الموضوع: مدارس السواقة التابعة للداخلية

انا كنت عاوز اعرف كل حاجة عن مدارس القيادة اللي بتكون تبع المرور ووزارة الداخلية

انا كنت سمعت انها بتدي كورس تقريبا 3 او 6 شهور وبيكون التدريب في مختلف انواع الطرق زي الطرق السريعة وزحام وحاجات زي كده

وكمان سمعت ان التدريب بيكون على عربية نص نقل دبابة حتى بالنسبة للملاكي لاني برضوا حسب مسمعت ان النقل اصعب فاي ملاكي بعد كده هيكون سهل ميه

المهم انا اللي حمسني للموضوع ده اني سمعت من واحدة كانت ملهاش في اي حاجة في موضوع السواقة ده بقيت محترفة بمعنى الكلمة والسبب المدرسة دي بس للاسف انا مشفتش البنت دي تاني فمعرفتش اعرف التفاصيل كلها

المهم انا عاوز اعرف التالي

مكان المدارس دي بالظبط ... مدة الكورس ... التكلفة

وطبعا لو اي حد ليه تجربة مع الحكاية دي ياريت يقولنا بالتفاصيل

المشاركة الأصلية كتبت بواسطة mramzy

اللى اقدر ادلك عليه هو مكانها فى مجمع التحرير الدور الاول
وفى مدرسه غمره بتاعه شركه الصنر للسيارت ودول ناس جامدين جدا جدا
وبيعلموا صح برضه

اعترض على حتة جامدين دي بالنسبة لمدرسة مجمع التحرير لاني عملت الرخصة عن طريقهم و بصراحة هما بيساعدوا في عمل الرخصة فقط اما بالنسبة للتعليم فلا اعتقد ذلك و كمان المواعيد بتاعة السواقين بتوعهم غير مضبوطة بالمرة انا كل اللي تعلمتو منهم شوية اساسيات فقط