قوة حمله خلوها تصدى

**AshTurbo** · 11-02-2009 01:48 AM

كانت عاوز اعرف رايك فى الكلام ده.........................

بمعنى اخر قوه حمله خلوها تصدى=القوه الشرائيه المحجوبه عن السوق
ارجو التعليق

كلامك سليم وصحيح 100 % وفي لينك في التوقيع بتاعي هتلاقي كاتب موضوع عن الأزمة في مصر وأبعادها ومن ضمن الكلام تعليق على حملة خلوها تصدي وذكرت نفس كلامك أن القوة الحقيقة للحملة تكمن في قدرتها الشرائية وحضرتك ضربت مثل بسيط وشوف الناتج طلع كام 50 مليون جنية شوف الخمسين مليون يشتروا كام عربية ودة مع الوضع في الأعتبار أن في ناس ممكن تشتري بأكثر من خمسين ألف و لك أن تتخيل حجم القوة الشرائية المعطلة عشان جشع التجار وعمرها ما هتطلع من جيوب ومحافظ الناس لسبب واحد لأنهم شافوا بعينهم أن في معظم دول العالم أسعار السيارات نزلت الا أحنا وخد بالك من كلمة ( شافوا بعينهم ) لأن الناس مش بتقتنع الا لما تشوف بعينها وتصدق يعني ببساطة لو لم تحدث الأزمة العالمية أو بالتحديد لو لم تنخفض أسعار السيارات في العالم مكانش حد في مصر طالب بالتخفيض وطالب بحقة كل دة بالأضافة الي أن هامش ربح التجار بقى معروف وواضح للجميع السرقة اللي كانت بتحصل والناس فاقت ويارب يفضلوا فايقين على طول

**Demirell** · 11-02-2009 03:00 AM

المشاركة الأصلية كتبت بواسطة mo7a_mo7a

قوة الحملة مش عدد المشاركات انما ايضا بالتنفيذ

+ مليون!

المشاركة الأصلية كتبت بواسطة AshTurbo

لو لم تحدث الأزمة العالمية أو بالتحديد لو لم تنخفض أسعار السيارات في العالم مكانش حد في مصر طالب بالتخفيض وطالب بحقة

رب ضارة نافعة.....ويمكن ربنا عمل كده عشان يضع حد للسرقة والنهب اللي كان بيحصل في أغلب بلاد العالم...مش مصر بس....وبموافقة الحكومات ومباركتها!

**badry** · 11-02-2009 09:49 AM

المشاركة الأصلية كتبت بواسطة test50

الف شكر على اهتمام حضرتك
بس انا كان قصدى هو عمل دفعه للناس مش بالكلام بس
(وطبعا الكلام مهم) كانت عاوز تحديد القوه الشرائيه
للحمله لما الناس تعرف قوه الحمله الشرائيه طريقه
التعامل مع الحمله تاثره فى الراى العام اكيد هايتغير
واحب اسمع رايك

See this topic http://www.nilemotors.net/Nile/showthread.php?t=57386

‎خد بالك مش كل مؤيد للحمله يبقى مشتري محتمل

**lolly136** · 11-02-2009 09:52 AM

خلوها تصدي وموديلها يعدي

**Samir Elshahawy** · 11-02-2009 10:49 AM

السلام عليكم أخواني الكرام ..

مش عارف ليه حالة اليأس اللي بتتكلموا عنها بالنسبة للحملة و نسيانها و الكلام الكبير ده

علي فكرة الحملة ستؤثر أن شاء الله و التجار سوف يخفضون أسعارهم بس عايزين شوية صبر و نفس طويل و ماتستعجلوش النتائج

أنا لسه جاي من السعودية أمبارح و الحملة هناك مبهدلاهم

**Demirell** · 12-02-2009 02:25 PM

إخواني....
حد شاف الإعلان اللي منزلاه سكودا النهارده في أول صفحة من ملحق سيارات الجمهورية؟!
عاملين إعلان عن الرومستر وكاتبين أسعارها الجديدة...وهي دي المفاجأة....
أول فئة مانيوال منها اللي كانت بـ 109 ألف...تخيلوا بقت بكام؟! أي حد يقول أي سعر
بلاش..هقوللكوا أنا....بقت بـ 87 ألف! يعني نزلت 22 ألف جنيه كاملين..وبقت أرخص من الميني فابيا الـ 1400
وأول فئة في الأوتوماتيك بقت بـ 114 بعد ما كانت بـ 127
وفئة الكمفورت الأعلى منها بقت بـ 129 بعد ما كانت بـ 145
بصراحة الواحد حاسس بالنشوى
ولسه ولسه
وإلى الأمام يا مؤيدي حملة خلوها تصدي...وإلى الأمام دايما يا نايل موتورز

**Drift_Lover** · 12-02-2009 02:35 PM

انا مع الحملة.
خليها تصدي ( ضد السيارات الجديدة وجشع الوكلاء )

**medo_2060** · 12-02-2009 03:26 PM

انا مع الحمله وخلوها تصدى
وبالنسبه لموضوع التثبيت انا مستغرب جدا ان الموضوع لسه لحد دلوقتى متثبتش يا ريت الاداره تثبته وكلنا نطالب بكدا

**samcar** · 12-02-2009 11:27 PM

ياخونا انا متاكد ان الحمله حتنجح- بس زى ما قلت فى مشاركه تانيه ردا على الاراء اللى ظهرت بتشكك فى نجاح الحمله - والله واعلم انا شاكك فى نويا اللى كتبوها- الشعب هو اللى بيطمع حكومته ومستغلينه فيه - العربيه ضروره صحيح بس مش شرط تكون زيرو - نستحمل كام شهر- وزى ما فى اخبار بتتقال عن موعد نهاية مهلة ال 6 اشهر تخزين فى الجمارك اكيد ده حيزيد الضغط على التجار- بس الافندى رئيس الوزراء مال اهله يقول الاسعار مش حتنزل هو العربيات دى ملك حكومته الغبيه ؟؟؟؟
ولا هو شريك مع كل الوكلا؟؟- مش بعيد والله