خبر عن تعديلات فى اسعار الانترنت فى مصر الفتره القادمه

**أحمد سالم** · 10-02-2009 11:57 AM

السلام عليكم
قريت النهارده خبر فى جريدة المصرى اليوم ونصه الاتى :
وزارة الاتصالات: أسعار جديدة لـ «الإنترنت السريع».. وإلزام «المصرية» بنشره فى الصعيد

كتب محمد مجاهد ١٠/ ٢/ ٢٠٠٩

أعلنت وزارة الاتصالات وتكنولوجيا المعلومات، عزمها إجراء تعديلات على مبادرة الإنترنت السريع «adsl»، تستهدف إتاحة سرعة ١ميجا بايت/ثانية، بأسعار جديدة للمواطنين خلال المرحلة المقبلة.

وقال الدكتور طارق كامل، وزير الاتصالات، فى تصريحات على هامش معرض «كايرو آى سى تى» إنه سيلزم الشركة المصرية للاتصالات بضخ استثمارات بقيمة ١٥٠ مليون جنيه، خلال العامين الحالى والمقبل، بهدف نشر الإنترنت فى المناطق، التى تفتقد الخدمة خاصة محافظات الصعيد.

واعتبر سرعات الإنترنت السريع المتاحة للمستهلكين فى مصر، لاتزال بطيئة وأغلب التعاقدات تتم على سرعات ٢٥٦ كيلوبايت/ثانية وهى سرعات باتت بطيئة قياساً بالطفرات التى يشهدها العالم حالياً، إذ «لم نعد نسمع عن هذه السرعات».

على جانب آخر أكد الدكتور عمرو بدوى، الرئيس التنفيذى للجهاز القومى لتنظيم الاتصالات، أن شركات المحمول تقوم حالياً بتنقية خطوط المحمول للتأكد من مطابقة البيانات الواردة بالعقود مع بيانات المستخدم الحقيقى للخط. وقال إن الشركات تسعى الآن للانتهاء من استكمال بيانات بعض العقود، التى لا توجد أى معلومات دقيقة حول مالكيها، بسبب إهمال الموزعين الحصول على صورة إثبات الشخصية للشخص الذى يشتريها.
انا طبعا عارف ان الحكومه المصريه مش هتعمل حاجه لصالح المواطن وده الطبيعى فياترى هيخترعولنا ايه تانى غير موضوع السرعات المحدده التحميل وخلافه
ربنا يستر
لا والغريب ان الوزير طارق كامل بيقول ان سرعة 265 دى مابقاش بيسمع عنها خالص فى العالم الا فى مصر كل المصريين بيشتركو فيها

**lancerevolution** · 10-02-2009 12:36 PM

يا رب الكلام دا يكون بجد
هو على فكرة فى سرعات 7و 8 ميجا بس أنت الى بتجيب كل حاجة و بتحطها فى السنترال و بيشغلهولك

**yahyanaabil** · 10-02-2009 01:10 PM

لما تبقى سرعه الواحد ميجا تبقى بخمسين جنيه فى الشهر اكيد مش حيسمع عن ال256

**أحمد سالم** · 10-02-2009 01:28 PM

ياريت تفاصيل اكثر عن

على فكرة فى سرعات 7و 8 ميجا بس أنت الى بتجيب كل حاجة و بتحطها فى السنترال و بيشغلهولك

**أحمد سالم** · 10-02-2009 01:37 PM

لما تبقى سرعه الواحد ميجا تبقى بخمسين جنيه فى الشهر اكيد مش حيسمع عن ال256

ياريت ده يحصل بس المشكله انهم بيغسيرو فى شكل العروض بس اما المضمون هو هو
انا سمعت ان السرعه فى دول زى اليابان بتبقى ب 100 ميجا بايت وبسعر زهيد جدا والله سمعت كده من واحد كان مره بيتخانق فى احد شركات الدى اس ال علشان الخدمة سيئه وقال فى وسط الكلام ان السرعه فى اليابان 100 ميجا ورخيصه جدا لانه كان عايش فى اليابان
كمان خدمة الانترنت من خلال شركات فودافون او موبينيل او اتصالات اليو اس بى موديم غالى ومافيش سرعه مفتوحه يعنى اكثرها اللى هى مفتوحه بالنسبه ليهم بتيقى 6 جيجا داون لود فى الشهر ده اقصى معدل تحميل غير انه بيحسب بعدين الميجا ب 25 قرش طبعا هما فى الاعلانات بيقولو ان السرعه بتوصل ل 7.2 ميجا وده طبعا مش مظبوط هو بيقصد انها ممنك توصل للحد الاقصى احياننا لهذه السرعه ومش على طول احنا نفسنا نلاقى شفافيه فى العروض والخدمات مش يقولك ان سرعة 256 بقت ب 45 جنيه من غير مايوضح فى الاعلان انها سرعه محدودة التحميل وتيجى اخر الشهر تلاقى عليك تحميلات زايده مبلغ وقدره

**marsguy** · 10-02-2009 02:16 PM

في حقيقه قد تكون غائبه عن البعض

هي إن الإنترنت في مصر أغلى من اليابان وأمريكا وأوروبا عشان أصلاً السعات الدوليه اللي مصر بتشتريها بتكون أغلي من نظيرتها في أمريكا.

وده لبعد مصر الجغرافي عن المناطق اللي فيها العمود الفقري للإنترنت.

بس الشهاده لله، أسعار الإنترنت في مصر تعتبر الأرخص في المنطقه.

وكمان على فكره، بره سعر الإتصال بيكون رخيص عشان شركان الإنترنت بتكسب من الخدمات المضافه أكتر من سعر خط الإنترنت نفسه.

يعني مثلاً ممكن تشترك في إنجلترا مثلاً في خط دي إس إل 8 ميجا بـ 10 جنيه إسترليني في الشهر، بس لازم تشترك في خدمة الـ Ip-tv بـ 40 إسترليني في الشهر.

الـ Ip-tv ديه هي عبارة عن إنك ممكن تتفرج على التليفيزيون على جهازك عن طريق الإنترنت.

بس لسه شركات الإنترنت في مصر مش قادرين يطبقوا موضوع الخدمات المضافه ده في مصر على نطاق واسع عشان شبكة التليفونات تعتبر بدائيه وضعيفه ما تستحملش السرعات المطلوبه لتشغيل الخدمات دية.

**moh_kamal67** · 11-02-2009 09:20 PM

الناهردة كنت فى معرض الكمبيوتر فى قاعة المؤتمرات ، ممكن من tedata تأخذ سرعة512 k، ب124 جنيه ومعاها راوتر لاسلكى ، وبعد سنة تدفع فقط 99 جنيه شهرى
وفيه سرعة 1 ميجا وراوتر لاسلكى وموقع الكترونى و200 بريد الكترونى ب249 فى الشهر
يعنى العمليات بتتحرك ، ودايما عامر

**محمد جلال** · 11-02-2009 10:06 PM

الاسعار هتنزل هتنزل مع الوقت مفيش كلام بس المشكلة الحقيقة محتاجين جهة نبلغها بمدى سوء الدعم الفنى وخدمة العملاء فى بعض الشركات بدون ذكر اسماء بيماطلوا ويسوفوا ويخدروا الواحد انا مشترك بسرعة ا ميجا والسرعة كويسة بس مش بنفس الكفاْة زى عند زمايلى محتاجين جهة رقابية عليهم وشكرأ على الخبر الجيد .

**fahd_628** · 12-02-2009 12:23 AM

انا بصراحة نفسى ينزلو اسعار ال 512 لأن ال 256 بصراحة عقيم اوى

**pro_samir** · 12-02-2009 07:09 AM

ماهى السرعات موجودة لحد 24 ميجا كمان

بس أولا خطوط التليفون مبتقومش السرعة دى كلها ولازم تغير الكابلات اللى جاية من السنترال اساساا

ثانيا هتدفع مبلغ وقدرة ان شاء الله

ثالثا مش اى راوتر بيشغل السرعات دى ، لازم حاجة زى Link sys مثلا

يعنى لو عايز اكتر من 2 ميجا هتدخل فى متاهات

هيعملو اية ان شاء الله علشان تبقى السرعة عندنا زى برا ؟ هيغيرو شبكة التليفونات كلها ؟

بتهيألى الواحد يهاجر اسهل

الموضوع: خبر عن تعديلات فى اسعار الانترنت فى مصر الفتره القادمه

LinkBack

أدوات الموضوع

عرض

-

-

-

-

-

-

المواضيع المتشابهه

لا تأكل أسماكا مستوردة (مجمدة أو معلبة) فى الفتره القادمه

ما هو وجه استفادتك الشخصيه من الانترنت(استخدامات الانترنت بالنسبالك)

أيه ظروف العربيات في الفتره ألي جيه

توقعاتكم لسعر اعاده البيع للشيفروليه سبارك خلال الفتره القادمه..؟

الكلمات الدلالية لهذا الموضوع

المفضلات

المفضلات

ضوابط المشاركة