ما هى احسن طريقة لإستثمار مبالغ صغيره

**A.Saad** · 13-02-2009 11:31 PM

المشاركة الأصلية كتبت بواسطة speed demon666

سؤال : ممكن أعرف الديانه بعد اذنك ؟

هوة الاسم مش باين فى التوقيع ولا ايه

الاسم : احمد سعد
الديانة هتبقى معروفة
وعلى فكرة سؤالى ده بجد
والمفروض ان الاجابة تكون مالهاش علاقة بديانتى ايه
لانى ممكن اكون مسلم بس مش عارف السبب فعلا
لان اللى اعرفه
ان الربا حرم منعا لاستغلال الفقير من قبل المرابى وان اى انسان يكون له عمل جاد
لكن اى اسباب تانية معرفهاش

**X_MM_X** · 14-02-2009 06:38 AM

الذهب ما تشتريش دلوقتي هيبدأ اصلا رحلة الهبوط والله اعلم

**A.Saad** · 14-02-2009 07:35 AM

المشاركة الأصلية كتبت بواسطة badry

استاذ احمد المحترم....

انا بس عايز اقول انه كويس اننا نعرف اسباب التحريم...بس ده مش معناه اننا نسيب النصوص و الفتاوى...و نحاول نعمل عقولنا فى حاجات ليها نص...حضرتك اكيد سمعت عن القاعدة الفقهية: "لا اجتهاد مع نص"...

و عموما على حد علمى...من اسباب تحريم الربا الأساسية ان محدش يبقى ضامن ارباح فلوسه من غير مخاطرة او سعى لتشغيلها....
بمعنى اخر...احط فلوسى فى بنك..و ابقى ضامن نسبة الربح دايما...مهما حصل للبنك من مكسب او خسارة...و البنك المركزى مأمن على فلوسى...
لازم اتحمل مخاطرة...علشان يبقى من جواى عارف دايما ان الرزق من عند ربنا...زى الفلاح اللى بيسقى الزرع و بيدعى ربنا انه يطلع سليم...و زى التاجر اللى بيدعى ربنا يجيله زباين....و هكذا...

و عموما....الموضوع ده محل اختلاف بين العلماء...لكن على حد علمى العلماء الثقات اكدوا حرمانيته و ربويته بناء على نصوص من السنة بتوضح يعنى ايه ربا و مدى انطباقه على الحالات المختلفة..وممكن حضرتك تراجع الفتاوى المنشورة على موقع اسلام ويب...و فتاوى الشيخ القرضاوى..

و انا مؤمن ان كل واحد فينا يفهم الموضوع بنفسه و يقرأ الفتاوى..و بعدين يستفتى قلبه...لأنه لا تزر وازرة وزر اخرى...و مينفعش مثلا يوم القيامة اقول ان فلان او الشيخ الفلانى هما اللى قالولى...

و ربنا يوفقنا دايما للحلال...و ارجو انى اكون افدت حضرتك...و شكرا..

استاذ بدرى المحترم
انا معاك انه لا اجتهاد مع نص
لكن فى ايامنا هذه
اللى بيستلف من البنوك التجارية مش الانسان الفقير لانهم مش هيسلفوه اصلا
لكن انسان غنى وممكن يكون ملياردير
انا بعتبر ان واحد زى ده اما يتاخد منه فائدة على القرض اللى مستلفه وتروح لانسان ليه مبلغ ادخار بسيط ، افضل من ان الملياردير ده يزداد غنى والفقير يزداد فقرا
اللى بيزود الفقير فقرا هو التضخم ، لان قوة النقود الشرائية يعنى كمية السلع التى تقدر تشتريها بالجنيه الواحد بتقل ، الفائدة تعتبر تقليل من انخفاض القوة الشرائية لمدخرات الفقير
تانى شىء ان بعض البنوك الاسلامية تنص فى عقدها ان المدين لو لم يسدد فى الميعاد يسدد غرامة تأخير
طب ما الغرامة زى الفائدة ، الاتنين مرتبطين بالمدة
لانهم عارفين ان اغلب المدينيين ممكن يماطل فى السداد ما دام دينه مقدار ثابت ما لم يوجد ضمان جزائى قوى
مثل الحبس او الافلاس او غرامة
وفى النهاية انا بقول حاجة
المفروض ان يكون فيه جهة او اكتر لاقراض الفقير ومساعدته
وبرده ان الانسان لازم يعمل مسش يحط فلوسه فى البنك وياخد فائدة وخلاص

**abou_ruqi** · 15-02-2009 10:10 AM

مع احترامي التام للأخوة اللي شايفين في البنوك استثمار , البنوك دي بتديلك عائد أصغر من معدل التضخم بكتير
يعني فلوسك في البنك بتقل مش بتزيد بالرغم من إنك شايف الرقم بيعلى

وبصفة عامة فوائد البنوك كلام فارغ أقل من عشرة جنية في الشهر لو حاطت 10.000 جنية , طب ده كلام ؟؟؟

الحل طبعا صندوق التنمية الإجتماعية , النمور الاسيوية نمت بفكرة شبه فكرة الصندوق ده

في واحد في كل محافظة
روحوا زوروه وشوفوا عندهم أفكار إيه
هما حيقولوكم تعملوا إيه بالفلوس
ادي موقعهم

http://www.sfdegypt.org/