أولا ... كلنا عارفين ان شوارع مصر مش دوليه و لا تقدر تاخد نجمه واحده حتى .....

أنا اللى شايفه ان فعلا الموضوع لا يستهان بيه و لازم المخالف ياخد جزائه و لكن!!!

اللى بيحصل ده تهريج... مش معنى ان الواحد غلط غلطه غير مقصوده انه يتعاقب زى السوابق مع واحد حشاش ولا حرامى و لا و لا و لا ....
ده أنا بسمع ان فى ناس من اللى اتحبسوا على زمة التحقيق اهلهم دخلولهم بطانيات جوه... (طبعا بوسطه) و لكن لا حياة لمن تنادى انت قاعد مع مين... لازم بطانيه لكل مسجون عسان هو يتغطى (معلش يعنى ما هو برئ ف وسطيهم)

الحل من وجهه نظرى بدل مالواحد يقع ف ايد ضابط و هو و مزاجه فى تقريره.... (افرض ما بينى و ما بينو عداوه يا أخى)

1- أولا عمل النظام ده بنظام النقط... يعنى أول مره سحب رخص و تانى مره غرامه كبيره و سحب رخص ... ثالث مره سحب رخص و قضيه و المرادى رخصته متتجددش!!! لتعريضه لحياة المواطنين للخطر

أصل الواحد أول مره مش واخد باله... تانى مره لازم ياخد باله .. تالت مره لاء بقه ده قصد
و بعدين اختى, والدتى, مراتى مينفعش يتبهدلو البهدله ده!! أول و تانى مره... تالت مره حقولهم متسوقوش!!!

2- عمل زنزانه خاصه للمرور .... أصل معلش مينفعش واحد على باب الله يعقد مع واحد قتال قتله... و التانى يقوله , أصلى كنت مشى ف شارع غلط!!!!!

3- الفكره ده قريتها هنا... مثلا أنا من اسكندريه... طبيعى لما اروح القاهره أتوه..... هل معنى كده ممكن أتاخد فى الرجليين؟ عشان مش عارف السكه؟



ده وجهة نظرى.. و ياريت الحكومه تعيد النظر فى الموضوع ده... لان الواحد بقى نازل حاطط ايده على قلبه ... نازل و بايت فى البيت و لا لأه!!!!!!!!!!!