فيه حد ركب فورد اي نوع و صادفته مشكلة في الدوارة بتاعت العربيةاو في الكهرباء عموما او في السخونة
عرض للطباعة
فيه حد ركب فورد اي نوع و صادفته مشكلة في الدوارة بتاعت العربيةاو في الكهرباء عموما او في السخونة
كل عربيه فى العالم وليها اكيد مشاكل خاصة مع الاستعمال انا معايا فورد فوكاس جامده جدا ومفيش عربيه من غير مشاكل موضوع الدواره الحمد لله لا مشاكل الكهربا ايه فى الكهرباء السخونه هى طبيعة الاوروبى لازم سيستم الحرارة يكون عالى بس مش بيضر ولازم فى عربيات متقلش عن بنزين 92 والجديد 95 لا البنزين السيىء بياثر على العربيه
الفورد زيها زى اى عربية ليها مشاكل.
قولى انتى معاكى موديل اية و المشكلة اللى عندك اية بالظبط.
ايرينى
اتمنى تحددى ايه القصد من سؤالك ده
انا الحمد لله معنديش مشكلة في عربيتي و كل ما اشوف حد بيتكلم عن الفورد احس انه بيتكلم عن عربية تانية (قطع غيار مش موجودة محدش بيعرف يصلحها .... إلخ)
فقررت ابداء اشوف العيوب الشائعة في العربيات التانية و اعمل مقارنة بالفورد بس و اتمني من الناس الي ركبت فورد فعلا تساعدني
وأنا ولله الحمد زيك ليس عندي أي مشكلة مع الفورد بتاعتي وهي مونديو 1600 موديل 1998 ولها معي نحو ثلاث سنوات والحمد لله بتدور من أول لمسة ولا أعاني في أي مشكلات من قطع الغيار وخلافه وعامل بيها أكثر من عشرين ألف كليو (اجمالي اللي عاملاه دلوقتي نحو 130 ألف كيلو) وهي أكثر من رائعة بفضل الله
انا معايا الFiesta 1997 و كانت من الزيرو (هى مش بتاعتى بس معايا عشان صاحبها شغال برة مصر) و كل حاجتها موجود عند كذا حد و غيرت كذا حاجة عند 3 ميكانيكية و محدش قال حاجة, كلة اشتغل فيها علاطول.
هى دلوقتى عاملة 125 الف كيلو, و تعليقى الوحيد انى حاسس الموتور ضعيف شوية (1100cc).
الموضوع بقالة 10 ايام و محدش اشتكي عظيم
ازا كان انا العربية معايا بقالها عشر سنين ومشتكتش منها الحمد لله يعني
عايزة الموضوع يبقي بقاله عشر ايام وحد يلحق يشتكي
طيب ممكن نلاقي شكاوي امتى:Ka_che1[1]:
انا معايا فورد اسكورت 1600 موديل 98 اول ما اشتريت السيارة كان يعيبها الكونتكت ماكانتش بتدور بسهولة كنت فاكر انها ليها طريقة فى التدوير لان مركبتش فورد قبل كدة بعد اسبوع العربية باقيت بتدور مرة و عشرة لا رحت لواحد بتاع مفاتيح السيارات غير لى الكونتكت كلة
بعد كدة باقيت زى الفل
انا عملت حادثة من كام يوم بلفورد اسكورت كلفتنى 2994 جنية غيرت حاجات كتير من ضمن الحاجات دة رادياتير بس كان بتاع عربية اسكورت تانية مشكلتة ان العربية بتسخن بسرعة من كام يوم كان الجو حار و الطريق كان زحمة جدا العربية طلعت دخان من السخونة
راجع كويس على غطاء القربة و على الخراطيم بتاعت الدورة المياه و القفيزات بتاعتها علشان نظام التبريد في الفورد بيعتمد على نظام كبس هواء مع المياه و لو الهواء اتسرب بتلاقي العربية
بتسخن جامد بس و ممكن يكون الي ركب الحاجات الي انت مغيرها مش متخصص فورد و عكس فيش في الموتور و ديه تبرجل الدنيا فا يا ريت تروح لحد بتاع فورد
الفورد سياره فخمه عائليه جميله فيها كل الكملايات الموجوده في السيارات الحديثه وتتميز بالسعر القليل وده ميزه وعيب في نفس الوقت
بالنسبه لقطع الغيار متوفر سواء جديد او استيراد انا معايا مونديو 98 1600 في التجديد سمكره ودوكو وعفشه وميكانيكا صيانه مصرفها مقارنه بأي سياره في نفس الفئه تعتبر اقل وافضل اشترت كم حاجه فوانيس اكصدامات شبكه فوجات
طيب ما تكتب الحاجات و الاسعار و اماكن الشراء للفائدة
انا معايا مونديو 98 2000cc العربيه كويسه جدا لكن مشاكلها معايا
انها ساعات بتبطل فى السلانسية ولما اكون عاوز اركن بعد مشوار طويل مع انها اتوماتيك
فى واحد صاحبى قال انها سخونة بس انا دايمان الامبير بتاع الحرارة فى النص
المشكلة عندك ممكن تكون في حساس البوابة tps او يكون نظام الحقن محتاج تنظيف
و البوابات و الحساسات و ده لازم يعملوا متخصص فورد
او يكون فلتر الهواء و البنزين عند قدام محتاجين تغير و الموضوع ده بيحصل كتير
او ممكن يكون عيب في الاتوماتيك و ده انا معرفش عنه حاجة علشان عمرى ما كان معايا عربية اوتوماتيك
طب ياجماعة مين احسن واحد اتعاملت معاة في الفورد
ميكانيكا
كهرباء
عفشة
انا معايا توروس 1996
طيب ممكن نمرة تليفون قطب
راجع الموضوع ده هاتلاقوا نمر التليفونات و العناوين
و بالنسبه للاخ بتاع التورس جرب رمضان
http://www.nilemotors.net/Nile/showthread.php?t=22231
أنا معايا فورد مونديو 2003 و عاملة 392000 (أصل أنا عايش فى السعودية). العربية زي الفل و كنت اشترتها من واحد مصري من تلات شهور و ما رحتش لميكانيكي ولا مرة حتى الآن. أنا بحترم العربية دي جدا و ناوي اشتريها لما أرجع مصر ان شاء الله.
انا معاى اسكورت 1300 وواخدها من اخويا اول يد عربية محترمة وقطع غيارها موجودة فى شارع دمشق ومش غالية زى مالناس بتقول بس هى عربية مش بياعة وثمنها مش فيها بلغة السوق
يعنى انا شاريها ب 40الف من 3سنوات ودلوقتى ماعتقدش انها تجيب السعر ده حد يقولى رايه فى كلامى بنسبة اد ايه صح؟
ياباشا كلامك كله صح انا معايا اسكورت بردو 1300 مو99 بس انا كنت جايبها زيرو
اما بالنسبة للسعر فالسوق اليومين دول نايم عموما مش في الفورد بس وكل واحد بيطلب في عربيته السعر اللي علي مزاجه (دا اللي انا لاحظته في الناس اللي بتروح سوق الجمعة وتيجي تحكي علي اللي حصل معاها)
وربنا يباركلك في العربية وعقبال مانباركلك علي الحتة المونديو او الفوكس(اوعي تجيب حاجة تانية غير الفورد احسن منتدي فورد كله يقلب عليك انت حر بئي هههههههههههه)
يبدو ان الشركة الجديدة تسير على نفس خطى الشركة القديمة - لا يوجد اى تحسن فى مستوى الخدمة ولكن اشهد الحق ان هناك زيادة فى مستوى الدعاية و الدعاية الرنانة فقط ولسيادتكم هذه القصة المسلية. منذ بداية العام 2009 وانا وصديقى نفكر فى شراء سيارة جديدة وقمنا بعمل بحث وسؤال جميع الأصدقاء عن آرائهم فى السيارات وكذلك بحثنا على النت لمعرفة آخر النتائج لأختبار السيارات ضد الحوادث وبعد جهد جهيد قررنا شراء 2 سيارة فورد Sw وبها جميع الكماليات ولكن عند أستلام السيارتين كانت المفاجاءة مدوية. وجدنا ان المودل الذى يباع فى مصر مختلف عن المودل الموجود على النت فلم نجد مثلا الأضاءة الزنون كما هو موجود على النت بل وجدنا الهالوجين ز كذلك لم نجد خاصية تشغيل السيارة عن بعد ودون مفتاح. كذلك غلق المرايات اتوماتتيك بعد الغلق كل ماسبق ذكرة شىء وماهو قادم شىء آخر حيث كانت الفاجعة الكبرى فى ان أحد السيارتين وجد بها نظام الأضاءة الأتوماتيك والأخرى لم يوجد بها هذا النظام. لقد تم دفع نفس الثمن وتم الشراء فى نفس المعرض ونفس اليوم والتاريخ والساعة ولكن سيارة تنقص هذه الخاصية. وبمراجعة المسئولين سواء فى المعرض البائع او الوكيل لم نجد إلا كل صلف فى الرد وأستهتار بما نسئل عنة وردود استفزازية ولم نجد تفسير مقنع كيف ان السيارتين بنفس السعر ولكن مختلفين فى المواصفات و الكماليات. زد على ذلك طريقة التعامل فى مركز الصيانة حيث يتم الأستهار بأى شكوى. فمثلا عند صيانة الألف كم الأولى اشتكيت ان السيارة غير متزنة وتتجه نحو الجهه اليسرى ولا تمشى فى خط مستقيم ولكن المهندس الذى يقوم بالتجريب يتعامل مع الشكوى بأستتهتار وينفى وجود العيب حيث يتم التجريب حول مركز الصيانة فى السادس من اكتوبر فى مناطق غير مستوية ولا يمكن اكتشاف هذا العيب إلا بالسير على اسفلت ناعم لمسافة طويلة للتأكد من العيب. كذلك زجاج الباب بجوار السائق يحدث به أرتجاجات مسموعة ولكن السيد المهندس ينفى ذلك. كنا نتمنى ان نحصل على الخدمات مقابل الأموال التى يتم دفعها ولكن للآسف حصلنا على حملات إعلانية متميزة عن السيارة وهذا يكفى فى رأى البعض.
انا عندى فورد مونديو 98 عاملة 310000 ثلاثة مائة الف كيلو بس دلوقت محتاجة طقم شنبر وتغير جلب المقصات والمساعدين بس
ممكن اسعار قطع الغيار و نشتريها ولا لا
جزاكم الله خيرا
قطع غيار ايه بالظبط
و تشترى ايه برده ؟