3 حوادث في يوم واحد

أنا مش عارف أقول إيه غيرالحمد لله
1- خارج بعد صلاة الجمعه رايح لوالدي بمسح النظارة وقعت العدسة اتشرخت الحمد لله
2- رحت علشان اصلحها إديتها للراجل قالي تعالى بكره خدها بركب العربية البنطلون اتقطع برضه الحمد لله
3- معدي من شارع عادي وفيه عربيات فاكهه واقفه شمالي ومحلات يميني المهم حضنت يمين وبعدي وفجأة سمعت شخخخخخخخخخخخخخ فسسسسسسسسسسسسسسسسسس نزلت لقيت سن حديده قاطع الفردة الشمال خالص برضه الحمد لله
الغريب إن الثلاثة دول في حوالي 30 نص ساعه بالضبط .

المهم اللي أنا طالبه من حضراتكم عنوان محل إطارات بيشتغل في الدانلوب والمقاس بتاعها 185/65 ولا أجيب نوع تاني غير الدانلوب ؟؟

ربنا يكفينا شر الحوادث .

قدر الله ماشاء فعل!
قلت دعاء الخروج من المنزل؟؟؟؟؟؟؟؟؟؟

العين فلقت الحجر يا شيخ, واحمد الله انها كلها حاجات بسيطة تقدر عليها .

اقتباس:

---

المشاركة الأصلية كتبت بواسطة إسلام شاهين

أنا مش عارف أقول إيه غيرالحمد لله
1- خارج بعد صلاة الجمعه رايح لوالدي بمسح النظارة وقعت العدسة اتشرخت الحمد لله
2- رحت علشان اصلحها إديتها للراجل قالي تعالى بكره خدها بركب العربية البنطلون اتقطع برضه الحمد لله
3- معدي من شارع عادي وفيه عربيات فاكهه واقفه شمالي ومحلات يميني المهم حضنت يمين وبعدي وفجأة سمعت شخخخخخخخخخخخخخ فسسسسسسسسسسسسسسسسسس نزلت لقيت سن حديده قاطع الفردة الشمال خالص برضه الحمد لله
الغريب إن الثلاثة دول في حوالي 30 نص ساعه بالضبط .

المهم اللي أنا طالبه من حضراتكم عنوان محل إطارات بيشتغل في الدانلوب والمقاس بتاعها 185/65 ولا أجيب نوع تاني غير الدانلوب ؟؟

ربنا يكفينا شر الحوادث .

---

اخي الحبيب اسلام
بعد الفحص و المحص و التدقيق
العلاج سهل جدا
انت تعدي علي حضرموت و انت جي الاجتماع القادم
و تجيب في ايديك تيس مندي بس من غير زبيب
حتسالني طيب ليه من غير زبيب
اقولك علشان انا مش بحب الزبيب

يا سيدي كل ده فداك سيبك كله يهون

انا و انا راجع من القاهره الاجازه دي
شوفت علي الطريق 3 حوادث
و كلهم نفس السيناريو
ناس حدفت شمال و خبطت في السور
نوبيرا و لانوس و التالته هيه المفاجاه اسعاف
و الغريبه ان الاسبوع اللي قبلوا كان فيه الناحيه التانيه حادثه اسعاف برضه

فالحمد لله
و كله يتعوض
فداك الدنيا كلها يا شقيق

ألف سلامة عليك، المهم متزعلش نفسك

قدر الله ماشاء فعل يا اسلام حصل خير و الحمد لله. أنا من رأى خليك فى الدانلوب علشان ال 4 عجلات يكونوا ذى بعض , علشان أختلاف النقشة و لا أنت ناوى تركب الأستبن و الفردة الجديدة اللى هاتشتريها هى تكون ستبن ؟؟ شوف اللينك ده برده


http://www.sayaratmisr.com/sayaratmisr.asp?type=19

ألف شكر يا سمسم أنا فعلا ركبت الاستبن خلاص بس برضهعايز الجديدة تبقى نفس النوع دنلوب برضه بس أنا مش لاقيها .

استاذ اسلام سألت عند البطوطى اللى فى شارع المحطة؟

لما تدخل من جنب الفرن, تمشى شوية, تسيب اول فتحتين شمال هو بعدهم

هو اسعاره حلوة و كان عنده دنلوب قبل كده

الحمد لله انها جت على قد كده و حمد لله على سلامتك يا باشا :)

انصحك بالتصدق

قدر الله و ما شاء فعل

فداك يا حاج إسلام و الحمد لله جت على قد كده

بس إنت فيت يا عم إستنيتك إمبارح

قدر الله و ما شاء فعل يا عم اسلام و الحمد لله انك بخير
من رايي انك تجيب نفس النوع فعلا علشان يبقي الطقم كله زي بعضه و الفرده الجديده مع الاستبن تركبهم في الامام علشان جداد و الفرده السليمه تغسلها و تعملها استبن

بص، جرب مركز الفردوس او علاء موسى والإتنين فى شارع احمد سعيد بعد تاكى لو انت داخل من صلاح سالم رايح ناحية شارع الجيش

يا جماعه ألف شكر ليكم كلكم والله هو ده العشم برضه .

ميمو حبيبي :- معلش والله يا باشا القعدة طولت امبارح في السلام الراجل كان جايب حوالي 25 جهاز وقعدنا لغاية الساعه 11 بليل نجرب فيهم فطبعا لقيت الوقت اتأخر قوي ظز
عموما يا جميل أنا لازم هاخدك معايا ماتخافش هتروح هتروح .

قدر الله ما شاء فعل كويس انها جت فى حاجات بسيطه زى دى المهم ان انتا كويس يا باشا

قدر الله وماشاء فعل
حمد الله على سلامتك
أنت أهم حاجة

قدر الله وما شاء فعل، ربنا يعوض عليك يا اسلام. على فكرة يا اسلام الاستبن بيبقي لة خصائص اخري غير فردة الكاوتش العادية، يعني بلاش تركبة بدل الفردة اللي باظت، والمفروض تشتري فردتين مش فردة واحدة وتركبهم جمب بعض يعني في صف واحد بالعرض ويفضل تركبهم في الامام " معلش متزعلش المؤمن منصاب".

الحمد لله
قدر الله وما شاء فعل
بس تصدق فعلا زي ما قاللك شهبور