ارجو المساعده في الاختيار
في رنج 80 الي 85 الف , عربيه مانيوال
شفت الاوبترا و الجن 2 لكن مش قادر احدد بينهم و دلوقتي قريت عن الصني و لسه هنزل اشوفها كويس, ياريت لو حد ينصحني باي حاجه فيهم او لو فيه حاجات تانيه مع توضيح كفائه التكييف و تاثيره علي سحب العربيه , عزل الصوت , استهلاك البنزين و اخيرا اسعار قطع الغيار و مدي تعميرها
يستحسن العربيه تكون 1600 لاني اتخنقت من 1300
شكرا
يا جماعه انتو بجد اكثر من رائعين
متشكر لكل الاراء الحلوه دي, انا بصيت علي الصني و مبدئيا متقبل الشكل الداخلي بتاعها ( التقفيل المصري منور ذي النسر الشريف بتاع الاختام :lol: :lol: )
لاكن بالنسبه للجن 2 قشلتها من دماغي لان التابلوه و الامكانات بتاعته مش قد كده مع اعجابي الشديد بكل امكاناتها من موتور قوي و abs و ebd و airbags
اما بخصوص الاوبترا فموضوع التكييف في التابلوه (ذي تلاجه صغيره) عاجبني جدا لاكن مش قادر احس ان التابلوه و الوانه متناسقه خصوصا لون الكاسيت , و خامت التابلوه محسساني انها 128 ( مع احترامي لل 128 ) بس تمن العربيه ميتناسبش مع خامات التابلوه لاكن الشكل الخارجي و المساحات الداخليه ممتازه
و بخصوص الماتريكس طبعا هي عربيه حلوه( مع اني لسه معنديش عائله) و هتبقي داخله في اختياراتي كالتالي:
1- صني
2- ماتريكس
3- اوبترا
علي فكره انا مش بتاع شد و جري و سواقتي اقرب ما تكون الي العقل ( مش ذي شباب اليومين دول :lol: :lol: ) انا بالمناسبه دكتور اسنان لكن للاسف حاليا جندي متنجد ( مش غلطه هما بيعلمونا حب الوطن) و ان شاء الله اتنقل القاهره و اباشر موضوع العياده فاي حد من المنتدي الحلو ده عنده مشكله اهلا وسهلن بيه بس ادعولي اتنقل القاهره