كورولا 2009 ولا جيتا base 2009

يا جماعة بجد انا خلاص هاتجنن بعد ما كنت خلاص هاجيب الكورولا ال advanced سمعت و قريت المواضيع الفتيس ده الصراحة خفت جدا خاصة بيني و بينكو انا اول مرة اجيب عربية اصلن
فقلت يا واد بلاش وجع دماغ و انا لسة بخبت في السواقة اصلن و الناس اللي بتعرف تسوق ارفانين منه خالص , و قلت اخليني في الجيتا ال base على الرغم زي ما انتو عارفين الكورولا ال advanced فيها اوبشانز خطيرة بس قلت برضو مش مهم دي لسة اول عربية و كدة كدة الواحد هيبقى ملخوم في السواقة مش فاضي ل اوبشانز
فبعد اذنكوا اللي عند رأي و نصيحة ليا يقولي و يريحني
اسف اذا كنت طولت عليكو:N_no[1]:

انا راى انت تتعلم سواقة كويس وبعدين اشترى
حرام عليك تتعلم فى كرولا او جيتا جديدة الا اذا انت مش فارق معاك

اقتباس:

---

المشاركة الأصلية كتبت بواسطة faroukahafeez

انا راى انت تتعلم سواقة كويس وبعدين اشترى
حرام عليك تتعلم فى كرولا او جيتا جديدة الا اذا انت مش فارق معاك

---

مؤيد الفكرة دى

لكن لو عايز تجيب يبقى جيتا طبعا

شركة تويوتا سحبت عدد كبير من سياراتها الكورولا على مستوى العالم بسبب الفتيس mmt
مصدر المعلومة bbc
الجيتا ابتديت تنتشر عن الكورولا

ممكن لينك المصدر يا باشا

سمعت الخبر على هيئة الاذاعة البريطانية على الراديو (bbc)

شكرا يا باشا على الخبر

يعنى فعلا طلع فيه مشكلة فى الفتيس MMT !!

جيتا افضل حتى لو الفتيس بدون مشاكل

جيتا اكيد احسن

جيتا افضل
ممكن كمان سيفيك

بجد لو هختار بين الكورولا والجيتا ..........
هختار الجيتا ... عربية مناسبة قوي لمصر ومن غير مشاكل فنية خالص
وكمان أعتقد إن الإضافات والكماليات مش هتخلي الواحد يختار عربية على حساب الأخرى ( أهم حاجة أهتم بيها من وجهة نظري وسائل السلامة والأمان .....)

وربنا يوفقك في اختيارك

اقتباس:

---

المشاركة الأصلية كتبت بواسطة Sharky

شكرا يا باشا على الخبر

يعنى فعلا طلع فيه مشكلة فى الفتيس MMT !!

---

عفوا على اية
من تجربة زميل لية العربية فيها تاخير فى النقلة وممكن تبقى ماشية عادى والسرعة مناسبة على النقلة وتنزل لنقلة اقل
وفيها نتشة بسيطة مع الغيار
راى التوكيل المصرى ان الفتيس لية استخدام خاص
الجيتا احسن وانتشرت اكتر من الكورولا وعربية المانى

اقتباس:

---

المشاركة الأصلية كتبت بواسطة zizo

جيتا افضل حتى لو الفتيس بدون مشاكل

---

كلام مظبوط 100%

الألمانى ألمانى.......مفيهوش هزار

جيتا يا باشا ...

مع ان برضو تويوتا خدمة ما بعد البيع فيها تعتبر top...من اللى سمعته

اقتباس:

---

المشاركة الأصلية كتبت بواسطة Sharky

شكرا يا باشا على الخبر

يعنى فعلا طلع فيه مشكلة فى الفتيس MMT !!

---

بعيداً عن قصة فيه مشكلة في الفتيس ولا لأ
انا بحثت في سايب البي بي سي ومش لاقي أي خبر عن الفتيس ولا سلبي ولا إيجابي
والمنطقي إن اللي الأخبار المسموعة بتكون مكتوبة في الموقع

اقتباس:

---

المشاركة الأصلية كتبت بواسطة alijandroo

بعيداً عن قصة فيه مشكلة في الفتيس ولا لأ
انا بحثت في سايب البي بي سي ومش لاقي أي خبر عن الفتيس ولا سلبي ولا إيجابي
والمنطقي إن اللي الأخبار المسموعة بتكون مكتوبة في الموقع

---

طب و حضرتك خدت إقتباس من مشاركتى انا ليه
هو انا إللى قلت الخبر !!!!!

أنا زيك دورت و ملقتوش و لما سألت أستاذ باسم قال إنه سمعه فى الإذاعة

اقتباس:

---

المشاركة الأصلية كتبت بواسطة Sharky

طب و حضرتك خدت إقتباس من مشاركتى انا ليه
هو انا إللى قلت الخبر !!!!!

أنا زيك دورت و ملقتوش و لما سألت أستاذ باسم قال إنه سمعه فى الإذاعة

---

بقالي 12 سنة بادخل منتديات عمري ما شفت حد بيقول لحد انت مقتبس مشاركتي ليه
عفواً إن كان اقتباسي لمشاركتك ضايقك
وعفوا انا منسحب من النقاش

يا سيدى الفاضل
معنى إن حضرتك واخد إقتباس من مشاركتى إنك بتعلق عليها و لا انا غلطان !!
انا سنواتى أقل منك فى المنتديات لكنى لم أرى أن فيه حد أقتبس مشاركة من عضو و علق على مشاركة تانية مش فى الإقتباس !!

و مشاركتى ليست هى أساس الخبر إللى حضرتك معلق عليه

الجيتا عمرها ما هتتفوق على الكرولا الا في الثبات فقط
انما السعر لصالح الكورولا طبعا مع الامكانيات والكماليات

9 ايرباج مالتي فاكشن مثبت سرعه تبديل من ورا الدركسيون العداد التحفه كمبيوتر الرحلات جنط تقريبا زينون كل ده مش موجود في الجيتا البيز لاين

انما بقى قصه الفتيس ف الفتيس مصمم للتوفر في البنزين
ومبرمج انه يتاخر في النقلات وميستجبش مع الدوسه الجامده خاصه
لما العربيه بتكون وافقه عشان دي من اسباب استهلاك البنزين الكتير
انما في الاستبترونك بتاعه الجير بيتعامل وبينقل زي الفل
وفيه وضع رياضي برضو الجير بيتعامل بمرونه
ويقال كمان ان الوضع الرياضي بيبرمج كل العربيه على الاداء الرياضي
بما فيها الفتيس والموتور
ده غير ان موتور الكرولا اقوي من الجيتا بمراحل وتكنولوجي جديده

ثبات التويوتا الكرولا الجديده ميعتبرش تعبان هو ثبات اكتر من مقبول
وتقدر تجري وتتحكم بالعربيه بدون قلق
بس طبعا الالماني اقوى في الثبات
التويوتا كرولا عربيه تمسك سعرها جدا وبياااعه اكتر من الجيتا بمليون مره

انا لو مكانك هختار كرولا بدون ادنى تفكير في الجيتا

يا جماعه احنا عيزين معلومات اكثر عن الكرولا من ناس معاهم العربية علشان الفائده تعم وهل ياترا دي مشاكل ام نظام جديد الشركة بطبقه للتوفير في البنزين زي ما قال احد الزملاء وشكرا

اقتباس:

---

المشاركة الأصلية كتبت بواسطة alijandroo

بعيداً عن قصة فيه مشكلة في الفتيس ولا لأ
انا بحثت في سايب البي بي سي ومش لاقي أي خبر عن الفتيس ولا سلبي ولا إيجابي
والمنطقي إن اللي الأخبار المسموعة بتكون مكتوبة في الموقع

---

حاولت ادور على مصدر المعلومة مالقتش حاجة عنها
بس سمعتها ومتاكد منها

انا جربت الجيتا هيه فعلا ثابته و قويه ولكن للاسف فيها عيب انها بتحك في المطبات حتي لو راكب لوحدك بالرغم انت لو شفتها هتلاقيها عاليه و بالتالي هتتعبك في شوارع مصر - تاني حاجه التكيف بتاعها ضعيف

بجد حكاية التكييف بتاعها ضعيف؟

jetta base line

اه بس اخبار التكييف بتاعها ضعيف بجد؟

انا قرأت لاحد الاعضاء ان مشكلة الفتيس دي اتحلت لما نزل السوفت وير الجديد في التوكيل
مش فاكر قرأتها في اي موضوع
بس اظن ان لو الكلام ده صح يبقى الكرولا أفضل

انا شايف كدة يا جماعة من المقارنة ان الجيتا كسبت
بس خلي بالكو انا بقارن (الجيتا البيس مع الكورولا الجنوب افريقي اعلى حاجة) طبعا عارفين الفرق اد ايه
بس عارفين انا برجع اقول برضو ان الالماني الماني برضو يا جماعة
يعني انشاالله الجيتا البيس؟

اقتباس:

---

المشاركة الأصلية كتبت بواسطة bassam nagy

شركة تويوتا سحبت عدد كبير من سياراتها الكورولا على مستوى العالم بسبب الفتيس mmt
مصدر المعلومة bbc
الجيتا ابتديت تنتشر عن الكورولا

---

الكلام دا مش موجود خالص في موقع بي بي سي

يا جماعة مين تكييفها اقوى و احسن و ليه؟