انا عملت صيانه ال 120000 و التفاصيل اهه!!
و اخيرا و بعد عذاب تم عمل الصيانه بتاع ال 120 الف فى فرع منصور بالعامريه .
و انا كنت حاجز قبلها بيوم على الساعه 8.30 الصبح و لكنى وصلت الساعه 10 .
المهم العربيه دخلت على طول و كان مكتوب فى ال order :
1-صيانه 120000
2-كشف على صوت الموتور.
3-كشف على المراوح.
4-عمل مفتاح.
5-كشف على العفشه.
و كمان فى ورقه لما سيتم عمله فى صيانه ال 120000 و هى :
1-تغيير زيت المحرك
2-تغيير فلتر الزيت
3-تغيير فلتر البنزين
4-تغيير فلتر الهواء
5-تربيط العفشه
6-تغيير البوجيهات
7-تغيير زيت الجير بوكس
8-تغيير زيت الفرامل
9-تغيير سير التقسيمه
10-كشف على الفرامل
11-كشف على الانوار
12-كشف على التكييف
13-مراجعه باقى الزيوت بمجرد النظر
14مراجعه السياره بجهاز تشخيص الاعطال
15-غسيل المحرك
16-غسيل و تشحيم السياره
العربيه بداو فيها شغل الساعه 10.30 لحد 4.30 !!!!!!!!
بالنسبه للاسعار :
1-صيانه 15000 كم و تشمل تغيير شداد سير الكاتينه و تغيير شداد سير المحرك 357
2-فلتر بنزين 39
3-فلتر هواء 36
4- اربع بوجيهات 108
5-سير كاتينه 189
6-بكره سير كاتينه كبيره 240
7-بكره سير كاتينه صغيره 304
8-بليه شداد كاتينه 350
9-مسمار شداد كاتينه 3
بليه شداد دينامو(كانت بايظه دى مش تبع الصيانه) 445
10-اسبراى تنظيف محرك 23
11-مستلزمات ورشه ميكانيكا 3
12-منظف غسيل 2
13-زيوت و شحوم 96
14-زيوت و شحوم(زيت هيدروماتيك باور)96
15-العمليات 357
ضريبه مبيعات 210 جنيه .
الاجمالى :_Alshmokh08[1]: 2408 جنيه مصرى.
ملاحظه الفاتوره دى بدون المفتاح .و تمنه لوحده 750 جنيه و هكتب قصته فى موضوع تانى لانه فيلم طويل و طلع عينى فيه .
بالنسبه للحاجات الى كانت مكتوبه فى الاوردر ف:
صوت الموترو طلع من بليه شداد الدينامو و الصوت كان صوت تكتكه من الموتور .
و المراوح كانت لما تشتغل بتعمل صوت عالى زى وروره كده بس المهندس قالى ان الصدر بتاع العربيه مريح عليها فممكن يكون هو السبب (كنت داخل بيها فى كلب عوج صدر العربيه).
العفشه انا كشفت عليها لانى لما غيرت الكاوتش الراجل قالى ان الكاوتش فيه حتت عاليه و حتت واطيه و ده نتيجه عيب فى العفشه بس كشفت عليها ملقيتش حاجه الحمد لله .
ملاحظات:
مفيش اى نظام هناك م عارف ليه مع انه كان منظم!!!!!!!!!
بيتاخرو اوى فى العربيه مش عارف ليه .
اسوأ حاجه ان مفيش نت ويرليس !!:_Alshmokh08[1]:
معلش انا كتبت كتير اوى :B4_556:
