الموضوع: الرجاء المساعدة السريعة وخصوصا من سميروممدوح

اصل ياجماعة موضوع اعراض تلف الرشاشات اتفتح 875242 مرة في المنتدى

المشاركة الأصلية كتبت بواسطة KoDaK_Gti

عرفت انها بايظة كانت بتغيب فى الدوارة زى ما بقول لحضرتك كده
واول لما تدور تبقة مبرجلة لمدة ثانيتين وبتطلع دخنة سودة لمده ثوانى وتختفى تماما
وغيرت الرشاشات وركبت بتوع BMW M40 من شهرين او اكتر ودلوقتى زى الفل الحمد لله

بس الأخ يا أستاذ/حسام.. بيقول العربيه بدور من أول مره الصبح.......وكمان أستهلاك البنزين عنده كويس.....والسحب بيقول ممتاز.......ياعنى لو الرشاشات اللى بايظه......حتسيل بنزين على البساتم فى الفتره بتاعة باليل لحد الصبح....وفى الحاله دى بيبقى فيه بنزين على وش البستم اللى قافل بالذات(يعنى اللى صباباته كلها قافله)....وده هو اللى بيعمل صعوبه الصبح فى الدواره زى ماكان بيحصل معاك.وممكن برضه ده يحصل لو ساب العربيه مثلا حوالى ساعتين بالنهار وجه يدورها تانى لأنه كده بيدى فرصه للرشاشات تسيل ويتجمع بنزين على بستم أو أكثر...........انما الظاهره اللى عند الأخ مابتدلش على ذلك(علشان العربيه عنده بدور من أول مره الصبح....وده دليل على أن مفيش بنزين بيتحوش على وش أى بستم فى فترة باليل لحد الصبح)........

المشاركة الأصلية كتبت بواسطة KoDaK_Gti

عرفت انها بايظة كانت بتغيب فى الدوارة زى ما بقول لحضرتك كده
واول لما تدور تبقة مبرجلة لمدة ثانيتين وبتطلع دخنة سودة لمده ثوانى وتختفى تماما
وغيرت الرشاشات وركبت بتوع BMW M40 من شهرين او اكتر ودلوقتى زى الفل الحمد لله

وخللى بالك برضه...كانت بتبقى مبرجله (أى عربيتك) بسبب البنزين اللى متحوش على وش البساتم اللى صباباتها قافله(علشان مفيش فرصه للبنزين اللى متحوش يهرب أويطير من صباب فاتح....وأنت عارف لو عربيه معينه غير عربيتك طبعا..... بتفوت من عند البلوف أثناء الكبس...وكانت رشاشاتها بايظه....ممكن تدور على طول الصبح....لأن البنزين اللى بيسيل من الرشاشات والعربيه متوقفه... حيهرب ويطير الى منطقة التاكيهات).....ومعلش حرجع لحالتك تانى برضه...وأقولك أن الدخنه السوده اللى كانت بتطلع معاك مع الرشاشات القديمه دى من البنزين اللى كان متحوش لما العربيه بتكون واقفه كتير....ومجرد مايخلص البنزين اللى كان متحوش والعربيه تدور كل البنزين اللى بينزل بعد كده بيتحرق على طول(علشان كده كانت الدخنه السوده عندك بتنتهى بعد فتره صغيره(لما يتم التخلص من كل اللى كل متحوش)......أتمنى أن أكون قدرت أوصل وجهة نظرى................وبرضه أكيد أستهلاك البنزين كان عندك كتير مش زى حالة أخونا الفاضل(على أساس أن الأستهلاك عنده كويس).....وعلى فكره السحب مالوش دعوه بتسييل الرشاشات

المشاركة الأصلية كتبت بواسطة samirayad

ياريت اللى يقول حل لمشكله......يقولنا لييييييييييييييييييييييه.. ......علشان نفهم برضه زى ماهو فاهم......علشان صاحب المشكله يروح يشترى وهو مقتنع برضه......مش عاوزين أسماء وخلاص..........................

الله ومش عايز اقتنع براي حد تاني ينور عليك والله انا مستني ردكم لاني الميكانيكي قاللي رشاشات بالنظر

المشاركة الأصلية كتبت بواسطة lol656

الله ومش عايز اقتنع براي حد تاني ينور عليك والله انا مستني ردكم لاني الميكانيكي قاللي رشاشات بالنظر

والله يا أخى أنا لست متشبسا لرايى ودايما مبحبش أقول حاجه أو أعمل حاجه(فى حياتى عامة)....وحتى فى شغلى ....الا أما يكون هناك منطق صح.....وعمرى ما أزعل لو أستفدت من أى أضافه جديده لمعلومه تساعدنى على الأقتناع من الشخص اللى بيحاورنى....ودايما أحب سياسة الرأى والرأى الآخر....لأن هو ده الصح لبناء فكر جيد....ووضع اليد على حقائق الأمور.....ومش عيب أن الواحد يتعلم وبالذات فى النواحى الفنيه والاضافات الجديده لتنمية مهاراته الفكريه......ياعنى مش لازم نعتبر العمليه.... بمثابة حلقة سباق واللى يسبق يبقى شاطر.......ولازم نفهم ونقنع بعض.....والمفروض نستمر فى أقناع اللى مش مقتنع لحد مايقتنع تحت نطاق مبدأ المحبه والأخوه.........

واذا كان حد زهقان منى فى المنتدى لأننى بصراحه دايما بحب الناس ومبحبش حد يكون زهقان أو مدايق منى..........أنا مستعد لعدم دخول منتدى الدايو بالذات مره تانيه......وأنا فى أنتظار تعليق حضرتك