امبارح بالصدفه تابعت جلسه مجلس الشعب
وكان احمد نظيف وباقي الحرا----------
موجودين بالجلسه والقي احمد نظيف بيان في الجلسه
اكد بها انه لا انخفاض في الاسعار عام 2009 علي جميع السلع بما فيها السيارات
انا سمعت ده بنفسي
ارجوا التعليق:_Alshmokh08[1]:
عرض للطباعة
امبارح بالصدفه تابعت جلسه مجلس الشعب
وكان احمد نظيف وباقي الحرا----------
موجودين بالجلسه والقي احمد نظيف بيان في الجلسه
اكد بها انه لا انخفاض في الاسعار عام 2009 علي جميع السلع بما فيها السيارات
انا سمعت ده بنفسي
ارجوا التعليق:_Alshmokh08[1]:
ما هو طبعا لازم يقول كده لدفع الناس للاستهلاك و استمرار دوران الفلوس فى النظام الاقتصادى. امال هيقولك انتظرو انخفاض لاسعار- اللى هيحصل شاؤوا ام ابوا- علشان كل اللى كان هيشترى حاجة يقوللك استنى لما سعرها ينزل شوية، او ان كان نزل بالفعل، فيستناه ينزل اكتر؟ طبعا عمره ما يعمل كده لان الناس دى لا تعتمد الشفافية فى التعامل مع الناس، وما يزالوا يديرون الامور باسلوب الستينات، يوم ما اتاخدت حتة كاملة من البلد، و الجيش كله انضرب، وكانت البيانات الرسمية تتوالى، اسقطنا للعدو 125 طيارة، و دمرنا 1500 دبابة، و اسرنا مليون صهيونى الخ الخ الخ.... وسلملى على احمد سعيد.
الحمد لله ان المعلومات الصحيحة دلوقتى بقت متوفرة لكل ذو عقل و منطق لكى يستخلص نتائجه بنفسه بعيدا عن اسلوب الهجايص ده.
كلامك مظبوط بس فعلا الحكومه والمستثمرين هيحربوا علشان متنزلش الاسعار وبيقول ايه كمان احنا مش هنتأثر بالسوق العالمي ليه ان شاء الله علي رسنا ريشه
بس انا مقتنع فعلا ان السوق المصري ذو طبيعه خاصه تخضع للعرض والطلب
وان الاسعار مش هتنزل خالص لان المستثمرين نفسهم اطول من الناس
علي سبيل المثال واحد عاوز يتجوز او واحده بتجهز نفسها ايه هتعمل ايه هتأجل الجواز ولا هتنزل تشتري الاجهزه الي عوزاها يبقي السوق هيشتغل والعرض هيقل علشان تخفيض الانتاج يبقي الطلب هيزيد يبقي الاسعار هتثبت اذا مرتفعتش
نفسي الاسعار تنزل ويصبح فيه رخاء
ولكن هيهات في ظل هذا العهد الحاكم
عزيزى.....
الموضوع ببساطة انه التاجر اللى بيكسب جنيه فى سلعة، وهذا الجنيه يكسبه بالجشع وبيع السلعة بهامش ربح كبير دون حسيب او رقيب، ما الذى يجبره - فى منطق مثل هؤلاء التجار وهم الغالبية العظمى- على تخفيض هامش الربح الكبير هذا؟ وحتى اذا انخفض تمن السلعة التى يستوردها نفسه، فلماذا لا يضم فرق السعر لهامش الربح ليصبح مكسبه جنيه و ربع، وطز فى المستهلك الذى لا يعمل لمصلحته احد؟ هذا هو المنطق السائد بين التجار، وبالتالى لن يردعهم الا بوار سلعهم، و على رأسها السيارات التى تباع للمستهلك باضعاف ثمنها الفعلى، و لتلهبهم نيران الركود، ثم يرعبهم شبح الافلاس، لعلهم يرتدعون.
الشعب المصري ما فيش شعب صبور زيه و بعدين العربية مش زي الجواز , العربية لها بدائل , هناك السيارت المستعملة , هناك الميكروباصات , هناك تاكسي العاصمة في حالات الخروج بالعائلة في زيارات رسمية .
أنا شخصيا بعت العربية بتاعتي و مأجل قرار الشراء لحد ما العربيات ترخص و بأستعمل مواصلات و لا اجد فيها أي مشاكل بالعكس وفرت زيارة الميكانيكي و مصاريف الصيانة و دوشة المثلث و شنطة الاسعاف و لو عندنا فرح أو زيارة للولية حماتي بأروح بتاكسي العاصمة بيجيلنا لحد البيت و بيعد العداد أول ما نركب و بيعطيني الفاتورة و لا تزيد عن 25 جنيه و ده أوفر من دوشة العربية و الركنة و حرق الاعصاب في السواقة و المطبات
و خليها تصدي
ااااااااااااااااااااااااا اه
هيه فين حملة خلوها تصدى انا مش سامعلها صوت
حسبى الله ونعم الوكيل
جهدنا كله بيضيع هدر بأه الحملة تنجح فى السعوديه وتفشل عندنا!!!
بس نؤول إيه مفيش فايده طول منظام الحكم بالهبل والتخلف ده
لا يمكن يكون في نفس لو البضاعة اتكسدت في المخازن و التاجر عليه نسبة معينة لازم يوزعها و الا أتسحب منه التوكيل .
و بعدين في شعار يعرفه كل التجار : الخسارة القريبة و لا المكسب البعيد
كلام نظيف فكرني بشعارات : لا مساس بمحدودي الدخل
لا زيادة في اسعار البنزين ............الخ .
و تاني اسبوع تلقى البنزين غلي و المواصلات غليت .
هذه التصريحات هدفها تحريك السوق الراكد ووزير التجارة الرشيد رشيد هو الوحيد اللي قال كلمة حق رغم ان وزير الصناعة شريك في مصنع جنرال موتورز
شكلها مش حاترخص
هدى نفسك - هوا مش الحديد برضة رخص من 8000 جنية للطن ل 3200؟
هو مش اسعار الخضار و الفاكهة ابتدت ترخص؟
هو مش كل اسعار البقالة ابتدت ترخص؟
بالنسبة للعربيات لسة مفيس تاثير ملموس لان يمكن لسة فبة مخزون كبير - دول لسة عندهم كثير من موديل 2008 ما بالك ب 2009
هنشوف على اخر السنة هيعملوا بيهم اية لما 2010 الجديد يجى
للاسف الطمع و الجشع يصيب بالعند
بس احنا لازم يكون لينا دور فعال بالثبات على عدم الشراء
حنفضل نستنى كل يوم بكرة عشان يجى والاسعار ترخص ويجى بكرة والاسعار مترخصش بل تزيد ونفضل نبكى على كل التعب اللى تعبناة ..كلام نظيف مش عشان يحرك السوق وبس لا دى سياسية اكبر من كدة بكتير ..الاسعار فعلا مش حترخص وكل التجار سمعو كلام نظيف وبالتالى مش حيخفضو وحيخلونا احنا اللى نصدى مش العربيات واللى عاوز يشترى بقى يشترى قبل مالفلوس اللى معاة قيمتها تقل والعربية اللى كان حيشتريها ب100 حيجبها ب120 ..ربنا يرحمنا برحمتة
كلام نظيف دة لعمل حركة فى السوق و لبث الاحباط و لجعل الناس تقدم على الشراء و عدم انتظار انخفاض الاسعار و بعدين نظيف كل لما يقول حاجة بيحصل عكسها زى ماحصل قبل كدة ونفى نفيا قاطعا رفع اسعار المحروقات و بعدها بيوم واحد غليت فتفاالوا خير و احنا موراناش حاجة فلوسنا فى جيبنا و عربياتهم عندهم تصدى تخرب تولع خليهلهم.......وخليها تصدى و بعزيمة اكتر من الاول كمان:khd::khd::khd::khd:
سعيكم مشكور
فين التعليقات ولا خلاص نمتوا
ان غدا لناظره قريب
خلاصة الكلام
خليها تصدي وموديلها يعدي
طبعا حقهم يقولوا اللى همة عاوزينو
واحنا كمان حقنا نسيبهالهم تصدى
الكلام ده علي فكره عشان يرضي الباشوات اصحاب مصانع السيارات بس كده كده هتنزل هتنزل إن شاء الله.واحد صاحبي بيشتغل مندوب مبيعات في شركه كبيره و قالي ان السوق مريح جدا في كل المجالات و الناس مستنيه الاسعار تنزل و محدش بيشتري.
تمام و على هذا الاساس حديد التسليح نزل من 8 آلاف للطن ل 3200 و سعر الاسمنت نزل و كافة اسعار المواد الغذائية نزلت و على رأسها السكر و الزيوت و الرز و حتى الخضار نزل واليورو و الدولار فلماذا لا تنزل أسعار العربيات
ثم لماذا أنت متحمس هكذا لفكرة عدم نزول الاسعار رغم منطقيتها ؟؟؟؟؟؟؟؟؟؟؟؟؟؟
هل لك مصلحة في الموضوع ؟؟؟؟ بمعنى لو كنت تاجر سيارات أو مستورد فلربما فهمنا الامر و لكنك حسب كلامك مجرد مواطن عادي تمتلك سيارة 2008 يعني مش فارقة معاك تنزل او ما تنزلش فلماذا زرع اليأس في نفوس المشتركين في الحملة ؟؟؟؟؟؟؟؟؟؟؟
مع احترامى للاخ اللى بياخد نزول سعر الحديد كمثل لنزول الاسعار ..عاوز اقولة انة نزول الحديد مش بسبب الازمة وان الناس مش بتشترى وبتاع مشكلة الحديد وسعرة من قبل الازمة بكتيرررر جدا .. حضرتك دة سعر الحديد الاصلى من سنين ولما ارتفع فكان بسسب التجار اللى كانو بيخزنو الحديد ويعطشو السوق عشان يبيعو بسعر عالى ويكسبو 400 الماية وطلع عز وقال يا جماعة انا ببيع لكل التجار بالسعر العادى ولو فى زيادة مش الزيادة اللى بيتباع بيها دى..وطبعا زى مكلنا عارفين ان مصانع عز مش بتبيع قطاعى للمستهلك العادى..فبدات الحملات تنزل وتمسك الناس اللى بيخزنو الحديد ومبقاش فى تعطيش للسوق عشان السعر يبقى عالى ورجع لسعرة الاصلى
عمار يا مصر عمار
تعيش مصر حرة مستقلة
يا جماعة الموضوع كمان مش موضوع ان الناس مش عايزة تشتري بمزاجها ناس كتير اصلا ليس لديها القدرة على الشراء خاصة مع بدا موجة من تسريح العاملين في شركات كثيرة و تخفيض الاجور في اخرى لدرجة ان المصرية للاتصالات و هي من هيا لم تعطي العلاوة السنوية المقررة هذا العام و شركات اخرى ايضا فعلت ذلك ثم نتحدث عن شراء و بيع اللي معاه قرشين اليومين دول نايم عليهم تحسبا لظروف الغد و بعد غد
فعلا انا اتفق مع هذا الرأي خصوصا لو استمرت الازمة بالشكل دا هيبقى الوضع وحش جداً لان مش بس العاملين في قطاع السيارات الي هيتأثروا بالأزمة لا دا كل المجالات بما فيه البنوك لان تجار السيارات من اهم موردين البنوك وايضا مجال التكنولوجيا والالكترونيات .
يعني الي عاوز اقولة انا مع الحملة 100 في ال 100 وانا معايا فلوس بس مستني لما الاسعار تنزل نزول حقيقي .
ولكن هل انا مش هتأثر بالازمة او هل اي حد لو الازمة دي استمرت مش معرض يخسر وظيفتة هوا دا المهم .
يعني الي انا عاوز اقولة نصيحة بجد لو حد معاة 100 الف هيشتري بيهم عربية يشتري عربية ب 75 او 80 ويشيل الباقي افضل .
ولا انا بتكلم غلط .
الموضوع ده عنوانه بيفكرني بالموضوع التاني اللي كان إسمه "حالة من اليأس تعم أعضاء المنتدى لعدم نزول الأسعار" واللي إدارة المنتدى قفلته بسبب تضليله للناس......أنا بصراحة مش فاهم إيه الفكرة من العناوين الغريبة دي!
يعني لما شركة زي سكودا تنزل إعلان لسه النهارده بتقول فيه إن الرومستر اللي كانت بتبدأ من 109 ألف بقت دلوقتي بتبدأ من 87 ألف.....يبقى كده الأسعار بتنزل وللا ما بتنزلش؟!
أرجو تعديل عنوان الموضوع عشان ما يبقاش الموضوع ده كمان فيه تضليل!
وشكرا