ناوي أشتري ال Symbol الجديدة و مش عارف أخد المانيوال و لا الأتوماتيك ؟؟؟ الناس مخوفاني من الأتوماتيك في ال 1400 cc ... ايه رأيكم ؟ :U_thin1[1]:
عرض للطباعة
ناوي أشتري ال Symbol الجديدة و مش عارف أخد المانيوال و لا الأتوماتيك ؟؟؟ الناس مخوفاني من الأتوماتيك في ال 1400 cc ... ايه رأيكم ؟ :U_thin1[1]:
ياه ناس قديمه قوى
اللى بتخاف من اتوماتيك 1400
الكيا بيكانتو اتوماتيك 1100
انا كان عندى لانسر 2005 - 1300 اتوماتيك
جامده جدا
انت بتحب ايه اتوماتيك والا مانيول
انا كنت حاحجز المانيول وخصوصا ان الفرق كبير يعنى 10000 جنيه فى فرق فتيس بس وانا مستغلى المبلغ عارف لو فى فرق تانى غير الفتيس كنت فكرت
بس هى عربية بصراحه اكثر من رائعه رحت شفتها فى التوكيل والسبع عجبانى جدا بس مجربتهاش
ربنا يوفقك عموما
لووووووووول و الله ناس جديدة اللي خوفوني من الموضوع ده ، بس بيني و بينك أنا اللي قديم شوية يعني عجوووووووز شوية ، على فكرة أنا سألت ليه فرق السعر كتير كده بين المانيوال و الأتوماتيك قالولي في التوكيل علشان الأتوماتيك بتاعها (سبور) مش عادي ؟؟؟ طبعا أنا مش فاهم الفرق بس برضه قالوا لي أن الفرق يبان بعد سرعة ال 130 كم / ساعة ... طبعا أنا قلبي ممكن يقف لو حصلت السرعة دي أساسا :C_laugh[1]:
على فكره برضه انا عجوز بس فى الاول يعنى 43 سنه
اولا واخيرا راحتك انت مانيول والا اتوماتيك
ومبروك مقدما
الله يبارك فيك و يبارك لك ... يعني احنا الأتنين بنلعب في نفس المرحلة السنية :S_thum1[1]: ... أنا طبعا عايز الأتوماتيك بس زي ما قلتلك في الأول مخوفيني من ال cc القليل + فرق السعر الغير مبرر زي ما أنت قلت
هى السيمبول دى بكام واية مواصفتها؟
ال Symbol المانيوال سعرها 80000 جم و الأتوماتيك 90000 جم و هي 1400 cc و 98 hp و 16 صباب .... نفس موتور الكليو موديل 2005 تقريبا ... و الله أعلم
بص بقى انا هجبلك من الأخر بعد تجربتى للأتوماتك عربيه ملهاش حل لو سوقت ميجان و شوفت طلعت الميجان عامله أزاى دى مشكله أكتر منها عربيه عفيه جدا و فتيس متطور فى ذاكره لأنماط السواقه المختلفه عادى او سبورت بيقبل انك تعملوا كيك دون مش زى بتاع لأنسر و على فكره يا mitch ده موتور جديد ملوش علاقه بالكليو 2005 1400 twin cam 16v
لو أحتجت حاجه أسئل ميهمكش
ألف شكر يا د / أكمل ... شكلي كده ح أتكل على الله و أروح للأتوماتيك ... :S_thum1[1]:
خلاااااااااص اتكلت على الله و حجزت الأتوماتيك .... و استلمها الأسبوع القادم ان شاء الله :S_thum1[1]: ... أول تجربة لى في الرينو بس أكيد عربية 100 / 100 زي الناس اللي راكبينها:vctry:
الله يبارك فيك يا عمرو باشا ... أوصلهالك لحد البيت عندك يا جميل ... تحت أمرك العربية و صاحبها:satelite:
انا فى نقطه عايز اقولها
ما تخافش من الاوتوماتيك و خدها و توكل على الله
انا امبارح كنت فى توكيل العبور و شفتها اوتوماتيك لاقيتها بالظبط اخت الكليو بتاعتى موديل 2005 اوتوماتيك نفس الفتيس و نفس كل حاجه
و سالت المهندس اللى فى التوكيل شكرلى فى العربيه و بعدين انا الاوتوماتيك معاى مرياحنى جدا و مفهوش اى مشكله
خد الاوتوماتيك حت حس براحه كبيره جدا
ربنا يطمنك يا Lion الحمد لله أنا حجزت خلاص و العربية شكلها شديد بجد و الأسود بتاعها جمييييييييييييييييييييييي ل
الف مبروك وربنا يملهالك بركة و يكفيك شرها
و متنسناش في التقييم و تستلم قريب ان شاء الله
و اختيار موفق :S_thum1[1]::S_thum1[1]:
موديل الموتور الـ1.4 16V الي نزل في الكليو الـ2005 هو K4J 712
موديل الموتور الـ1.4 16V الي نازل في السيمبول K4J 712
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
ده بالظبط نفس المحرك اللى عندى فى الكليو 2005 اوتوماتيك
عمورا حبيب قلبى العربيه ال انا سوقتها موتورها غير كده خالص وهى من الدفعه الأولى و صاحبها شغال فى التوكيل ولونها أحمر اما بخصوص الفتيس فمصدرى مهندس من التوكيل لذا لزم التنويه بس هيا عربيه جامده جدا وسحبها و طلعتها قويه تحس انها أخف من الكليو بكثير و انا بفكر جدياً ابيع الكليو و أجيبها عربيه تستحق الأقتناء بس مش متخيل انى حبيع الكليو كل ده و حاسس انى مشبعتش منها بجد و العربيه مبتحركش بيه كتير بس ليها عندى حنين
الله يبارك فيك و يبارك لك يا tetto
http://www.postimage.org/aV1Vleui.jpg
مساء الخير عليكم---انا عايزه حد يقولى هوه فيه كليو اتومتك وبكام---وياترى العائلى 7راكب برده رينو اتومتك بكام--ورايكم فى الكليولو فيه منها اتومتك------
الى عمرو عماره حبيبى و amr moh أحب أعملكو update الذى وصلى حالاً و كلمتك يا عمرو امبارح مردتش الموتور ليس هو الموتور ولا هو نفس الفتيس فى تغيرات فى ألأثنين انا سائلت مهندس وائل زكى قالى الشكل واحد بس التغيرات داخليه و فى سى سى بتاع 2005 95 و السمبول 100وكسور مش فاكر الرقم كام بس انا بجد بجد عجبانى العربيه أخر حاجه
يا حماعه انا مش عارف التغيرات فى الفتيس حتكون ايه بس الشكل الخارجى للفتيس اخو الفتيس بتاع الكليو 2005
و انا صورت بتاع السيمبول و حبقى اصور بتاعى برضه
ده العربيه من جوه اخت الكليو2005 مع اختلافات بسيطه جدا بس الفتيس واحد بالظبط و مفهوش اى اختلاف من الشكل الخارجى
مبرووك مقدما وربنا يديك خيرها :coool:
ربنا يوفق