اقتباس:
المشاركة الأصلية كتبت بواسطة bob12345
مبروك تاني مرة بس أنت شايف أنها أحسن من الانسر و الكرولا و المازدا3
الله يبارك فيك حبيبى
بالنسبه لسؤالك احب اقولك انت جيت فى حته مهمه جدا
واحب اقولك انى كنت عاوز اشترى لانسر
بس لقيتها منتشره جدا وبقت فى الشارع زى الفيات ال 128
وبعدين لقيت منها تاكسى كتييييييييير جدا
ده الى جانب الفرق الشاسع فى الكماليات
فقررت التجاه للكرولا
برده ما لقيتش الكماليات اللى انا عاوزها حتى لو كنت هستوردها من اليابان نفسها
وبعدين لقيت فرق جامد فى مساحة الكنبه
لقيتها ضيقه جدا لما نقارنها بالانترا
فى التويوتا المهندس وسع السنطه على حساب الكنبه
والاهم كمان شكل الالنترا انا شايف انه اشيك من اللانسر والكورولا والمازدا
نيجى بقى للمازدا
اولا ضيقه جدا
التابلوه تقليدى جدا
يعنى من الآخر لقيت صالونها عادى جدا ويمكن اقل كمان
يبقى نحكم على المازدا من الشكل الخارجى
هتاخد 10 على 10
انما من جوه 3 على 10
فقررت اجيب النترا
وبالصدفه عرفت الافانتى
قلت افتح موقع كوريا واشوف الالنترا نازله ازاى
لقيتها افانتى مش النترا
ولما عرفت الكماليات قررت اجيبها
شوفت بقى انا رحت من اللانسر للافانتى ازاى
شرفى مرورك
ارق تحياتى