الموضوع: هيونداى أفانتى 2009 تقرير كامل بالصور

المشاركة الأصلية كتبت بواسطة pqpqpqpqpq

شكرا ياباشا على المشاركه الجميله دى وربنا يباركلك فى عربيتك ويكفيك شر الطريق يا رب
على انا مش مستغرب من كلامك لانه مش اول مره اسمعه
بس انا لما لقيت الكلام بينى وبين الاعضاء ممكن يزعلنا من بعض قولت اريح دماغى واصور العربيه وهما يشوفوا بعنيهم وخلاص
تصدق ياباشمهندس اخمد ان بعض الاعضاء بعد ما شافت الصور لسه مشككين فىان العربيه النترا مش افانتى ؟؟
وعاوز اقولك كلمه ومن الاخر
افتح موقع هيونداى الكورى وهتلاقى انها اسمها افانتى مش النترا
واللينك موجود فى الموضوع
انما علشان نقول الالنترا هى هى الافانتى فلازم الكلام يكون له برهان

انا برهانى كان صور عربيتى
فياريت لو لقيت النترا هى نفس العربيه الافانتى اللى شوفتها فى الصور هنا فى الموضوع ده
ارجو منك عرضها فى موضوع لوحده او تضيفها هنا

المهم لو انا غلطان وانت اللى صح يبقى تشكر على تصحيح معلوماتى
ولك منى ارق تحيه واحترام

السلام عليكم ورحمة الله وبركاته
باشمهندس ازي حضرتك يمكن قصدي موصلش لحضرتك من المرة الأخيرة بس خليني أقول حاجة بسيطة
في الكتالوج بتاعي مكتوب إلنترا وأفاتني على الغلاف
أنا مثلا المكيف بتاعي مش تتش زي بتاعك
هتلاقي جوة الكتالوج شرح استخدام المكيف التتش ومكتوب بين قوسين
(إذا كان متوفرا في سيارتك)
وبعيد شرح المكيف اللي مش تتش ومكتوب نفس العبارة بين قوسين
وهكذا في حاجات تانية
بس خد عندك في إمكانيات السيارة والماكينة وصندوق التروس والفرامل وأنظمة الأمان و و و ...... عمره ما قال كده وإنما لو هيتكلم عن حاجة زي ESP أو ABS ودي كماليات بتكون موجودة أو مش موجودة حسب اختيارك بيقولك الجملة دي بين القوسين (إذاكان متوفرا في سيارتك) ......
يعني ...
كوريا يا هندسة انفردت لنفسها بأعلى مواصفات كماليات في السيارة ليها ومصدرتهاش وعشان الناس ترضى تدفع في السيارة كويس ومحدش يقول دي إلنترا سموها أفانتي
خصوصا إن الإلنترا الشكل اللي قبل كده كان لا يقارن بالجديدة وممكن يبوظ سمعة الأفانتي المتميزة

ولو عايز تعرف عن الفروق اللي لسه مشفتهاش هنا أقولك

المكيف التتش (الديجيتال) مشفتوش ويمكن موجود أو مش موجود واعتقادي انه مش موجود غير بالطلب ((هنا الوكيل محترم ممكن يجيبلك مخصوص بس ادفع يا باشا))

الكاسيت اللي هو جزء من التابلوه بالظبط مشفتهوش وعندنا فيها كاسيت متركب بس كفائته عالية ما شاء الله وفيه بلوتوث ويو إس بي ومدخل صوت كمان

الفل عندنا برضه فيه كراسي جلد وبتتحرك كهربا ودفايات للكراسي وشماسة بتتطول وتحتها لمبة ووووو هههههههه

يعني إذا كان عندنا إلنترا فل أوبشنز
يبقى انت عندك أفانتي = أفانتي فل الفل ههههههههههه

صدقني أنا من أول ما جبت السيارة وانا نفسي في طريقة ابتعلك بيها نسخة من الكتالوج بس مش عارف ازاي
استفدت منه كتير جدا جدا جدا
وبالنسبة للأخ اللي بيسأل عن تغيير الزيت في الألف الأول
ده لازم عشان ده زيت التليين وبيكون فيه نسبة الرايش عاليه
وحكاية الزيت اللي كل عشرة آلاف دي ليها حكاية في الكتالوج

حيث في الأجواء الباردة استخدم زيت 10-30 وده بيمشي عشرةألاف مع الاستخدام العادي للسيارة
في الأجواء الحارة استخدم زيت 20-50 وده لزوجته أعلى وبيدي تشحيم أحسن في الأجواء الحارة وممكن يقعد عشرة ألاف مع الاستخدام العادي للسيارة
حد هيسأل ايه الاستخدام العاي واللي مش عادي

عندي في الكتالوج جدول يجنن عن ظروف التشغيل القاسية مثل
السير لفترات طويلة
السير على سرعات أعلى من 120
السير بحمولة عالية (ملحوظة أعلى حمولة 540 كجم)
السير وجر مقطولة
السير لمسافات قصيرة كثيرا

وكل ظرف من اللي فاتو دول ليه رمز
وجايبلك كل حاجة بتتغير في السيارة بتتغير على كام كيلو
ومع الظروف دي بتتغير علىكام

إحنا عندنا بنغير زيت كل 5000 عشان
أجواء حارة
مكيف مبينطفيش
مسافات عالية حيث بقطع مسافة 50كيلو لأقل مشوار ممكن اروحه عادي جدا كأني خدت شارع شبرا مثلا في مصر (الاتنين هياخدو معايا نص ساعة ههههههههههه)
السير بسرعة تصل إلى 200 أثناء السفر ولو سيارة 1600سي سي زي بتاعتنا انا مش همشي أكتر من 160 أو 180
وطبعا لو نازل بيها مصر يبقى هحمل حمولة بس مش هفكر في جر مقطورة لأنهم كاتبين أثناء الجر متزيدش السرعة عن 100 وده أمر خنيق شوية

مع العلم ان الزيت الخفيف 10-30 بيدي تسارع افضل وتوفير في الوقود

أخيرا يا هندسة ارجو انك تحاول تعرف سيارتك بتشتغل على بنزين كام عشان في الكتالوج مشددين جدا على نوع الوقود
انا سيارتي ماشية على 91 وده متوفر عندنا ياريت تحاول تسأل عشان مش معنى انك تحط بنزين أعلى مثل 95 أو 92 إنك بتحافظ على السيارة وإنما البنزين أعلى أو أقل ممكن يضر السيارة حسب الكلام اللي في الكتالوج

أخير أخيرا
يا هندسة متركزش كتير في حكاية إلنترا وافانتي زي ماقلتلك انت راكب إلنترا بس فل الفل يعني موصافات كاملة (والكمال لله)
وأنا راكب أفانتي بس كماليات أقل
ولما حد يقولك دي إلنترا قوله اه بس بكماليات مخصوصة مش بتيجي غير بالطلب من كوريا عشان هم مش بيصدروها

أرجو مكونش طولت
واكون افدت ولو بجزء بسيط
أخوكم أحمد مصطفى
من جدة

المشاركة الأصلية كتبت بواسطة neyazi

يعني إذا كان عندنا إلنترا فل أوبشنز
يبقى انت عندك أفانتي = أفانتي فل الفل ههههههههههه

أنا كان قصدي اكتبها كده
يعني إذا كان عندنا إلنترا فل أوبشنز
يبقى انت عندك أفانتي = إلنترا فل الفل ههههههههههه

المشاركة الأصلية كتبت بواسطة 2hmed_7osam

ممكن يبوظ سمعة الافانتي ؟؟؟؟
ازاي يعني
وازاي مينفعش يتقارن ؟؟
الأخ حسام أنا قصدي إن الشكل القديم لا يقارن بالشكل الجديد الشكل القديم من بره ومن جوه كان أقل بكتير في الجمال من الشكل الجديد

لو كلامك مظبوط كان زمان الدوريات السرية ف السعودية بقت
النترا او افانتي

بس الدوريات السرية اللي موجودة هيا الالنترا الشكل((اللي هيبوظ سمعتها)) :k45:

انت عايش في السعودية ولا ايه
أنا عايش في السعودية ومشفتش ولا سمعت عن دورية سرية إلنترا قديمة خالص مش عشان هي عربية وحشه وإنما عشان الياباني هنا هو السائد
يعني على فكرة الإلنترا القديمة عربية عملية جدا جدا وقوية جدا وطلعتها أحسن من عربيات في فئات أعلى منها أنا كان كل تعليقي على الشكل فقط

وبعدين يا جماعة هي دي أول مرة هيونداي تنزل عربية بإسمين هو احنا نسينا فيلم الفيرنا والأكسنت
اللي عاشو في السعودية عارفين إن الأكسنت الشكل القديم هنا كان اخره 2005 وكانت اسمها أكسنت وبعدين نزلت الأكسنت الشكل الجديد من أول 2006 بينما كان اسمها في مصر فيرنا وفضلت تنزل بعد 2005 باسم فيرنا ونزلت الأكسنت باسم نيو أكسنت تقريبا أو أكسنت واللي يعرف أكتر مني يصححلي

الأخ حسان والأخ مالك الأفانتي
حكاية نزول عربية باسمين في دول مختلفة دي مش جديدة
واللي يعرف عربية اسمها دايهاتسو ألتيس 2008 دي
http://www.qatarliving.com/files/DAIHATSU_ALTIS.jpg
أو دي برضه
http://upload.wikimedia.org/wikipedi...TSU-ALTIS1.jpg
ودي برضه
http://www.autoincar.com/wp-content/...orchange-2.jpg


يقولي ايه الفرق بينها وبين تويوتا كامري 2008 دي
http://www.toyota-mideast.com/camry/...lpaperB800.jpg
أو دي برضه
http://ananksunamun.files.wordpress....y-hybrid-2.jpg

القصة معروفة ومحفوظة من قديم الأزل يا جماعة


ازاي بقا ؟؟
والف الف الف الف الف الف الف الف مبروك لصاحب الافانتي وربنا يكرمك فيها ويحفظهالك

شكرا لكل من سألني لأني ساعدني على توضيح وجهة نظري
أحمد مصطفى