حد يعرف عيب فى سبرانزا A516 غير انها صينى؟!

**yasser2h** · 31-08-2009 08:07 PM

وليه يعتبر الصيني عيب .....يا ريت انا نفسي صيني ...يا جماعة بلاش تخريف الصين ناس محترمة جدا يا ريت يبقى عندنا ربع اقتصادهو ...وعلي فكة العربية فوق الممتازة ولا يوجد بها أى عيوب

**mostafa3000** · 01-09-2009 01:07 AM

يا جماعة العربية دي مع حماتي من 2006 وبصراحة هي مشتكتش من حاجة لحد دلوقتي
غير ان الصيانة دايما زحمة وقطع غيارها غالية شوية
بس انا اعتقد انها معقولة بالنسبة لسعرها

**osha966** · 04-09-2009 12:59 AM

حرام عليكو يا جماعة دى عربية سيئة جدا جدا بلاش نبرر ونحلل تمنها وخلاص دى عربية تعبانة وبتتباع أكتر من ثمنها ب 30 الف جنيه انا شفت عند الميكانيكى سبرانزا 2009 بتتصلح وفيها مشاكل فى الموتور وصوتها غريب .. بس العيب مش على الصينيين العيب على الوكيل والتاجر المصرى الحرامى دى عربية ما تستاهلش اكتر من 45 الف جنيه بيبيعوها اكتر من تمنها ب25 30 الف

**محمد صبري ابراهيم** · 07-09-2009 05:15 PM

أنا حابب أرد على الموضوع ده بمنتهى الامانة

أنا معايا ال A516 من شهر 6 سنة 2007 ، العربية دلوقتي بقالها سنتين و 3 شهور و عاملة 65000 كم لأني بسافر بالعربية كتير جدا و تقريبا كل أسبوعين

لم أقم بأي شئ للعربية إلا الصيانة الدورية في التوكيل

لم يظهر معي إلا الآتي:
صوت شخشخة مع كبس البنزين و عند 2000 rpm و ديه وقت ما كنت عامل بالعربية حوالي 15000 كم و في التوكيل غيرولي علبة الكتاليزر في الضمان و خلاص من ساعتها مافيش أي مشكلة فيها تاني.

السخونة إللي تحت الدريكسيون، و ديه هما في التوكيل قولتلهوم عليها و ظبطوها بدري بدري و مابقتش بحس بالمشكلة ديه خالص.

مرة واحدة أخادت خبطة في بطن العربية من الأسفلت العظيم بتاعنا و ده كسرلي الشاكمان من عند الزور نحية الماتور و كنت في عيد صغير و التوكيل قافل، روحت لواحد بتاع شاكمانات عادي و لحمهولي و بقالوا أكتر من سنة زي الفل.
.................................................. .................................................. .................................................. ..*
في المجمل العربية ممتازة و ناعمة في سحبتها، و التكييف تلاجة، و خاصة إني مشيت سنتين من غير ما اعملوه أي صيانة خالص و بس في بداية الصيف ده قولتلهم علية في التوكيل فكشفوا علية و لقوا بس إن الفلتر كان مقفول خالص من التراب و بس غسلوة و التكيف تحول فعلا إلى تلاجة في عز الضهر، و دية كانت اول مرة اعمل فيها اي نوع من انواع الصانة للتكييف من يوم ما اشتريت العربية.

مشكلة الخبطة إللي في الدريكسيون، هي ديه بس المشكلة الوحيدة من وجهة نظري في العربية ، إنها مزعجة شوية لما تمشي على ارض مكسرة و بسرعة حوالي 20 او 30 ، بس انا شخصيا مش مضايقاني و لا عملالي مشكلة، و على فكرة هما في التوكيل قالولي ليها حل و هو ربط العفشة جامد بس ده هايخلي الباور تقيل، فأنا شخصيا قولتلهم لأ

**mantoros** · 07-09-2009 06:58 PM

هو ده اللي اسمه تقرير بجد من راجل معاه السيارة و مجربها و يتكلم بحياد تام مش ناس نازلة شتيمة و تشهير في السيارة لمجرد انها صيني.....كأن مثلا الصين دي ورشة جوة الباطنية؟!!!!!

يا ناس كونوا موضوعيين و اتقوا الله فيما تقولون حتي لا تنفرونا من المنتدي الجميل

و دعوا الاراء للمجربين فقط و بحياد تام

و السلام عليكم

**SamerBassiouny** · 11-09-2009 01:28 AM

المشاركة الأصلية كتبت بواسطة hook1st

انا معايا العربية من شهر 8 2009 وهي لغاية دولقتي ملهاش مشاكل غير الكاسيت بيعلق ساعات و العربية بتخبط لما بتعدي علي طوب وفي حدفة يمين خفيفة
لكن غير كدا العربية مريحة وجميلة جداً

طب و ده كلام في عربيه ماكملتش شهرين؟

انت عايز يبقى فيها ايه تلني؟؟!!!!!!

**Hacker5** · 11-09-2009 01:39 AM

المشاركة الأصلية كتبت بواسطة samer bassiouny

طب و ده كلام في عربيه ماكملتش شهرين؟

انت عايز يبقى فيها ايه تلني؟؟!!!!!!

الافيو فيها المشاكل دى و اكتر

**SamerBassiouny** · 11-09-2009 07:36 PM

المشاركة الأصلية كتبت بواسطة hacker5

الافيو فيها المشاكل دى و اكتر

ساعتها اروح اعملهم هيلمان فى التوكيل

**msdk** · 28-09-2009 04:12 AM

يا جماعه انتوا بتتكلموا فى ايه دى عربيه هيا موبايل عشان يطلع عليها الكلام ده كله.
والله من راى ان العربيه ممتازه ومعايا من 2007 والحمد لله ما فيش اى مشاكل بشتكى منها وياما الناس اتكلمت عن حاجات كتييييييييييييير وقالت وحشه وبعد كده هم نفسهم اللى بيشكروا فيها بعد كده.

هى المشكله فى ايه! كتر الكلام عنها وعلى فكره ده دليل ان العربيه لفتت انتباه الناس.
وبعدين ما فى 2006 قااااااالو اصبروا بعد سنه عشان نحكم عليها كويس وأأأأأأأأأأأأأأأأأأأأأأأأ هو مر 3 سنيين تقريبا وما طلعتش يعنى العيوب اللى كانت الناس متوقعاها الا زى العيوب العاديه اللى بنلاقيها فى اى عربيه غالبا وده لانها عربيه وارد تاخد مطب اويتحمل عليها شويه.

وعلى فكره يا جماعه وللامانه انا معايا سيفيك 2008 كمان ولما اشتريتها وانا فى الالف كيلو اللى فى الاول بقيت احس بكركبه وانا بانقل الفتيس على الR هل بقى اقول انها عربيه زباله !!!!!!!!!!
روحت التوكيل وطلع فى عيب فى علبه التروس عندى والصراحه غيروها وبعدها روحت اعمل صيانه ال5000 وكلمنى مهندس هناك انهم بيصلحوا عيب فى نظام الفرامل تلقائيا مع كل عربيه بتيجى التوكيل وان العيب ده اكتشفته قال ايه الشركه هنااااااااااااااااااااااا اااااااك فى اليابان
هل بقى ازعل من السيفيك والفطيم ومن مصر ؟
لا طبعا ده ما يقللش من السيفيك ابدا ده غير انى عمرى ما هقارن بينها وبين ال516.
دى عربيه ليها زبونها وسعرها ونظره الناس ليها
وال516 ايضا ليها سعرها وزبونها ونظره الناس ليها

اما بخصوص نظره الناس على انها صينى انا باركن الاثنين جنب بعض وما حستش وان شايف الاثنين ان ال516 معفنه ولا رحيتها وحشه عشان صينى.

يا جماعه ايه العيب فى الصينى هل انه امكانياته كتييير بس جودته منخفضه الى حدا ما؟!
ما هو ده عادى عشان اللى بيشترى عاوز امكانيات وسعر معقول.

واسف على الاطاله. مع خالص شكرى للقائمين على المنتدى وكافه الاعضاء.

**medo_2060** · 10-10-2009 02:35 AM

المشاركة الأصلية كتبت بواسطة msdk

يا جماعه انتوا بتتكلموا فى ايه دى عربيه هيا موبايل عشان يطلع عليها الكلام ده كله.
والله من راى ان العربيه ممتازه ومعايا من 2007 والحمد لله ما فيش اى مشاكل بشتكى منها وياما الناس اتكلمت عن حاجات كتييييييييييييير وقالت وحشه وبعد كده هم نفسهم اللى بيشكروا فيها بعد كده.

هى المشكله فى ايه! كتر الكلام عنها وعلى فكره ده دليل ان العربيه لفتت انتباه الناس.
وبعدين ما فى 2006 قااااااالو اصبروا بعد سنه عشان نحكم عليها كويس وأأأأأأأأأأأأأأأأأأأأأأأأ هو مر 3 سنيين تقريبا وما طلعتش يعنى العيوب اللى كانت الناس متوقعاها الا زى العيوب العاديه اللى بنلاقيها فى اى عربيه غالبا وده لانها عربيه وارد تاخد مطب اويتحمل عليها شويه.

وعلى فكره يا جماعه وللامانه انا معايا سيفيك 2008 كمان ولما اشتريتها وانا فى الالف كيلو اللى فى الاول بقيت احس بكركبه وانا بانقل الفتيس على الr هل بقى اقول انها عربيه زباله !!!!!!!!!!
روحت التوكيل وطلع فى عيب فى علبه التروس عندى والصراحه غيروها وبعدها روحت اعمل صيانه ال5000 وكلمنى مهندس هناك انهم بيصلحوا عيب فى نظام الفرامل تلقائيا مع كل عربيه بتيجى التوكيل وان العيب ده اكتشفته قال ايه الشركه هنااااااااااااااااااااااا اااااااك فى اليابان
هل بقى ازعل من السيفيك والفطيم ومن مصر ؟
لا طبعا ده ما يقللش من السيفيك ابدا ده غير انى عمرى ما هقارن بينها وبين ال516.
دى عربيه ليها زبونها وسعرها ونظره الناس ليها
وال516 ايضا ليها سعرها وزبونها ونظره الناس ليها

اما بخصوص نظره الناس على انها صينى انا باركن الاثنين جنب بعض وما حستش وان شايف الاثنين ان ال516 معفنه ولا رحيتها وحشه عشان صينى.

يا جماعه ايه العيب فى الصينى هل انه امكانياته كتييير بس جودته منخفضه الى حدا ما؟!
ما هو ده عادى عشان اللى بيشترى عاوز امكانيات وسعر معقول.:b4_444:

واسف على الاطاله. مع خالص شكرى للقائمين على المنتدى وكافه الاعضاء.