الدايو اللـــيجانـــزا ليـــه...!!؟

**shekoo10** · 10-02-2009 05:52 PM

سؤال مهم حبيت أسألو لأعضاء المنتدى الرائعين:
ليه مافيش حد بيتكلم عن الدايو الليجانزا زي النوبيرا أو اللانوس ودايما بحس إنها مجتنبه من الحديث والمواضيع فى المنتدى..؟؟؟

وقولت لنفسي هل ممكن يكون السبب عدم إنتشارها ..؟ مع إن العربيه الجيده بتفرض نفسها على الساحه حتى لو كان وجودها قليل .. فقلت هل ممكن تكون مش كويسه زي التانيين من حيث إستهلاك البنزين أو حجمها الكبير أو تكون ضرايبها عاليه فى مصر علشان هي 2000 سي سي فده مخلي الناس متجنباها..؟

أسئله من النوع ده طرحت نفسها عليا أثناء تصفحي المنتدي ولعدم وجودي لأى معلومات أو تجارب فعليه مع العربيه دي من المشاركين سواء كانت تأفيل مصري أو خارج مصر وإيه الفرق بينها وبين المصري .. ؟؟
يا ريت من كل الخبراء والأعضاء المشاركين التفضل بالمشاركه وذلك حتى يستفيد الجميع

وشكرا جداََ

**moudy88** · 10-02-2009 06:03 PM

عدد ملاك العربيه تقريبا 2 في المنتدى كله ...وبصراحه العربيه كانت داخله دماغي قوي ولكن بسبب قطع غيارها الغير منتشره واستهلاكها للبنزين خلتني اتجنبها...

**حماده المصري** · 10-02-2009 06:29 PM

الليجانزا عربيه زي الفل وافضل عربيه في دايو حتى الان

بس هي فعلا مش منتشره عشان كده الكلام قليل عليها

بالاضافه الى ان مفيش ناس بتسال عليها كتير

بس هي تحفه فعلا كانت مع قريبي 1.6 مانيوال وكانت فله فعلا وشيك جدا جدا جدا خصوصا في وقتها

وفي منها طبعا 2000 سي سي اوتو وطياااااااره

**momenhamdy** · 10-02-2009 06:39 PM

و الغريب في كدا يا جماعة ان السوق بتاعنا ياتلاقي العربية منتشرة زي الرز يا تلاقي العربية باعت عربيتين تلاته و هب اختفت العربية من الشوارع منطق غريب اوي في السوق المصري متفهمش ابعاده عاملة ازاي و متفهمش الناس بتختار العربية او بمعني اصح السوق بيقيم العربية ازاي يعني ممكن تلاقي عربية محترمة جداً جداً و تلاقي سعرها معقول بالنسبة للامكانيات بتاعتها و من المتوقع النجاح الكبير لها وتلاقي المبيعات بتاعتها زي الزفت و عربية تانيه سعرها مبالغ فيه و مفهاش امكانيات خالص و تلاقي مبيعات عاليه
يعني الي انا عاوز اقوله ان السوق المصري في مجال السيارات متفهمش اتجاهو عامل ازاي
وربنا يوفقنا الي الخير ....

**khater87** · 10-02-2009 06:41 PM

الليجانزا مرسيدس الدايو بس للاسف مهمله عندنا في مصر وده علشان موضوع الضريبه العاليه لانها شريحه ال 2000سي سي في الضريبه . وقطع الغيار زييها زي الماتيز تقريبا نادره الوجود وغاليه طبعا ...

**حماده المصري** · 10-02-2009 06:46 PM

المشاركة الأصلية كتبت بواسطة momenhamdy

و الغريب في كدا يا جماعة ان السوق بتاعنا ياتلاقي العربية منتشرة زي الرز يا تلاقي العربية باعت عربيتين تلاته و هب اختفت العربية من الشوارع منطق غريب اوي في السوق المصري متفهمش ابعاده عاملة ازاي و متفهمش الناس بتختار العربية او بمعني اصح السوق بيقيم العربية ازاي يعني ممكن تلاقي عربية محترمة جداً جداً و تلاقي سعرها معقول بالنسبة للامكانيات بتاعتها و من المتوقع النجاح الكبير لها وتلاقي المبيعات بتاعتها زي الزفت و عربية تانيه سعرها مبالغ فيه و مفهاش امكانيات خالص و تلاقي مبيعات عاليه
يعني الي انا عاوز اقوله ان السوق المصري في مجال السيارات متفهمش اتجاهو عامل ازاي
وربنا يوفقنا الي الخير ....

+10000000

السوق المصري اكبر مثال للفوضى في العالم خصوصا في مجال السيارات
الفاروميو + فيات من انضف السيارات في العااالم كله وملهمش اي وجود في مصر خصوصا الموديلات الجديده
وعربيات كتيييييييير اوي زي كده

**NaviGator_13** · 10-02-2009 08:58 PM

السوق المصرى غريب شوية يمكن علشان الجمارك
الفورد الفولفو الفيات الجديد طبعا الاودى الستروين
كلهم ملهمش حظ فى مصر !

**waleedrahmy** · 10-02-2009 11:49 PM

منتشرة جدا في طنطا

**shekoo10** · 11-02-2009 01:01 AM

المشاركة الأصلية كتبت بواسطة moudy88

عدد ملاك العربيه تقريبا 2 في المنتدى كله ...وبصراحه العربيه كانت داخله دماغي قوي ولكن بسبب قطع غيارها الغير منتشره واستهلاكها للبنزين خلتني اتجنبها...

هل ممكن حضرتك تقولي هما مين أو تخليهم يشاركو لو أمكن

بحيث نعرف منهم أكتر عن العربيه
وده ممكن تعتبره طلب شخصي

لأني نازل أشوف واحده بكره ونسبة كبيره جدا إني أشتريها وهي موديل 1999 2000 سي سي مانيوال ونصايحهم أكيد هاتساعدني وهاتفدني
وأكون شاكر لحضرتك جداً

**shekoo10** · 11-02-2009 01:11 AM

المشاركة الأصلية كتبت بواسطة momenhamdy

و الغريب في كدا يا جماعة ان السوق بتاعنا ياتلاقي العربية منتشرة زي الرز يا تلاقي العربية باعت عربيتين تلاته و هب اختفت العربية من الشوارع منطق غريب اوي في السوق المصري متفهمش ابعاده عاملة ازاي و متفهمش الناس بتختار العربية او بمعني اصح السوق بيقيم العربية ازاي يعني ممكن تلاقي عربية محترمة جداً جداً و تلاقي سعرها معقول بالنسبة للامكانيات بتاعتها و من المتوقع النجاح الكبير لها وتلاقي المبيعات بتاعتها زي الزفت و عربية تانيه سعرها مبالغ فيه و مفهاش امكانيات خالص و تلاقي مبيعات عاليه
يعني الي انا عاوز اقوله ان السوق المصري في مجال السيارات متفهمش اتجاهو عامل ازاي
وربنا يوفقنا الي الخير ....

أنا موافق طبعا على كلام حضرتك وعايز أضيف حاجه تأكدو كمثال العربيه البيجو 504 العربيه دي الوحيده إللي كل ماتقدم تغلى مش عارف ليه؟؟

وفي أنواع بردو زيها كتير وإللي فعلا عمرك ماتشوفو فى سوق سيارات تاني هو العشره إللي بين المستهلك والسيار ه إللي موجوده بشكل كبير جدا فى السوق المصري وكأن العربيه مش آلـه ولها عمل إفتراضي