أنا قولت قبل كده

**m_elsabah** · 11-02-2009 11:13 AM

أنا كنت قولت قبل كده إن إحنا بدأنا الحملة بدري شويه ويمكن شويتين كمان . يا إخوانا لازم نعرف كويس إن آثار الأزمة الإقتصادية العالمية على مصر لسه لم يأتي بعد ولن يأتي قبل شهر 7 أو 8 من هذا العام . واضح جدآ إن إحنا مستعجلييييييييييييييين أوييييييييييييييييي . يا جماعه إحنا بنتكلم في سلعه غالية مش رخيصة . مش شويه جبن وألبان عند بقال أو تاجر كبير هيخاف عليهم لاحسن يفسدوا فيضطر يبعهم ويقول خسارة قريبة ولا مكسب بعيد . إحنا بنقول (خلوها تصدي وموديلها يعدي) ولازم نحط ألف خط تحت تصدي دي . العربية ( أي عربية ) مش هتصدي في تلات أربع شهور . وبرضه نحط مليون خط تحت كلمة موديلها يعدي وموديلها يعدي دي معناها إن موديل 2009 هو اللي يعدي وييجي علية موديل 2010 لإن موديل 2008 طبعا عدى وفلت بمبيعاته واللي أتبقي منه ولم يباع ده مكسب للحملة لكن الحملة ماكانتش تقصد إنها تكسبه . لأ لازم نكزن واضحين مع أنفسنا ونعرف إن المكسب ده جه للحملة (بالصدفة) لكن الشغل الحقيقي والهدف الحقيقي للحملة هو موديلات 2009 . لازم نفهم الأول معني الكلام اللي إحنا إختارناه علشان يكون شعار لحملتنا (خلوها تصدي وموديلها يعدي ) . سؤال؟ هي فين العربيات اللي صدت دي وهي فين الموديلات اللي عدت دي ؟ في حد يقدر يجاوبني على السؤال ده . طبعا مفيش لإن لسه بدريييييييييييييييييييي أوييييييييييييييييي على الكلام ده . وعموما مجرد إن رئيس مجلس الوزراء يطلع ويقول الكلام ده فأنا عن نفسي شايف إن ده مكسب للحملة ومكسب كبيييير كمان ودليل على إن الحملة ماشية صح وتأثيرها واضح وقوي لحد دلوقتي . المفروض نصبر على الأقل لحد ما موديلات 2010 تنزل علشان في الوقت ده بس هتكون موديلات 2009 فعلا عديت زي ما إحنا بنقول ( خلوها تصدي وموديلها يعدي )

**Imhotep** · 11-02-2009 11:18 AM

احنا ما ابتدناش بدرى و لا حاجة، كل الحكاية ان الازمة المالية العالمية كانت هى الشرارة التى اشعلت غضب الناس من الجشع المسكوت عنه من قديم الازل فى سوق السيارات المصرى، والذى لاول مرة، يكون للمستهلك فيه صوت و قدرة على الفعل و التحكم فى السوق عن طريق الوعى بحقوقه و مقاطعة الجشع.

**m_elsabah** · 11-02-2009 11:32 AM

المشاركة الأصلية كتبت بواسطة mahora

احنا ما ابتدناش بدرى و لا حاجة، كل الحكاية ان الازمة المالية العالمية كانت هى الشرارة التى اشعلت غضب الناس من الجشع المسكوت عنه من قديم الازل فى سوق السيارات المصرى، والذى لاول مرة، يكون للمستهلك فيه صوت و قدرة على الفعل و التحكم فى السوق عن طريق الوعى بحقوقه و مقاطعة الجشع.

اسمحلي اختلف معاك في حكاية إن إحنا ابتدينا بدري . لإن إحنا فعلا ابتدينا بدري وده مش وحش بالعكس ده كويس جدآ لكن أنا بقصد من ابتدينا بدري دي إن إحنا أول ما سمعنا عن الأزمة العالمية ابتدينا علطول مع إن اللي بيحصل في العالم بره إحنا لسه ما حسناش بيه فعليا ولسة شويه علينا لحد ما نحس بيه يعني على شهر 7 و 8 كده إن شاء الله . فصدقني لسه اللي جاي أوحش بكتييييير إحنا بس محتاجين نصبر أكتر وأكتر وأكتر وأكتر :k52: :k52: :k52:

**د.محمد** · 11-02-2009 11:38 AM

وحتي لو بدانا بدري ايه المشكلة ما احنا خلينا موديلات 2008 حالها يقف وده في حد ذاته نجاح, ومتنساش ان فيه شركات كتير خفضت عربياتها زي فولكس وانت كمان تلاحظ ان المصرية ومعارض تانية بدأت تعطي جنيهات دهب مع العربيات وده معناه ان الحملة نجحت وبدات التخفيضات