه ؟؟؟؟؟؟؟؟؟؟؟
لا من 88-92 دي السحليه
ال92-97 دي اللي انت قصدك عليها عيوبها انها غاليه اوي مش فاهم ليه مع ان تويوتا نزلتها بنفس مكنة و عفشة السحليه
صالون السحليه خاماته احسن و ثباتها كويس لحد 170
مشكور يا مان...
طيب موديل من 92 - 97 له اسم محدد ؟؟
في الخليج المنفوخه و في مصر المكببه
مافيش اسم اشيك من كده؟؟؟اقتباس:
في الخليج المنفوخه و في مصر المكببه
سميها انت
:d
the car is very good
i had it for a year model 1995
1.3 automatic
it was very good and very nice to ride
if u have any questions please send me a PM
دى كانت معايا العربيه دى عربيه جابره بمعنى الكلمه كانت بتغدغ فيها عربيه اثبتت كفاتها للدرجه انى بحس انها احسن من 2006 اللى انا راكبها دلوقتى توكل على الله واشتريها بس هاتها كامله احسن علشان ده سبب ان بعتها كانت فقيره فى الكماليات
العربية دى أنا ركبتها كتير بتاعت واحد صاحبى العربية فعلا ثابتة الموتور بتاعها رائع ,ممكن تكون المشكلة انو 1.3 و فيه عربيات تانية كتير 1.6 دلوقتى , لكن موتورها كأداء جنب اللانوس او الاكسيل هيبقى أحسن منهم "مع العلم انى كنت راكب اللانوس 5 سنين" .
العربية دى كويسة بس دور على واحدة كاملة و حلتها كويسة علشان متتعبكش , و ربنا يوفقك.
امسك فيه با يدك وسنانك العربية دى من احسن العربيات التى انتجتها شركة تويوتا انا كان عندى واحدة وهى برقبة اللانوس
خالص شكري ليكم يا شباب...
بس انا خلاص اشتريت لانوس... النصيب بقي.
مبروك يا باشا على اللانوس بس معلش سؤال أنت بتقول كان في نفس تمن اللانوس ١ ؟؟؟ أصل أنا لم سئلت عليها كانت في حدود ٥٠ ألفاقتباس:
المشاركة الأصلية كتبت بواسطة Drift_Lover
الف مبروك ربنا يملهالك بركة
بص والدى معاه تويوتا ترسل مو 94 هى زى الكرولا بظبط بس اصغر شوية بسيطه بجد العربية دى ممتاز جدا جدا جدا جدا جبارة فعلا والله والا التكيف بتعها والله انا ركيبت عربيات كتير جدا و انا معايا اوبل فيكترا 2000 التكيف بتاع الفيكترا ميجيش حاجة خالص جمب تكيف الترسل بجدا عمرى ما شوفت تكيف زية خالص احسن من تكيف البيت
وثبات ممتاز جدا جدا ومريحة فيها كل حاجة وهى احسن من الانوس بمراحل وحجتها معمرة جدا
على فكرة اسمها الملكه مو 93-97
ليه كده بس
فيه حد يفضل الكورى على اليابانى
الكورولا دي ممتازه انا ركبت عربيات كتير افضل عربيه ركبتها الكورولا دي انا عربيتي 94 الحمد لله مريحاني جدا ومسقط عليها موتور 1800 مخليها شديده جدا انا بنصح اي حد بيها
اقتباس:
المشاركة الأصلية كتبت بواسطة drift_lover
الملكة , وللعلم العربية دى رقم 1 فى الخليج للطبقة المتوسطة بسبب اعتماديتها وقطه غيارها وتحملها للحرارة
العربية دى احسن عربية ركبتها فى حياتى مع العلم ان اللى عندى 1300 تكييف وسنتر بس بس زى الفل
سؤالى بس ياجماعة هل ممكن اركب باور وتجاليد ومكن زجاج كهرباء
ممكن تركب ليها كل حاجة واولا بالنسبة للزجاج الكهربا هيكلفك حوالي 1300 جنية بالتركيب وده هيكون تمن الفرش والمكن والزراير والتاجر بيحلهم من ابواب استيراد ويركبهملك كمان انا عملت كدهاقتباس:
المشاركة الأصلية كتبت بواسطة sherof128
بالنسبه للباور ده ممكن تركبه بس اعتقد هتكون التكلفة عاليه شويه .
ممكن كمان تسقط ليها موتور 1600 سي سي انجكشن اسمه 5a وده هيوفر معاك في البنزين وهيديك قوه محترمه وده بيركب بالتكييف والباور وكل حاجه وهيكلفك في حدود من 2500 الي 3000 بالتركيب
انا معايا 1993 مانيوال 1300 مكيفة عربية ما شاء الله عليها ممتازة و عمرى ما اشتكيت نمنها صحيح صرفت عليها كتير شوية اول ما جبتها بس كلها كانت صيانات و قطع اصلية بس ركب الاصلى بتاعها و انسى و ما انصحكش بالاستيراد فى العربية ديه مع انه متوفر للغاية و اسعاره معقولة اما تيجى تشتريها لازم هاتلاقى العفشة تعبانة و عايزة تصليح لانها بتتعامل معاملة سيئة عشان بتستحمل البهدلة فى شوارعنا و ما بتشتكيش الا بعد مدة كبيرة فصاحبها بيدنه ناسيها بس العفشة اللى مكلفة شوية فى تصليحها لو هاتجيب الاصلى و اعملها صيانتها فى مواعيدها يعنى زيوت و فلاتر انساها هاتحط بس بننزين و تمشى و ماتورها 1300 الكاربراتير من احسن ما ابدعت تويوتا و الانجكشن كويس بس الكاربراتير اسهل فى الصيانة و قطع الغيار و استهلاكه 12 كيلو فى اللتر جوا البلد و 10 لو قرصت عليها و على الطريق فى السفر بتوصل 15 بالتكييف بس ده لو كربراتير مظبوط صح و فلاتر صح و صيانة صح
بصراحة الشكل من 92 إلى 97 ممتاز
عربية جميلة جدا
وقطع غيرها مش غالية
وينة وعندنا فى مصر بيسموها الشبح
وفى ناس بتقول عليها البطة
انا معايا نفس العربية الكورلا 94 ال 1300 كارباتير وتكييف وسنتر بس العبية فعلا حماله اسيه اوووووووووي انا جيت فترة اعاملها معاملة كفار ماقلتليش لاءاقتباس:
المشاركة الأصلية كتبت بواسطة agmgranturismo2006
بالنسبة للبنزين وهيه مش مظبوطه معايا بتعمل 10 جوه البلد وعلي الطريق من 13 ل 16 علي حسب طريقي ومشي يعني حملت معايا 14 علي اللتر بسرعه ثابته 140 بالتكييف
انها فعلا سيارة تستحق منا كل احترام
انا بس ليا سؤال انا باخد العربية كتير و باروح طريق القلعة دايما فى الطريق ده بس و لما اكون محملها يعنى 4 افراد و على التانى اسمع كركرة و العربية على الاول فى المطالع بتعانى شوية لازم ادوس بنزين جامد هل ده عادى لانها 1300 و لا انا عندى مشكلة مع العلم ان الطريق ده كله مطالعاقتباس:
المشاركة الأصلية كتبت بواسطة ahmed_soft89
عربية مفيش عليها خلاف افضل ما انتجت تويوتا
اهلا بزعيم رجالة اوبل حبايبنا نورت بيتنااقتباس:
المشاركة الأصلية كتبت بواسطة tananybasha
لو الكهربا مظبوطة والدسك والاسطوانة كويسين يبقي لازم تكبس بنزين شويةاقتباس:
المشاركة الأصلية كتبت بواسطة agmgranturismo2006
اقتباس:
المشاركة الأصلية كتبت بواسطة mr_sameh
تمام الحمد لله الحاجات ديه كلها لسة مركبها قريب فبيتهيا لى ان الطريق متعب فعلا و لما باكبس بنزين بتظبط معايا
عربية جميلة ومريحة جدااا
ومعروف عن تويوتا الاعتمادية