--------------------------------------------------------------------------------

لو الإحساس ده جايلك من عداد الكيلومتر فده مش مشكلة خالص ومش عيب إنه بكرة !
وبالنسبة للموتور هو موتور حديث وإنت عارف هو قوى وسريع إزاى ، وشكلاً مش وحش ، غطا بلاسيتك ع الموضة ! والحوض واسع أوى والأجزاء مستريحة ومترتبة كويس
ممكن الإحساس ده عشان التابلوه بالكامل أسود مافيهوش رمادى وبيج وكلام من ده

حاول تشوفها بإيجابية أكتر إنت معاك عربية مش غالية أوى وإسمها كويس فى السوق وموتور زى ما إنت عارف وواسعة وثابتة وكاسيت كينوود mp3 (تكنولوجيا أهو) ونظام صوت كويس فى الأربع أبواب وحاجات كتير كهربا (تكنولوحيا كمان يا عم) زجاج ومرايات وسخان وفوجات ومافيش إيريال والراديو شغال كويس ! وتكييف محترم بجد (شوف السربنتينة بتاعته أد إيه وبتظبته على كام) ، يعنى عربية حلوة من الآخر وفيها مزايا كتيرة وعيوبها مقدور عليها ، شوف العربيات اللى فى الفئة السعرية بتاعتها هتلاقى دايماً فيهم مزايا جميلة أوى بس فيهم برضوا عيوب مالهاش حل كحجم صغير مثلاً (نيو أكسنت وجيتز) أو موتور أضعف (أفيو ولوجان) أو ثبات أقل (نيو أكسنت) أو توكيل فى الضياع (بوينتر وباراتى) أو إسم مش كبير (سبيرانزا)

يعنى أقصد أقولك إن حضرتك معاك عربية متوازنة ومعقولة جدا ماسكة العصاية من النص ، ومش قصدى أعيب فى العربيات التانية ولا حاجة لأن النوبيرا كمان فيها عيوب زى الصاج الضعيف زيادة عن اللزوم والشكل القديم والفرامل اللى بتستهلك كل شوية

هى فى رأى الشخصى عروسة الفئة السعرية دى ولا يتفوق عليها إلا الجين 2 (وربنا يجعل كلامنا خفيف على الأعضاء)
__________________

هى فعلا تكنولوجيا قديمة... لكن تكنولوجيا يمكن الاعتماد عليها... و دة السبب انها رخيصة و بتعيش

العربيات التانية بتبوظ اسرع لان العناصر المكونه ليها اكتر (العناصر الكهربائية و الالكترونية) و ساعات كتير بيتم جذب نظر الزبون الى كماليات و اوبشنز بالعبيط لابعاد نظرك عن اساسيات السيارة

و دة السبب ان النوبيرا و الدايو بشكل عام شغالة بقالها 10 سنوات بنجاح و عربيات تانية بتتوفى الى رحمة الله بعد سنتين او تلاتة

MMamdouh

old technology = less electric things that can go wrong
كلام زى الفل
وحمدالله على السلامة يا بشمهندس ممدوح
النتدى نور والله