السلام عليكم
انا محتار بين الفيات جراند بونتو و البولو هاتشباك
الاتنين 1400 سي سي و 75 حصان و اوتوماتيك
البونتو ب 105000
البولو ب 100000
و لو في حاجة غيرهم قولوا عليها
شكرا......
عرض للطباعة
السلام عليكم
انا محتار بين الفيات جراند بونتو و البولو هاتشباك
الاتنين 1400 سي سي و 75 حصان و اوتوماتيك
البونتو ب 105000
البولو ب 100000
و لو في حاجة غيرهم قولوا عليها
شكرا......
طب عشان نوضح الامور اكتر
انا عملت استفتاء عن احسن عربيه هاتشباك
كلهم اوتوماتيك و بيتراوحوا في اسعار قريبة
مستني ارائكم
لو انت عايز عربية هاتشباك مدمجة :
يبقى قدامك مجموعة اختيارات مثل ( تيدا & مازدا 2 & بيجو 206 & سيتروين C3 & بولو & كليو & إبيزا & جيتز & سويفت & بونتو )
أنا هختار : نيسان تيدا & إبيزا .
ولو كان الاختيار من الفئة الصغيرة مثل ( 307 & C4 & جولف & 308 & جين 2 & Bmw 1 & إمبريزا & ميجان & أسترا & برافو & ليون & أودي A3 & مرسيدس A & مازدا 3 )
أنا هختار : جولف & مازدا 3 .
أستاذ MohamedAbbas....
أنصحك انك تبعد عن البولو الهاتشباك دي خالص....أنا العربية دي كانت عاجباني و داخلة دماغي قوي خصوصا بعد ما بقت بـ 100 ألف...بس بعد ما ركبتها في فورميولا الأهرام اللي فات صرفت نظر عنها تمااااااما !
بجد اتصدمت....العربية تقفيلها سيء جدا ومايليقش باسم فولكس فاجن أبدا! ده غير ان الصالون من جوه ضيق قوي ومش مريح خالص
همه فضلوا يرخصوها كل شوية عشان ما حدش كان عاوز يشتريها...أول ما نزلت كانت بـ 125 ألف...بعد كده بقت بـ 115 ودلوقتي خلوها بـ 100....بس برضه أنا متأكد ان ما حدش هايشتريها
وعلى فكرة أنا ركبت الابيزا برضه وحسيت انها ما تستاهلش سعرها ده كله...113750 ليه يعني....هي أينعم اسم ومن بره شكلها حلو وكده...بس برضه من جوه تحس انها مش قد كده وتحس ان الخامات عادية خالص....
والـ C3 بتبدأ من 95 ألف ودي مافيهاش غير تكييف وباور! الفول أوبشن الأوتوماتيك بـ 120 ألف...بس برضه كنت ركبتها من سنتين وحسيت انها أي كلام ومش مريحة من جوه...ده غير شكلها المكعبر الغريب ده! :biggrin24:
أنا رأيي الجراند بونتو والبيجو 207 همه أحسن حاجة في الفئة دي...بس زي ما أنت عارف في فرق سعر كبير بينهم (أوتوماتيك البيجو بـ 120 و أول فئة في المانيوال بـ 106)
بس لو هختار بين العربيات اللي في الاستطلاع مش هخرج عن الاتنين دول
انا متشكر جدا على ارائكم و مستني ردود اكتر
هو حضرتك ليه ما حطيتش حاجة زي السيريون والماتيريا والـ Sx4 والسويفت في الاستطلاع؟
والـ i30 برضه...رغم ان سعرها دلوقتي بقى مبالغ فيه جدا
الجراند بونتو والبيجو 207 و ال I30 وممكن تدخل معاك البروتون جين 2
هما افضل اختيارات
بس كله بحسابه لان اسعارهم متفاوته
ممكن بردوا تفكر في السكودا ميني فابيا
بيجو 207 توحفه
جراند بونتو أو ابيزا الأتنين احلى الهاتش باكاقتباس:
السلام عليكم
انا محتار بين الفيات جراند بونتو و البولو هاتشباك
الاتنين 1400 سي سي و 75 حصان و اوتوماتيك
البونتو ب 105000
البولو ب 100000
و لو في حاجة غيرهم قولوا عليها
شكرا......
زى مأخونا قال انا سألت كتييييييير وشوفت كتير فى الهاتش قبل منوى واختار
ولمه نزلت شوفت كل ما تتخيلو من هاتش
بولو ....ذات التبلوه والتقفيل الداخلى السىء للغايا فصرفت عنها نظرى
فابيا ....نفس اكلام
تيدا.. شكلها مش حلو اوى وسعرها غالى
جراند..75 حصان ومش بحب اليطالى
ابيزا... غاليا وتمنها مش فيها
مازدا.. هاتش غاليا برضو على حجمها
بيجــــو 207 .. مانيوال فول ابشن 1600 كمان و 110 حصان وشكل تحفه وتوفير فى الينزيز وموتور يتحمل واتعالج فيه كل مشاكل الموديلات الى قبلو فى البيجو واوسع كتير من الى فوق والسعر 105 الف وهستلمها كمان شهر ان شاء الله
انا نقلتلك كل الى لفيت عليه لمدة 3 شهور قبل مختار الحمد لله البيجو 207
وتحت امرك فى اى سؤال
والله يا جماعة انتم افدتوني جدا الف شكر والله !
بجد شكرا يا شباب
المعلومات دي المفروض تتنشر وتوصل للشركات عشان تحاول بشكل افضل الوصول للمستهلك
وبالتوفيق للجميع
البيجو 207 احلاهم الصراحة ( بس اغلاهم و على الفاضي )
الابيزا قدمت و في شكل جديد برة .. فحتبقى غبية اوي لو اشتريتها و بعد كام شهر لقيت موديل جديد
البولو البرازيلي دي عار علي فولكسفاجن من الداخل . الابيزا مع انها اختها في كل شيء الا انها افضل الف مرة .
الجراند بونتو - قمة في الذوق و التصميم و التفاصيل و ارخصهم سعرا و ارخصهم صيانة و قطع غيار .
--------------
دول الفئة الي انا بحبها ..
الي اكبر من كدة بيبوخوا بقى بالنسبة لي .