تعمل أيه لو عربية شرطة زنقت عليك ؟؟؟

**Samir Elshahawy** · 11-02-2009 01:56 PM

مساء الخير ياجماعة...

بالامس كنت داخل مبني 2 بمطار القاهرة و طبعا اللي راح هناك يعرف أن الطريق ده اللي أمام الصالة يادوب يعدي عربية واحدة و ممكن 2 بالعافية , وده اللي حصل أنا داخل علي بوابة الكارتة و أذا بسيارة بيجو شرطة دخلت بسرعة من يساري و بدأ يكسر عليا علشان يدخل هو البوابة الاول

طبعا أتغظت و علي طول دوست بنزين و كبست عليه بأقصي قوة و خدت يميني شوية و ثواني أصبحت مقدمة سيارتي أمام مقدمة سيارة الشرطة اللي أضطر يفرمل فجأة و ألا أصطدم بي .

بصراحة لا أعرف من أين أتتني تلك الجرأة لفعل ذلك مع سيارة شرطة بها ظابط و 2 أمناء شرطة , بس أنا كنت مفقوع منهم من ساعة ماوصلت علشان كده أتصرفت بالطريقة دي و قايست و اللي يحصل يحصل

تفتكروا تصرفي ده كان صح و هل كان معي حق و لو أنتم مكاني هاتعملوا أيه ؟

**SOBKY** · 11-02-2009 02:07 PM

صح الصح كمان .
و انا لو مكانك كنت عملت كده.
وساعتها كنت برده هاقول ... اللي يحصل يحصل.
بجد تصرفاتهم تخنق كانهم ورثوا البلد.
و صحيح .. عظيمة يا مصر يا ارض اللوا ..

**M_Nabil** · 11-02-2009 02:14 PM

تمام ياباشا هو ده التصرف السليم لو مكانك هعمل زيك بالظبط طلما هو مش في حالة طواريء انما لو هو مشغل السرينه و انوار الطواريء الواجب بيحتم ان احنا نعديه ونوسعله طبعا زى الاسعاف والمطافي كده

**معتز** · 11-02-2009 02:15 PM

احتمال اخر ولو ضعيف ..يمكن يكونوا كانوا مستعجلين لعمل معين ...فيجب ان نعطيهم الاولوية...انا لوو مكانك اعطيهم الاولوية حتى لو كان هناك احتمال 100 % انهم مش فى حالة طوارئ...لان لو انخبطت سيارتى هكون انا الوحيد المتضرر ....
انا مش هزعل كمان وسوف اعتبرها من الاشياء الصغيرة اللى متستهلش انى ازعل نفسى عليها.....

الدنيا محتجة مرونة وصبر على الصغائر وفى جملة بتعجبنى هى بالانجليزى Do not sweat small stuff

**zeyad1810** · 11-02-2009 02:17 PM

من وجهة نظرى انت غلطان لانهم ممكن يكونوا مستعجلين لاى مامورية خاصة بالشرطة وانت بكدة عطلتهم
يعنى مثلا ممكن يكونوا رايحين يمسكوا حرامى او تاجر مخدرات وانت عطلتهم واتسببت فى هربة

**itsonlyme** · 11-02-2009 02:29 PM

المشاركة الأصلية كتبت بواسطة zeyad1810

من وجهة نظرى انت غلطان لانهم ممكن يكونوا مستعجلين لاى مامورية خاصة بالشرطة وانت بكدة عطلتهم
يعنى مثلا ممكن يكونوا رايحين يمسكوا حرامى او تاجر مخدرات وانت عطلتهم واتسببت فى هربة

بس لو هما بستعجلين كانوا استخدموا السرينة!

**حماده المصري** · 11-02-2009 02:42 PM

تصرف سليم جدا

هما لو كانوا مستعجلين كانوا شغلوا السرينه ومحدش كان هيعاند معاهم

بس عند مش هيجيب الا عند

**Samir Elshahawy** · 11-02-2009 02:44 PM

المشاركة الأصلية كتبت بواسطة zeyad1810

من وجهة نظرى انت غلطان لانهم ممكن يكونوا مستعجلين لاى مامورية خاصة بالشرطة وانت بكدة عطلتهم
يعنى مثلا ممكن يكونوا رايحين يمسكوا حرامى او تاجر مخدرات وانت عطلتهم واتسببت فى هربة

هما ماكانوش مستعجلين و لا حاجة لأنهم بعد ماعبروا البوابة ورايا وقفوا علشان أحد الامناء ينزل و عطلوا كل العربيات اللي وراهم و غير كده لو كانوا فعلا في مأمورية و أنا عطلتهم ماكنتش خلصت منهم و من لسانهم بس هما أفتكروا أنهم شرطة يبقي يعملوا اللي هما عايزينه و يخبطوا في عربيات الناس و تسكت لهم

**HeMa_LanCeR** · 11-02-2009 02:45 PM

مش شرط لو مستعجلين يشغلوا السرينه لأنهم مش في الشارع دول داخلين المطار
والصح انك كنت تسيبهم يعدي لسببين
1- ممكن يكونوا رايحين علشان بلاغ لأن امين الشرطه مش هيسوق برعونه والظابط معاه
2- لو انت اتخبط محدش هيفيدك وانت اللي هتغرم
انا لو حصل كده مع شرطه هسيبه لكن لو مع اي حد عادي هخليه يولع

**blackman** · 11-02-2009 02:51 PM

المشاركة الأصلية كتبت بواسطة معتز

احتمال اخر ولو ضعيف ..يمكن يكونوا كانوا مستعجلين لعمل معين ...فيجب ان نعطيهم الاولوية...انا لوو مكانك اعطيهم الاولوية حتى لو كان هناك احتمال 100 % انهم مش فى حالة طوارئ...لان لو انخبطت سيارتى هكون انا الوحيد المتضرر ....
انا مش هزعل كمان وسوف اعتبرها من الاشياء الصغيرة اللى متستهلش انى ازعل نفسى عليها.....

الدنيا محتجة مرونة وصبر على الصغائر وفى جملة بتعجبنى هى بالانجليزى Do not sweat small stuff

+

الموضوع: تعمل أيه لو عربية شرطة زنقت عليك ؟؟؟

LinkBack

أدوات الموضوع

عرض

تعمل أيه لو عربية شرطة زنقت عليك ؟؟؟ - انشر الموضوع فى :

-

-

-

-

المواضيع المتشابهه

عربية شرطة كسرت الفانوس الخلفى .. الحمد لله

عربية شرطة انما اية تسلم دماغ اللى عملها

والميجان بقت عربية شرطة كمان

تعمل ايه لو لاقيت حد قافل عليك وانت راكن؟

عربية شرطة ( مش هاتصدقو )

الكلمات الدلالية لهذا الموضوع

المفضلات

المفضلات

ضوابط المشاركة