الموضوع: تحذير من محطة بنزين في اسكندرية -عد فلوسك كويس قوي

المشاركة الأصلية كتبت بواسطة ahmedsamir79

النصب كتر جدا
أحسن حاجه تفول بمبلغ ثابت علشان اللعب بالفكه

طيب وتعمل إيه في الطلمبات اللي ملعوب فيها ؟؟؟

المشاركة الأصلية كتبت بواسطة abou_ruqi

أه دي مصيبة تانية
والمحطات اللي مشهورة باللعب في الطلمبات هي طبعا "مصر للبترول"

مرة أيام ما كان معايا الـ128 كانت على ربع التانك كده ودخلت أفول علشان كنت مسافر
فحطولي 36لتر !!!!

قلتلهم إزاي بقه ؟؟؟ أنا تانكي 35 لتر وداخل عندكم المحطة والعربية ماشية مش مزقوقة يعني فيها بنزين وكان فيها فوق الخمسة لتر , وديتوا الـ 36لتر دول فين بقه؟؟

بس مكنش ليها حل غير إني أدفع وأمشي , حاثبتها إزاي دي ؟؟

حقول لحضرتك بيحصل ازاي,انا مرة داخل احط بنزين 80 من مصر للبترول اللي في العصافرة بعد الاكاديمية ,كان قدامي عربيتين ,لقيت واحد جة فك غطا التانك وحطه فوق الشنطة !استغربت ,دخلت وحط المسدس وقلت له حط ب 20 جنية قبل ما انزل لقيت العداد شغال في 10 جنية وشوية (المفروض يسئلني عاوز كام لتر)المهم دفعت ومشيت ,20 جنية يعني حوالي22 لتر المؤشر لازم يوصل للنص ,فموصلش,,اثناء لما كان بيحط بنزين وقف عن 12 جنية وقالي معلش حقفل العداد وافتحه تاني لان الماكينة فيها مشكلة ,المهم رجعت لمدير البنزينة وحكيت له وقلت لة عاوز فلوسي دلوقت يا حطلع علي القسم ,خدت ال 10 جنية اللي مكنش حطها ,دي اللعبة اللي بيعملوها

المشاركة الأصلية كتبت بواسطة mohamed2002

حقول لحضرتك بيحصل ازاي,انا مرة داخل احط بنزين 80 من مصر للبترول اللي في العصافرة بعد الاكاديمية ,كان قدامي عربيتين ,لقيت واحد جة فك غطا التانك وحطه فوق الشنطة !استغربت ,دخلت وحط المسدس وقلت له حط ب 20 جنية قبل ما انزل لقيت العداد شغال في 10 جنية وشوية (المفروض يسئلني عاوز كام لتر)المهم دفعت ومشيت ,20 جنية يعني حوالي22 لتر المؤشر لازم يوصل للنص ,فموصلش,,اثناء لما كان بيحط بنزين وقف عن 12 جنية وقالي معلش حقفل العداد وافتحه تاني لان الماكينة فيها مشكلة ,المهم رجعت لمدير البنزينة وحكيت له وقلت لة عاوز فلوسي دلوقت يا حطلع علي القسم ,خدت ال 10 جنية اللي مكنش حطها ,دي اللعبة اللي بيعملوها

لا ده حرامي غشيم قوي ! حرامي وأهبل ؟؟

وبعدين يا جدعان ؟ إحنا كل ما حنشتري حاجة في البلد دي حنتسرق ؟

محطه بنزين مصر إلي علي مدخل المعموره الشاطئ

أقوله حط لي ب 20 جنيه إلاقيه حاطط لي ب 25

أقول له حط لي ب 30 جنيه إلاقيه حاطط لي ب 40 جنيه

وبدل المره تلات مرات

لحد ما في مره قلت أحط لي 25 لقيته حط ب 40 جنيه قلت له أدفعهم انت بقه....قعد يقولي يرضيك تتخصم من يوميتي والعيال واكل العيش وشويه وكان حيعيط...قلت له انت مش كنت سامعني لما قلت لك 25...قالي أصلي مأخدتش بالي ...قلت له وانا كمان ماخدتش بالي وخد بالك انا مجربكم بدل المره 3 مرات وكل مره علي نفس النظام....أشربها أنت بقه المره دي..

وقمت مدور وطالع ومدتلوش غير ال 25 بالظبط وجنيه لبتاع الإزاز إلي غسله

طب ايه حل البنزينة الى ملعوب فى طلمبتها

الحركه السافله دي للأسف اتعلموا يعملوها في بنزينه وطنيه بجوار مسجد السلام مدينه نصر
عملوها مره واخدت بالي طلبت الباقي وسكت
تاني مره قلت لأ دي اكيد مقصوده وطبعا بطلت اعتب تاني هناك

المشاركة الأصلية كتبت بواسطة hema_hn

طب ايه حل البنزينة الى ملعوب فى طلمبتها

مالهاش حل حيتنصب عليك وحتدفع ومش حتعرف تثبت حاجة