محــتار بين البولو والأبيزا والكيا هاتش باك

**funnyjonson** · 11-02-2009 02:21 AM

السلام عليكم اولا : أحب اعرفكم بنفسى

انا احمد 28 سنه من اسكندرية

انا بصراحه بقالى شهرين بقرا فى المنتدى واحترمته جدا

لانى ناوى اولا اتعلم سواقه بجد الاول وفى نفس الوقت بثقف نفسى من كل حاجه قبل ما احاول اشترى عربيه

بس بصراحه كل ما اندمج واسهر معاكم ومع المواضيع المختلفه بتكسف اوى لانكم كلكم ناس فاهمه اوى وساعات بحس كانى بقرا كلام هندى مش فاهمه اوى

انا معرفتى بالعربيات سطحية اوى وده الى شجعنى انى اتعلم كل حاجه الاول حتى لو مش هعملها علشان ميضحكش عليا وبعدين انا بشوف كمان اصحاب ليا ماشاء الله بيصلحو العربيات بنفسهم وكده

المهم علشان مطولش عليكم انا من معرفتى بالعربيات حبيت اوى الابيزا والبولو والكيا طبعا كلهم هاتش باك

بس لما هشترى ان شاء الله مش عايز ها تعدى 35 الف وياريت يكون فيها مميزات زى تكيف وزجاج كهرباء وطبعا اهم حاجه قطع الغيار متكنش غاليه فا تنصحونى بايه

2 - تانى سؤال اعمل ايه علشان ابدا اتعلم عالم العربيات ده لانه عالم كبير اوى وانا هنا معاكم من فتره واحترمت المنتدى اوى وده الى خلانى اكتبلكم دلوقتى متشكر اوى اوى اوى

**zeyad1810** · 11-02-2009 03:24 AM

اهلا بيك يا احمد وكفاية انك فكرتنى باسكندرية وجمالها بجد بلد ساحرة
انا عن نفسى ارشحلك الابيزا عربية جميلة ومحترمة وبعدها البولو من وجهة نظرى
بس اهم حاجة اكشف على العربية كويس عن طريق سمكرى وميكانيكى شطار او لو عنك توكيل اكشف فية على العربية وربنا يوفقك فى حاجة كويسة
وعلشان تتعلم فى العربيات زى مانت عاوز حاول تقرا كتير وتحاول تفهم اللى بتقراة هنا فى المنتدى وان هتتعلم منة حاجات كتير

**mohamedgalal** · 11-02-2009 01:12 PM

المواضيع كلها هايلة ومفيدة - منتدي ممتع بجد:k52:

**احمدعبدالعزيز** · 11-02-2009 03:18 PM

الابيزا عربيه جميله وسهلة الصيانه وصالون واسع وشيك رغم انه موديل 94 لكن بجد عربيه من اجمل السيارات اللى ركبتها ولكن لايوجد بها باور ودى كان صعب شوايه .

والبولو ايضا سياره كويسه جدا ولكن افضل الموتور 1300 ويطلق عليه fox وتقريبا قطع الغيار متقاربه جدا من بعض .