باشا الكاتالوج اللى معاها كورى بس وبعدين بفرض ان فى تغييرات زى مابتقول مين قالك انها مش نازله فى النترا 2009؟
باشا صدقنى الناس دى مابتلعبش فى المواتير الموضوع ده يخسرهم اللعب كله فى الاوبشن بس
معلش طولت عليك
عرض للطباعة
شكرا جدا يا باشا و ربنا يحفظهالك.
[quote=want_better;709505]انا لما قصدت مافيش فرق أقصد به انك هتلاقي حاجات كتير من اللي بتركب على الانترا برتكب على الافانتي
لكن طبعا مع احترام فرق التجميع الكوري عن التجميع المصري
إحترامى لكم جميعاً , مفيش تقفيل مصرى للإلنترا كل اللى بيتعمل فى مصر السنتر و الإنذار .
تحياتى
ربنا يباركلك فيها ويكفيك شرها
انا معايا افنتى بردة وكنت فاكرها الينترا بس موديل 2001
وبجد ماشاءالله عليها جميلة جدا جدا
لينا لقاء تانى باذن الله
الف شكر على الشرح الجامد للعربية
وبجد العربية شكلها ممتاز
وربنا يباركلك فيها
شكرا ليك ياباشا على الشرح
السلام عليكم ورحمة الله وبركاته
يا جماعة أنا إسمي أحمد مصطفى مصري عايش في السعودية من خمس سنين
أنا متابع الموضوع من أول مابدأ وعايز أقول حاجة صغيرة
أولا مبروك ليك على السيارة الجميلة جدا جدا
أنا قلت أساهم بحاجة عشان انا عايش في الخليج يعني وبشوف حاجات مش في مصر وشفت النقاش زاد عليها أوي
الخبر هو :
أنا معايا هيونداي إلنترا 2009 جايبها من حوالي أسبوع بس من السعودية
الإلنترا هي الأفانتي والأفانتي هي الإلنترا
أرجو من صاحب الأفانتي ميزعلش ويفهم قصدي
إحنا عندنا هنا الإلنترا الفل أوبشنز هي الأفانتي اللي بتتكلم عليها
الكتالوج اللي جاي مع سيارتي مكتوب عليه إلنترا وأفانتي
داخل الكتالوج مفيش ولا كلمة إلنترا ولا أفانتي هو بس كل ما يتكلم عن خاصية تكون أوبشنال بيكتبلك بين قوسين (إذا كانت سيارتك مزودة بذلك) يعني داخل الكتالوج مبيقولش دي في الإلنترا ودي في الأفانتي
وزي ما قلتلك الفل أوبشنز هي اللي بتتكلم عليها تقريبا يعني على حد علمي والله أعلم ممكن تكون فيه فروق صغيرة ولا لأ بس الفروق عندنا دايما سببها الوكيل
أنا مجبتش الفل أوبشنز لأني عارف احتياجاتي في السيارة أنا جبت الأوتوماتك وزجاج كهربا وحاجات تانية واستغنيت عن الكراسي الجلد الطبيعي والجنوط وفتحة السقف عشان مش دي الحاجات اللي بتستهويني في السيارة
الحق يتقال
السيارة خطيرة في الاتزان بتاعها وفي الفرامل وفي الهدوء وعندي كاسيت بلوتوث بشغل أغاني من الموبايل منغير وصلات وعندي يو إس بي
عندنا منها بمحرك سعة 2لتر 2000سي سي وسحبها أحسن طبعا من العادية بس قانون الجمرك بتاع بلدنا هي اللي أجبرتني على شراء 1600 سي سي عشان إن شاء الله ناوي أنزلها معايا نهائي بعد كده
ولولا القوانين دي كنت جبت هيونداي سوناتا 2400 سي سي وعلى فكرة السوناتا غير الموجودة في مصر يعني سابقة حوالي أربع خمس سنين يعني شكل تاني غير اللي عندكم
ده غير إن السوناتا بتاع مصر متولف عليها محرك إلنترا وده مخليها ضعيفة عشان السيارة تقيل
أنا طولت عليكم أعذروني دي أول مشاركة ليا
وتحت أمركم في أي سؤال عن السيارات في السعودية
وسعدت بالمنتدى الجميل الراقي جدا ده
أخوكم
أحمد مصطفى
مهندس كمبيوتر
السعودية - جدة
شكرا ياباشا على المشاركه الجميله دى وربنا يباركلك فى عربيتك ويكفيك شر الطريق يا رب
على انا مش مستغرب من كلامك لانه مش اول مره اسمعه
بس انا لما لقيت الكلام بينى وبين الاعضاء ممكن يزعلنا من بعض قولت اريح دماغى واصور العربيه وهما يشوفوا بعنيهم وخلاص
تصدق ياباشمهندس اخمد ان بعض الاعضاء بعد ما شافت الصور لسه مشككين فىان العربيه النترا مش افانتى ؟؟
وعاوز اقولك كلمه ومن الاخر
افتح موقع هيونداى الكورى وهتلاقى انها اسمها افانتى مش النترا
واللينك موجود فى الموضوع
انما علشان نقول الالنترا هى هى الافانتى فلازم الكلام يكون له برهان
انا برهانى كان صور عربيتى
فياريت لو لقيت النترا هى نفس العربيه الافانتى اللى شوفتها فى الصور هنا فى الموضوع ده
ارجو منك عرضها فى موضوع لوحده او تضيفها هنا
المهم لو انا غلطان وانت اللى صح يبقى تشكر على تصحيح معلوماتى
ولك منى ارق تحيه واحترام
هو الزيت والفلتر بيتغيروا فى صيانة الألف ولا ايه؟
فى الافانتى الجواب اللى جاى مع العربيه من المصنع بيقول ان الزيت فيها يمشينى 10 الاف كيلو ويكون الزيت من نوع شيل
وليا طلب من حضرتك
يا ريت تصور عربيتك الافانتى عشان الاعضاء يستفيدوا ويتعرفوا اكتر على الافانتى
ممكن يكون عندك حاجه مش عندى والناس هنا مش عارفاها
انا مستنى صور عربيتك
سلاموووووووووز
السلام عليكم ورحمة الله وبركاته
باشمهندس ازي حضرتك يمكن قصدي موصلش لحضرتك من المرة الأخيرة بس خليني أقول حاجة بسيطة
في الكتالوج بتاعي مكتوب إلنترا وأفاتني على الغلاف
أنا مثلا المكيف بتاعي مش تتش زي بتاعك
هتلاقي جوة الكتالوج شرح استخدام المكيف التتش ومكتوب بين قوسين
(إذا كان متوفرا في سيارتك)
وبعيد شرح المكيف اللي مش تتش ومكتوب نفس العبارة بين قوسين
وهكذا في حاجات تانية
بس خد عندك في إمكانيات السيارة والماكينة وصندوق التروس والفرامل وأنظمة الأمان و و و ...... عمره ما قال كده وإنما لو هيتكلم عن حاجة زي ESP أو ABS ودي كماليات بتكون موجودة أو مش موجودة حسب اختيارك بيقولك الجملة دي بين القوسين (إذاكان متوفرا في سيارتك) ......
يعني ...
كوريا يا هندسة انفردت لنفسها بأعلى مواصفات كماليات في السيارة ليها ومصدرتهاش وعشان الناس ترضى تدفع في السيارة كويس ومحدش يقول دي إلنترا سموها أفانتي
خصوصا إن الإلنترا الشكل اللي قبل كده كان لا يقارن بالجديدة وممكن يبوظ سمعة الأفانتي المتميزة
ولو عايز تعرف عن الفروق اللي لسه مشفتهاش هنا أقولك
المكيف التتش (الديجيتال) مشفتوش ويمكن موجود أو مش موجود واعتقادي انه مش موجود غير بالطلب ((هنا الوكيل محترم ممكن يجيبلك مخصوص بس ادفع يا باشا))
الكاسيت اللي هو جزء من التابلوه بالظبط مشفتهوش وعندنا فيها كاسيت متركب بس كفائته عالية ما شاء الله وفيه بلوتوث ويو إس بي ومدخل صوت كمان
الفل عندنا برضه فيه كراسي جلد وبتتحرك كهربا ودفايات للكراسي وشماسة بتتطول وتحتها لمبة ووووو هههههههه
يعني إذا كان عندنا إلنترا فل أوبشنز
يبقى انت عندك أفانتي = أفانتي فل الفل ههههههههههه
صدقني أنا من أول ما جبت السيارة وانا نفسي في طريقة ابتعلك بيها نسخة من الكتالوج بس مش عارف ازاي
استفدت منه كتير جدا جدا جدا
وبالنسبة للأخ اللي بيسأل عن تغيير الزيت في الألف الأول
ده لازم عشان ده زيت التليين وبيكون فيه نسبة الرايش عاليه
وحكاية الزيت اللي كل عشرة آلاف دي ليها حكاية في الكتالوج
حيث في الأجواء الباردة استخدم زيت 10-30 وده بيمشي عشرةألاف مع الاستخدام العادي للسيارة
في الأجواء الحارة استخدم زيت 20-50 وده لزوجته أعلى وبيدي تشحيم أحسن في الأجواء الحارة وممكن يقعد عشرة ألاف مع الاستخدام العادي للسيارة
حد هيسأل ايه الاستخدام العاي واللي مش عادي
عندي في الكتالوج جدول يجنن عن ظروف التشغيل القاسية مثل
السير لفترات طويلة
السير على سرعات أعلى من 120
السير بحمولة عالية (ملحوظة أعلى حمولة 540 كجم)
السير وجر مقطولة
السير لمسافات قصيرة كثيرا
وكل ظرف من اللي فاتو دول ليه رمز
وجايبلك كل حاجة بتتغير في السيارة بتتغير على كام كيلو
ومع الظروف دي بتتغير علىكام
إحنا عندنا بنغير زيت كل 5000 عشان
أجواء حارة
مكيف مبينطفيش
مسافات عالية حيث بقطع مسافة 50كيلو لأقل مشوار ممكن اروحه عادي جدا كأني خدت شارع شبرا مثلا في مصر (الاتنين هياخدو معايا نص ساعة ههههههههههه)
السير بسرعة تصل إلى 200 أثناء السفر ولو سيارة 1600سي سي زي بتاعتنا انا مش همشي أكتر من 160 أو 180
وطبعا لو نازل بيها مصر يبقى هحمل حمولة بس مش هفكر في جر مقطورة لأنهم كاتبين أثناء الجر متزيدش السرعة عن 100 وده أمر خنيق شوية
مع العلم ان الزيت الخفيف 10-30 بيدي تسارع افضل وتوفير في الوقود
أخيرا يا هندسة ارجو انك تحاول تعرف سيارتك بتشتغل على بنزين كام عشان في الكتالوج مشددين جدا على نوع الوقود
انا سيارتي ماشية على 91 وده متوفر عندنا ياريت تحاول تسأل عشان مش معنى انك تحط بنزين أعلى مثل 95 أو 92 إنك بتحافظ على السيارة وإنما البنزين أعلى أو أقل ممكن يضر السيارة حسب الكلام اللي في الكتالوج
أخير أخيرا
يا هندسة متركزش كتير في حكاية إلنترا وافانتي زي ماقلتلك انت راكب إلنترا بس فل الفل يعني موصافات كاملة (والكمال لله)
وأنا راكب أفانتي بس كماليات أقل
ولما حد يقولك دي إلنترا قوله اه بس بكماليات مخصوصة مش بتيجي غير بالطلب من كوريا عشان هم مش بيصدروها
أرجو مكونش طولت
واكون افدت ولو بجزء بسيط
أخوكم أحمد مصطفى
من جدة
ممكن يبوظ سمعة الافانتي ؟؟؟؟
ازاي يعني
وازاي مينفعش يتقارن ؟؟
لو كلامك مظبوط كان زمان الدوريات السرية ف السعودية بقت
النترا او افانتي
بس الدوريات السرية اللي موجودة هيا الالنترا الشكل((اللي هيبوظ سمعتها)) :k45:
ازاي بقا ؟؟
والف الف الف الف الف الف الف الف مبروك لصاحب الافانتي وربنا يكرمك فيها ويحفظهالك
ماشاء الله ربنا يحميهالك
ويبارك لك فيها
توضيح هام جدا للجميع
يا جماعه مش عاوز مشادات فى الكلام ولا نخلى كلامنا عن حاجه معينه وفى اعتقادى مالهاش لازمه
يعنى لما نتكلم على اسم النترا ولا افانتى مش مهم
المهم هنا اننا نتعرف على العربيه وبغض النظر عن اسمها ايه المهم انها هيونداى
وكان الغرض من عرضى لسيارتى هنا فى المنتدى هو محاوله المزيد عن السياره دى
وللاسف لقيت الكل عمال يتكلم ويعلق انها النترا مش افانتى
ومالقيتش مثلا حد قال هى ليه مش موجوده فى التوكيل ونتناقش مع بعض ليه الكماليات دى مش موجوده فى مصر ونعرف ايه الاسباب ؟؟ مثلا ونحاول نخرج من نقاشنا بجمله مفيده نقدر نوصلها للوكيل غبووور
مع ارق تحياتى لكل من شرفنى بالمرور
الله يبارك فيك يا شقيق
يااااااااااااااه أخيراً وضحت وجهات النظر
على فكره يا جماعه انا جديد هنا بينكم وقرأت الموضوع كله من اوله عشان افهم صح وفعلا الكلام كله جميل واسلوب الحوار اكتر من رائع بس يمكن فيه كلام بيتفهم غلط فى الاول وده طبيعى
عموما انا مسجل معاكم عشان حجزت النترا 2009 وإن شاء الله هستلمها الاسبوع الجاى
ياريت لو حد عنده نصيحه خصوصا فى فترة التليين
الف شكر على الشرح الوافى للعربية وربنا يباركلك فيهاااا
[b]بصراحه من خلال الوصف هي عربيه وهميه وتحفه بكل ما تعنيه الكلمه بس هل في قدرة اي واحد إنه يشتري افانتي من كوريا ويجمركها ويرخصها ويدفع تمن صيانتها ويلاقي قطع غيارها الاصليه من التوكيل او اشتريها حتى من كوريا . الموضوع مش سهل وفي نفس الوقت العربيه افانتي سعرها كام في كوريا وجمركها كام عشان اقدر احدد اذا كان سعرها منافس في السوق لسعر الالنترا توكيل ولا لأ ؟
محمود عاطف
الف الف شكر على المعلومات القيمة دى
موضوع جميل جدا وشرح اكتر من وافى شكرا عالمجهود
انا ليه سوال لحضرتك هل العربيه دي و انت بتقول مافيهاش عداد حراره مش ممكن تكون مش مناسبه لمصر خصوصا في الصيف و انت مشغل التكييف و ماشي دقيقه و تقف 5 دقايق ولا انا غلطان حيث ان العربيه دي اكيد ليها ترموستات عشان تسخن في كوريا حيث ان الجو هنا مش زي هناك
اسئلتك تدل على انك ما قريتش الموضوع بتمعن
وبرضه هجاوبك ياباشا
انا اشتريت العربيه من كورياوجمركتها ورخصتها ولسه ما عملتش صيانه
اما عن تكلفتها هى ب 140 الف جنيه
سعرها فى كوريا عامل 90 الف
شحن وجمرك 49 الف جنيه
و 1000 جنيه ترخيص
بالنسبه لؤالك الخير فانا عن نفسى لا يوجد وجه مقارنه بين الالنترا توكيل والهيونداى افانتى اللى بنتكلم عليها
كفايا انى اما اتصلت عليهم وسالتهم على الافانتى
يردوا عليا ويقولى ايه الافانتى دى ؟؟
تخيل
شرفنى مرورك الكريم وارجو انى اكون جاوبتك بشكل يرضيك
ارق تحياتى
اولا مش فاهم يعنى ماشى دقيقه وتقف 5 دقايق؟مش عارف تقصد بيها ايه يا شقي
اهاااااااااااا جينا بقى لمعدل درجة الحراره
انا معاك فى كل اللى انت بتقوله ان الترموستات عشان تسخن فى كوريا
نيجى للشتا
هتلاقيها بتسخن اسرع
عشان درجة الحراره فى الشتا اقل من مصر بمعدل 5 درجات
وفى الصيف بقى جو مصر زايد فى الحراره نفس المعدل
فاعتقد ان قى الشتا ميزه مش عيب
اما الصيف مش فارق الموضوع قوى مع العربيه الاختلاف فى درجات الحراره مش كبير
يعنى لو خدنا الافانتى ورحنا بيها الامارات او سلطنه عمان
اخرها تشتغل يومين ولمبه الحراره تنور
وعلى العموم انا لسه الصيف ما دخلش قوى عشان اجرب العربيه فيه
وان شاء الله خير
ارجو ان اكون رديت رد وافى ويرضيك
ومستنى ردك
شرفنى مرورك
ارق تحياتى
انا قصدي في الزحمه بتاعت مصر و ربنا يبارك فيها انا مش بعيب في العربيه ولا حاجه بس استفسار بسيط مش اكتر و كنت بسأل هل نظريتي صح ولا غلطاقتباس:
اولا مش فاهم يعنى ماشى دقيقه وتقف 5 دقايق؟مش عارف تقصد بيها ايه يا شقي
اهاااااااااااا جينا بقى لمعدل درجة الحراره
انا معاك فى كل اللى انت بتقوله ان الترموستات عشان تسخن فى كوريا
نيجى للشتا
هتلاقيها بتسخن اسرع
عشان درجة الحراره فى الشتا اقل من مصر بمعدل 5 درجات
وفى الصيف بقى جو مصر زايد فى الحراره نفس المعدل
فاعتقد ان قى الشتا ميزه مش عيب
اما الصيف مش فارق الموضوع قوى مع العربيه الاختلاف فى درجات الحراره مش كبير
يعنى لو خدنا الافانتى ورحنا بيها الامارات او سلطنه عمان
اخرها تشتغل يومين ولمبه الحراره تنور
وعلى العموم انا لسه الصيف ما دخلش قوى عشان اجرب العربيه فيه
وان شاء الله خير
ارجو ان اكون رديت رد وافى ويرضيك
ومستنى ردك
شرفنى مرورك
ارق تحياتى
هههههههههههههه
اولا اسف كلى الكلمه البايخه اللى انا كتبتها
(شقى)
بس هى جات سهوا عشان كان قصدى اكتب يا شقيق
فمعلش اعذرنى
اما عن نظريتك وكلامك انا وضحت رايىى كويس وممكن تتاكد من كده وتتعرف على الطقس فى كوريا الجنوبيه هتلاقيه مش فارق كتير
واسف مرة تانيه
ارق تحياتى
الف مبروك و ربنا يباركلك فيها
مشكور جدا
وربنا يباركلك فيها يا رب