استراتيجية التجار الآثمة لتخفيض الاسعار الفترة القادمة

**Imhotep** · 10-02-2009 08:21 PM

هذا عنوان مقال فى جريدة العالم اليوم بتريخ النهاردة، والمقال يوضح استراتيجية التجار فى الفترة القادمة

**dode2002** · 10-02-2009 08:31 PM

يعني هيخفضوا ويقللوا الكماليات
يعني كله علي دماغ الزبون

**AshTurbo** · 10-02-2009 08:32 PM

حضرتك دة بيتعمل من زمان بيشيلوا التكييف والكاسيت والفرامل الأيه بي أس دة فاضلهم يشيلوا الكراسي عشان يخفضوا الأسعار .. التجار دلوقتي عاملين زي الفئران بيدوروا على أي مخرج يخرجوا منه مرة يلعبوا على منع الأستيراد ومرة على تقليل الكماليات ومرة مع أخواننا أياهم بتوع الجرائد و مرة بالجنيهات الذهب لكن هيهات فكما تدين تدان والدنيا يوم ليك ويوم عليك وهما مش مؤمنين بالمبدأ دة وعاوزين يفضلوا كسبانين على طول وسبحان الله بدل ما يحمدوا ربهم على نعمة المكسب لأ بالعكس جشعهم بيزيد أكتر وبيتسعروا على الناس زي الذئاب المفترسة أول ما تشم ريحة الدم عموماً الناس مش هتشتري عربيات غصب عنهم الفترة الجاية لما المشكلة تتعمق أكثر وتظهر بجد أبقى وريني هيخلوا الأسعار زي ما هي أزاي وهيدفعوا أعلانات الجرائد أزاي وهيدفعوا للصحفيين المرتشيين منين فأنا بنصحهم ويقولهم أيها الفئران مالكومش غير التخفيض يا أما تروحوا تقعدوا في بيوتكم تغسلوا الصحون وتغسلوا الهدوم وتتفرجوا علينا وأحنا راكبين أجمل عربيات وبالسعر الي يريحنا ويجعله عامر .

**PoweRPassioN** · 10-02-2009 09:11 PM

حسبي الله ونعم الوكيل على البلد اللي اخر حاجه يفكروا فيها هي مصلحه المواطن

**kliken** · 10-02-2009 09:14 PM

المشاركة الأصلية كتبت بواسطة smartmate

حسبي الله ونعم الوكيل على البلد اللي اخر حاجه يفكروا فيها هي مصلحه المواطن

ده الطبيعى يا باشا

**mo7a_mo7a** · 10-02-2009 09:57 PM

طب مهم شايلين كل الكترونيات السيارة ومعدات الامان والفرامل فاضل ايه التكييف؟

عربية زي الماتريكس والفيرنا مفهمش حتي فلتر التكييف

**mk20022002** · 10-02-2009 10:38 PM

يا خوفى ليعتبروا الكاوتش من الرفاهيات اللى ملهاش لازمة و يمشونا على الجنط ....او يشيلوا الفرامل اصلا واهو كدة يبقى بيساهموا فى حل مشكلة التضخم السكانى..... والله بلد مسخرة برة بيدوروا على كماليات زيادة يحطوها سنسور للباركنج و للمطر و 8 ايرباج و abs و abdو غيروا و غيروا وبردوا بيرخصوا العربيات و احنا هنا نائص يسلمونا العربية على الصاج و كل واحد يشطبها بمزاجو ا لوكس ولا سوبر لوكس وبردوا مش عاوزين يرخصوا..... يكش تولع بيهم مش تصدى بس ...

**Hussein_Ramdan** · 10-02-2009 10:47 PM

دى بداية الانهيار

**zeyad1810** · 11-02-2009 02:03 AM

دة كدة هيرجعوا المشترى لايام التمانينات يعنى عربية بموتور وشكرا على كدة
مفيش تكيف مفيش ازاز كهربا مفيش جنوط مفيش خامات نضيفة فى التقفيل
دة على كدة ممكن يلغوا الكنترول يونت من العربيات