الموضوع: معرض تقسيط سيارات يوافق على الاحلال للسيارات التاكسى

السلام عليكم ورحمة الله وبركاته

اخوانى اخواتى الاعضاء فى منتدى نايل موتورز

عايز خدمة صغيرة

معايه عربيه تاكسى 25 موديل 79 وعايز اجيب عربيه جديدة احط عليها نمر ال25 (احلال) ومعايه مبلغ عايز احطه مقدم للعربيه ياريت تدلونى على معرض بيقسط عربيات يوافق يدينى جواب انه موافق على انى اعمل احلال للعربيه الى مقسطها من عنده لانى كل مااروح معرض يقولى ما بنقسطش للاحلال اديك ملاكى على ابيض نفسى اعرف ايه السبب
وكل ما اروح البيئة لسه قافله طلبات التقديم بعد ما قالولى ان فى مناقصه عاملاها البيئة للبنوك وشارطين انهم ما ياخدوش مبلغ كبير من الناس الى عايزة عربيات من البيئة لكن الظاهر الازمة الاقتصادية اثرت فى كل حاجة المفروض الحاجة ترخص مش تغلى علشان فى ركود فى الاسواق والعرض كتير (2 تجارة عين شمس)
ده الى درسناه لكن الظاهر ان جمهوريه مصر المسروقه ماشيه عكس المناهج (ربنا على الظالم)
وبجد ابقى شاكرجدا للى دينى نصيحة لانى انا شاب وتعبت من العربيه ال25 لانها قارفانى اعطالها كترة والى بشتغل بيه بصرفه عليها
وعليه ايجار شقه 500 جنيه ومصاريف اخواتى التسعه ده غير والدى ووالدتى(والله مش كدب)
جزاكم الله عنا خير الجزاء