سؤال هااااام جدا لوحوش الميجان بخصوص ميجان 2006 بانوراما

اولا كنت عايز اشكر كل القائمين على قسم رينو لانه فعلا من احسن الاقسام اللى موجوده في المنتدي وبالاخص شاركي واحمد مقصود لانهم فعلا ناس بتحب الخير والمنفعه للصالح العام
وكنت عايز اسئل الوحوش سوأل
انا قدامي عربيه ميجان 2006 بانوراما عامله 85000كيلو وصاحبها كان طالب 80000 المهم وصل لغايه 77000 فكنت عايز اعرف ايه الحاجات اللى ابص عليها في العربيه مبدأيا قبل لما اوديها التوكيل اكشف عليها وعايز كمان اعرف كشف التوكيل بكام وبيكون ازاي واجرب الفتيس ازاي واعرف ان هو سحبه كويس وحاجه كمان معلش 2006بانوراما احسن ولا2008 عاديه وشكرا

ايه يا رجاله فين الوحوش

حمدى باشا

التوكيل هو اللى يقدر يفتيلك فى العربية بصفة نهائية......وعندهم كشف كامل ( كهرباء وسمكرة و ميكانيكا ) ب 500 تقريباً أو كشف كهرباء وميكانيكا بس وده ب 330 تقريباً.

الحاجات اللى تبص عليها مش هتفرق عن أى عربية تانية.......شوف طبعاً حالة العربية العامة من بره و حالة الصالون......جرب فتحة السقف.....حاول تجرب العربية نفسها فى حتة تكون مكسرة شوية وتشوف حالة العفشة أيه.

أسأل على الصيانات كانت بتتعمل فين..........و لو هتكشف أكشف فى مكان غير اللى كان بيعمل فيه الصيانة....يعنى لو هو كان متعود يروح المقطم يبقى أنت أكشف فى العبور......و عموماً متكشفش فى حتة تانية غير دول.
وطبعاً لو مكنش بيعمل صيانة من التوكيل أو مراكز الخدمة يبقى أنسى العربية دى.

هو ده الكلام السليم يا احمد

وكمان انت شوف النضيفه فيهم وخدها بالنسبه للشكل مافيهوش فرق تقريبا

وانت اعمل حساباتك وخد الي يريحك والف مبروك مقدما

العربية بجد حلوه جدا انا كل يوم بكتشف فيها ميزة جديده

ربنا يخلي الوحوش الي فعلا هم وحووش

بالتوفيق يا باشا

2008 احسن طبعا يا باشا بس لو سعرها لقطه حتى لو اقل فى الأمكانيات

عليك و علي التوكيل
حتي لو غالي شويتين بس اضمن
و ربنا يبارك ان شاء الله

اقتباس:

---

المشاركة الأصلية كتبت بواسطة Ahmed A.Maksoud

حمدى باشا

التوكيل هو اللى يقدر يفتيلك فى العربية بصفة نهائية......وعندهم كشف كامل ( كهرباء وسمكرة و ميكانيكا ) ب 500 تقريباً أو كشف كهرباء وميكانيكا بس وده ب 330 تقريباً.

الحاجات اللى تبص عليها مش هتفرق عن أى عربية تانية.......شوف طبعاً حالة العربية العامة من بره و حالة الصالون......جرب فتحة السقف.....حاول تجرب العربية نفسها فى حتة تكون مكسرة شوية وتشوف حالة العفشة أيه.

أسأل على الصيانات كانت بتتعمل فين..........و لو هتكشف أكشف فى مكان غير اللى كان بيعمل فيه الصيانة....يعنى لو هو كان متعود يروح المقطم يبقى أنت أكشف فى العبور......و عموماً متكشفش فى حتة تانية غير دول.
وطبعاً لو مكنش بيعمل صيانة من التوكيل أو مراكز الخدمة يبقى أنسى العربية دى.

---

تمام يا أبو حميد

رأى الشخصى خليك فى موديل 2008 أحسن لو حالته أحلى و كيلوهاته أقل

بجد انا شاكر لكل الوحوش وعلى ردودهم وربنا يوفقني ان شاء الله في اختيار عربيه كويسه