ايهما احسن الادا الروسى ولا المصرى ارجو الافاده

**mr_who247** · 11-02-2009 06:55 PM

السلام عليكم
يا جماعه انا قررت ان اشترى عربية وطبعا على اد الفلوس اللى معايا قررت انها تكون لادا 2107
روحت لمعرض شركة الامل اتفرجت عليها بصراحها عجبتنى جدا بس انا محتار
المصرى موديل 2009 ب 46000
الروسى موديل 2008 ب 47500
بس الروسى مافيهاش الوان ميتالك وبصراحه المصرى احلى من فى الشكل بس بصراحه انا خايف من المصرى دى
فاريت اى حد عنده خليفه يفدنى فى الاختيار دا
ولكم جزيل الشكر

**n_nabil76** · 11-02-2009 07:51 PM

انا اعتقد ان الروسي افضل بكتير في التقفيل مع واحد صحبي تقفيل مصري بيشتكي منها

**ameen_ra** · 11-02-2009 09:12 PM

المشاركة الأصلية كتبت بواسطة mr_who247

السلام عليكم
يا جماعه انا قررت ان اشترى عربية وطبعا على اد الفلوس اللى معايا قررت انها تكون لادا 2107
روحت لمعرض شركة الامل اتفرجت عليها بصراحها عجبتنى جدا بس انا محتار
المصرى موديل 2009 ب 46000
الروسى موديل 2008 ب 47500
بس الروسى مافيهاش الوان ميتالك وبصراحه المصرى احلى من فى الشكل بس بصراحه انا خايف من المصرى دى
فاريت اى حد عنده خليفه يفدنى فى الاختيار دا
ولكم جزيل الشكر

المصري الوان بس وراح يقابلك فيها مشاكل في كذا حاجه
اما الروسي انضف في التقفيل وفي الصاج وعربيه محترمه
واذا كنت عايز تعرف اكثر روح التوكيل وشوف العربيات اللي بتتصلح.....ايهما اكتر المصري ولا الروسي

**mohamed2002** · 13-02-2009 09:35 PM

خليك في الروسي بس اللي اعرفه انها اوكراني وليست روسي

**emadosman63** · 13-02-2009 10:27 PM

أنا سمعت والعهدة على الراوى أن المصرى أفضل لأن فيها اضافة تتعلق بالمساعدة على عدم سخونة السيارة وعلى العموم انا اسأل على أخبار التكييف فى السيارة

**ahmed1981** · 13-02-2009 11:48 PM

في لادا 2107 بتنزل دركسيون باور ومكيفة
أنا إتفرجت عليها في شركة الأمل بمصر الجديدة وجربت الباور وكان ممتاز وسعرها كان 53000 جنيه من حوالي أربع شهور
طبعاً هي المصري
لكن الروسي بتنزل فاضية ومعرفش ممكن تطلب منهم الباور يركبوه ولا لأ
أنا سمعت إنهم خفضوا السعر شوية ؟؟؟

والروسي بها ميزة مهمة وهي انها إنجكشن وهذا أمر مريح جداً من مشاكل ضبط الكربيراتير

وطاما حدودك السعرية حوالي 50000 جنيه
ممكن تبص على موديلات جيلي الصينية عندهم عربية في حدود 56000 جنيه مع ضمان 100000 كلم أو خمس سنوات

**mr_who247** · 19-02-2009 08:05 PM

انا روحت الامل قالولى ممكن يركبو باور وتكيف للروسى ب3000 للجزء يعنى العربيه بتكييف وباور ب

52000
بس ان شاء الله انا ناوى على المصرى هيا كربراتير وادى ارخص بكتير فى الصيانه عن الانجكشن

**ameen_ra** · 19-02-2009 08:44 PM

المشاركة الأصلية كتبت بواسطة mr_who247

انا روحت الامل قالولى ممكن يركبو باور وتكيف للروسى ب3000 للجزء يعنى العربيه بتكييف وباور ب

52000
بس ان شاء الله انا ناوى على المصرى هيا كربراتير وادى ارخص بكتير فى الصيانه عن الانجكشن

يعنى معني كلام حضرتك ان السيارةلادا 2107 الروسي ب46000 جنيه ولا انا فهمت غلط

**ahmed1981** · 19-02-2009 11:02 PM

المشاركة الأصلية كتبت بواسطة mr_who247

هيا كربراتير وادى ارخص بكتير فى الصيانه عن الانجكشن

ولكن الإنجكشن أكثر إنضباطاً وأقل حاجة للصيانة بفرق كبير عن الكربيراتير

**gebreel** · 19-02-2009 11:14 PM

و الله لو عاوز نصيحتي ابعد عن اللادا اصلا هي عربية صاج جامد جدا و موتور تمام و ميكانيكا 10/10 لكن متعبة في التقفيل بتاعها و الجودة مش عالية يعني الموتور زي مقلتلك تمام لكن لما تبص على الامان متلقيش شوف الcrash test بتاعها و انت تفهم اصدي هي معايا السمرة 2004 روسي انجكشن بصراحة الموتور بالرغم من اللي بعملو فيه مستحملني و الحمد لله رب العالمين ماشي زي الساعة

لكن اجابة على سؤالك الروسي افضل بمراحل من المصري و 3000 جنيه في الباور و التكييف مش حاجة لأنك لو ركبتهم برة هيعدو كدة بكتيييييير
بس حاجة كمان بالنسبة للاتدا هي ان وكيلها اي كلااااااااااااااااام يعني متعتمدش عليه و خصوصا في المودلات زي السمارة و ال2110 و الحاجات الجديدة كلها لأن قطع غيارها نااااااار و مش موجودة كتير برة التوكيل

و ربنا يوفقك للي فيه الخير و متنساش تصلي استخارة قبل متاخذ القرار