رحلتي في شرم الشيخ (إف يع)
انا مش عارف الناس بيعجبها ايه في شرم. ماتحسش ابدا إن شرم دي في مصر. دي القاهرة برقبتها. أو ما تقرب من شرم تشوف سحابة سوداء من كتر التلوث تغطي على المدينة. وتشم ريحة شياط.
الشوارع مكسرة ومدغدغة وما تعرفش البلاعة ها تطلع لك من اي حتة في الشارع. المواصلات مشكلة. الميكروباصات والاتوبيسات مطلعة دخان اسود في وشك على طول. ده غير الميكروباصات الفولكس إللي بتزنق الناس 4 مع بعض والباب مابيتقفلش. والتاكسيات قديمة ومهكعة وتقرف تركبها من قلة نضاقة المواصلات هناك. والتوك توك إللي من غير نمر إللي مبهدل الشوارع.
ده غير المرور المتسيب والسواقة الغلط من الملاكي وغيرهم. وتلاقي الشوارع زحمة عند كل U-Turn علشان الناس بيتجي من اقصي الشمال علشان تلف يمين والعكس صحيح.
وطبعا ده كل كوم وقلة الذوق والاحترام إللي الناس بتعامل بيها بعض هناك ده كوم تاني. ولو عطيت ميعاد لحد في شرم (تاكسي مثلا) عمره ما هيجي في ميعاده
فين ده من القاهرة الجميلة. ياريت الناس المسؤلة عن القاهرة تروح تعلمهم في الشرم الانضباط والاهتمام بالشوارع والإضاءة. ونضافة المواصلات العامة. وحُسن معاملة الناس لبعض. ده انا اول ما دخلت القاهرة وقفت العربية طلعت اخدت نفس عميق من عبير القاهرة العليل ونسيمها النقي.
والحدق يفهم :44: