أرجو المساعدة من أصحاب الألنترا الخليجى

**memooo** · 10-02-2009 04:41 PM

يا أصحاب الألنترا الخليجى عندى شوية أسئلة
1-ما هى الأشياء المفروض أستلمها مع العربية وأشيك عليها عند الأستلام ؟
2-لو العربية بجنوط هل الأستبن بيكون جنط برضه وله مفتاح خاص؟
3-بتعملوا الصيانة فين ولو العربية فيها Abs هل حيفهموا فيه؟

**حماده المصري** · 11-02-2009 08:40 AM

هو الحاجات الاساسي الي المفروض تستلمها مع اي عربيه

الولاعه والاستبن والعده وطبعا ممكن يدوك ايصال الدفع ومممكن ميكونش فيه ايصال بس حاول تجبرهم انهم يدوك ايصال بالمبلغ

بس بيكون في اخطار انك استلمت كل حاجه مع العربيه وان انت من اللحظه دي مسؤول عن العربيه فعشان كده قبل ما تمضي لازم تبص على كل حاجه وتشوف العربيه وهل مخبوطه او حاجه وكمان حاول تجرب العربيه تجربه بسيطه

على ما اعتقد الاستبن هيكون عادي مش جنط بس ممكن يكون نفس المقاس بتاع الجنط زي الكوبيه الاستبن نفس مقاس الجنط

الصيانه ممكن تعملها في اي مكان بس انت ملكش ضمان
وطبعا ال abs يفهموا فيه هو مش محتاج عبقريه ده غير ان في عربيات توكيل نازله بيه

بالنسبه للصيانه كارتك في العبور ممتاز جدا ومفيش زحمه