حالة من اليأس تعم أعضاء المنتدى لعدم نزول الأسعار

**karaktar** · 10-02-2009 05:21 PM

يانهار ابيض للدرجادى اليأس وصل لأعلى درجة عندنا

**basom** · 10-02-2009 05:23 PM

المشاركة الأصلية كتبت بواسطة karaktar

يانهار ابيض للدرجادى اليأس وصل لأعلى درجة عندنا

ممكن اعرف حضرتك جايب التفاؤل دة منين ؟

**meromar** · 10-02-2009 05:58 PM

الاخ بسوم كلامة مظبوط والله يا جماعة ..الحكومة فعلا عاوزانا احنا اللى نصدى وبكرة حتعرفو ان كان معانا حق واللى الحكومة عاوزاة هو اللى بيتنفذ انشالله نموت حتى مش بيهمهم وكلنا عارفين دة ..اى حد معاة تمن عربية دلوقتى مش حيستنى الحملة لانة عاوز يترحم من البهدلة وحيقول المقولة الشهيرة ( هين قرشك ولا تهين نفسك) لازم فعلا نكون واقعين وربنا يسترها الايام اللى جاية ..بس بردو لازم نقف لجشع التجار على اد منقدر واللى ربنا كاتبة هو اللى حنشوفة فالاخر

**Drift_Lover** · 10-02-2009 06:16 PM

انا واحد من الناس بعت عربيتي. القديمة 128
وبادور علي مستعمل لانوس او اكسيل.
وبقي لي شهر بدون سيارة.
1- مش حاسس ان الموضوع بهدله ولا حاجه مابال بالعمس وفرت مصاريف العربيه. والفلوس في البنك بتعمل 300 جنيه في الشهر (ما باصرفهمش مواصلات)
2- عمري ما حاشتري عربيه من تاجر. لازم تكون الرخصه باسم المالك. ومافيهاش توكيل. وده اضعف الايمان للتضامن مع الحمله.
3- واللي انا ملاحظه فعلا كل اسبوع الاسعار بتقل في السوق.
ودي حقيقه يا جماعه.
ماتخلوش حد يستفزكم فتتسرعوا في الشراء.
الدنيا مش حتطير علشان شهر او 2

**sa3dawy** · 10-02-2009 06:21 PM

مفيحملة اصلا ولا نجحت ولا فشلت ... دا احنا يا حصرة 200 او 300 شخص قاعدين نكتب على الكيبورد "خلوها تصصدى "
هههههههههههه
اعتقد الموضوع محتاج اكتر من كدا بكتيير اوى

**Drift_Lover** · 10-02-2009 06:37 PM

يا باشا الحمله مش في مصر بس.
دي بدايتها من السعودية.

وبعدين ال200 او 300 واحد اللي بيكتبوا علي الكيبورد دول.
الاف بيقرأوا اللي بيكتبوه.
وبيقولوه لمئات من اصدقائهم ومعارفهم.
والموضوع مش في نايل موتورز بس.
شوف الفيس بوك فيه ايه.

اعتقد الموضوع محتاج اكتر من كدا بكتيير اوى

كلها شهور واللي بنتكلم فيه ده حتبان نتيجتة فعليآ.
ساء بالايجاب او السلب.

**kliken** · 10-02-2009 07:07 PM

والهى انا شايف انهم برضه هيعملوا اللى عاوزينه و مفيش تنزيل و لا حاجه

**kareemhisham** · 10-02-2009 07:36 PM

المشكلة ان الناس دلوقتى مبقاش فارق معاها راكب عربية شكلها عمل ازاى ولا موديل كام ,, بقى كل الناس عايزة تخلص من زحمة و ارف و خراب الموصلات ,, و اظن ان اى حد لما بيعدى من جنب اوتوبيسات الحكومة البيبقى ماشى على عجلتين و بينقت ناس, بيحمد ربنا انه راكب عربية ,, فبقى اى واحد معاه عشرين الف جنيه بيروح يشترى عربية و لا همه الحملة و لا جشغ التجار و لا مستنى الاسعار تنزل ,, عشان كدة صعب الجملة تنجح و حملة زى دى ممكن تنجح فى بلاد يكون فيها المواصلات منظمة و سهلة فميبقاش الاعتماد على العربية كبير
و بعدين فى نقطة تانية عايز اتكلم عليها و هى ان احنا لازم نعرف ان احنا كوم و باقى العالم كوم تانى ,, مصر فعلا لم تتاثر بالازمة المالية بسبب عدم استثمارها لاموالها ( الفلوس مكنوزة فى البنوك ) اما بقية دول العالم بتستثمر فلوسها فى الخارج عشان كدة لما البنوك تفلس فمشاريعهم تفشل ففلوسهم تضيع فيحصل اضطربات فى النظام الاقتصادى للدولة فالاسعار تنزل
انا كان نفسى الحملة تنجح بس انا كنت متاكد من الاول انه ( مفيش فايدة )

**د.محمد** · 10-02-2009 07:47 PM

محدش فينا يائس من اللي قال كده

فلوسنا في جيبنا بتزيد ....وعربياتكوعندكم جنب الحيط
وخلوها تصدي وموديلها يعدي

**AshTurbo** · 10-02-2009 07:53 PM

الأستاذ صاحب الموضوع حضرتك لو ضد الحملة خليك شجاع وقول أنا ضد الحملة مفيش أي مشاكل أحنا في منتدى وكل واحد بيقول كلمته ورأيه بمنتهى الحرية و الحكاية مش معركة دي أبسط من كدة بكتير صدقني وأتمنى أن لو حسيت باليأس مرة تانية يا ريت تحتفظ بيه لنفسك الناس مش محتاجاه عندهم اللي مكفيهم وتحياتي ليك .

الموضوع: حالة من اليأس تعم أعضاء المنتدى لعدم نزول الأسعار

LinkBack

أدوات الموضوع

عرض

-

-

-

-

-

-

المواضيع المتشابهه

حالة من اليأس

حمله الصبر مفتاح نزول الأسعار بأذن الله

خدعة نزول الأسعار و فرحة الشراء

إعتذار للجميع - موضوع حالة من اليأس تعم المنتدى ( ليس من مواضيعى )

الكلمات الدلالية لهذا الموضوع

المفضلات

المفضلات

ضوابط المشاركة