حد يعرف عيب فى سبرانزا A516 غير انها صينى؟!:U_thin1[1]::U_thin1[1]::U_thin1[1]:
عرض للطباعة
حد يعرف عيب فى سبرانزا A516 غير انها صينى؟!:U_thin1[1]::U_thin1[1]::U_thin1[1]:
وانا كمان بضم صوتي لصوت يا amek عايز اعرف عيوبها ايه من الناس الي جربوها مش كلام مسموع وخلاص ..... ياريت يا جماعة حد يفيدنا بكلام واقعي لان العربية ده عاجباني اوي خاصتا انها full option وسعرها رخيص .
يا جماعة انا خالى لسة جايب العربية دى من شهرين بس و كل ماشوفه و اساله عليها يقولى عربية زاى الفل و متصدقش اى حد يقولك حاجة عليها
مش عارف بقى بيقول كدة عشان عربيته ولا فعلا كلامه صح مش عارف
بس ركبتها معاه محستش ان العفشة ناشفة زاى الناس مابتقول و الموتور صوته مش عالى و عزل الصوت فيها كويس احلى من عربيتى
فوق كدة كمان مع انها صينى بس قطع غيارها غاليه
انا عارف انها اصلا قطع غيارها المفروض تتباع بكلام فارغ نظرا لانها صينى و لكن بس عشان ابو الفتوح حرامى و فاكر عربيته مرسيدس فمغلى قطع غيارها على ايه يا حسرة
سبرنزا محترمه وواسعه وتوكيلها ممتاز بس عايزه شويه صبر مع التوكيل علشان كميه السيارات المباعه كتير في وقت قياسي وفيه ضغط جامد علي التوكيل لكن هي سياره عمليه
اسبيرانزا 516 مفيش عيب غير أبو الفتوح لأانه غلي قطع غيارها
على فكرة يا باشا احسن حاجة فى اسبيرانزا ان ابو الفتوح هو وكيلها
وليها قطع غيار فى التوفيقية
وسعرها قريب للانسر
العربيه معايا بقالها تقريبا 6 شهور و عامل بيها 10000 كيلو هي الحمد لله كويسه بس عيبها الوحيد معايا انا ان عفشتها بتزيق علي السرعات المنخفضه من 20 -30 في الشوارع المكسره بس و لما بتترش Cyclo او Wd 40 التزييقه بتروح
انا كنت كسرت زجاج المرايه اليمين و رحت غيرته ب 90 جنيه
غير كده مليش تعامل مع التوكيل
بس العربيه في الاجمالي بالنسبه لسعرها و باقي العربيات ممكن اديلها 8.5 علي 10 و ده كويس علي اساس ان اللي هياخد اعلي من كده هيبقي ياباني او الماني و الاتنين سعرهم اضعاف الاسبرانزا بنفس الكماليات
انا معايا العربية من شهر 8 2009 وهي لغاية دولقتي ملهاش مشاكل غير الكاسيت بيعلق ساعات و العربية بتخبط لما بتعدي علي طوب وفي حدفة يمين خفيفة
لكن غير كدا العربية مريحة وجميلة جداً
انا كنت سمعت في مرة من واحد اشتراها ان الموتور بتاعها بيسخن
( واحد بس ) و فيه واحد تاني كان عنده مشكلة في المساعد الوراني ( تقريبا كان مكسور )
بس اللى انا متأكد منه
ان العربية دي اثبتت نفسها بشكل جاااااااااامد جدا
و تعتبر فعلا من احسن العربيات الصيني اللى موجودة حاليا في مصر
و اعتقد انها كمان احسن من البريليانس ( رأيي الشخصي )
و برضه حاول تسأل اكتر و تشوف متوسط اجابات الناس ايه و ده اللى هيحدد اذا كانت العربية فعلا كويسة ولا ؟؟؟؟!!!!!
العربية مافيهاش عيوب جوهرية كل المشاكل سوء التقفيل المصرى قلنا مش مشكلة نستحمل كام زيارة للتوكيل وكل حاجة تبقى تمام زيارات التوكيل ولا تدفع حوالى 40000جنيه عشان تشترى عربية بنفس الكماليات وتقفيلها نضيف ؟ وده لا يمنع ظهور بعض المشاكل فى العريبية الغالية
المشكلة فى أسلوب التوكيل الذى يعتمد على
الفهلوة - التفتيش - البرمجة وغيرها من امراض البشر
المهم تكون عارف حقوقك كويس وماتزهقش لما العربية تستنى 7ساعات عشان مشكلة مش عارفين يحلوها (تجربة شخصية) وبعدين واحد بره يحلها فى 10دقائق