الحمدلله استلمت اللوجان الـ Mcv و حاليا عاملة 2500 كم

عرض للطباعة

11-02-2009, 07:46 PM
mostafabakry

الحمدلله استلمت اللوجان الـ Mcv و حاليا عاملة 2500 كم

السلام عليكم و رحمة الله و بركاتة

الحمدلله استلمت العربية من حوالي 15 يوم تقرييبا و الحمد لله رخصتها كله تمام
العربية عاملة 2500 كم و الأمور كلها علي ما يرام
بس انا ما غيرتش الزيت و مش عارف هل كان المفروض اغير الزيت اول 1000 كم و لا عادي
هو مهندس المبيعات اللي في التوكيل قاللي الزيت بيتغير كل 10000 كم
انا هحاول اروح التوكيل و اطمن علي حكاية الزيت دي
لو اي حد عندة فكرة عن موضوع الزيت دا يا ريت يقولها لي

بالنسبة للعربية فانا الحمدلله مقتنع بيها جدا جدا جدا
طبعا العربية اللي معايا هو اللوجان ال 7 راكب اللي موتورها 1600سي سي 16 صباب 110 حصان
عشان فيه منها نفس الشكل بموتور 1600 سي سي 8 صباب 90 حصان بس

طبعا العربية نص كماليات ينقصها زجاج كهربا و سنتر ريموت و كشافات ضباب و عوارض تحميل بس
بالنسبة للأدار فهو اداء مقنع جدا
موتور قوي و سحب ممتاز و اتزان عالي وعفشة قوية و مريحة في نفس الوقت
شكل العربية حتي الآن كل اللي بيشوفها بيعجب بيها و بيحس انه شاف حاجة جديدة غير تقليدية
العربية ما شاء الله واسعة جدا من الداخل بتبهر كل اللي يركبها و خصوصا الكراسي الخلفية اللي كل الناس بتتغش فيها و بتقول ضيقة و يفاجئوا بالعكس و انها واسعد جدا
ارتفاع العربية معقول عن الأرض
العربية انا جبت بيها 170 كم و ما قدرتش اكمل اكتر من كدا لأني خفت و حسيت ان الدركسيون خف في ايدي شوية و ما حبتش اتهور اكتر من كدا خصوصا انه طريق مش فاضي خالص و حوليه زراعات

طبعا الحمدلله اتصورت بالردار لاول مرة في حياتي بعد حوالي 5 سنوات قيادة و اتمسكت علي 98 كم و كعيت ال 150 ملطوش زي الباشا و انا بتحسر علي فلوسي و بدعي ي سري يا رب الفلوس كلها تضيع منكم يا شوية حرميه

المهم العربية الحمدلله انا مبسوط بيها جدا و مش ندمان ابدا

انا تحت امر اي حد محتاج اي معلومة عنها
11-02-2009, 08:03 PM
Ahmed Selim

ألف مبروك عليك و ربنا يديك خيرها و يكفيك شرها

بالنسبة للصيانة.....أول صيانة فى الرينو بتبقى صيانة ال 5000 كم و المفروض بيغيروا فيها الزيت و هى صيانة مجانية.
بعد كده تروح على 10 ألاف تعمل صيانة برضه و تغيير زيت على حسابك......بعد كده صيانات ال 5 ألاف مجانية ( 15 و 25و 35 الخ ) و هى بتبقى مراجعة على صيانات ال 10 ألاف بس مهمة عشان الضمان يفضل شغال.

مبروك مرة تانية.
11-02-2009, 08:23 PM
mostafabakry

ربنا يبارك فيك يا استاذ احمد

لس انا كنت سمعت ناس بتقول انه المفروض الزيت يتغير بعد اول 1000 كم عشان الموتور ينضف بعد التليين
مش عارف هل الكلام دا صح و لا غلط

انا هروح التوكيل عندنا في الأقصر و هشوف ايه النظام هناك

ربنا يسهل

شكرا مرة تاني لحضرتك
11-02-2009, 08:30 PM
Mohd_Adel_Amin

ألف مبروك يا باشا وربنا يديلك خيرها ويكفيك شرها , ومن وجهة نظري انك تخليك مع التوكيل وتسيبك من كلام الناس لأن في الرينو خصوصا الناس بتحب تفتي وممكن العربية تتبهدل منك بسبب عدم التزامك بتوصيات الوكيل وممكن بدل ما تروح التوكيل تتصل بيهم هتلاقيهم مهتمين جدا باستفساراتك ..
11-02-2009, 08:34 PM
mostafabakry

الف شكر يا استاذ محمد
ربنا يبارك في حضرتك و ان شاء انا هعمل زي ما حضرتك بتقول

جزاكم الله خيرا
11-02-2009, 11:14 PM
tamer_samy

الف مبروك يا باشا
ربنا يباركلك فيها و يديك خيرها و يكفيك شرها
11-02-2009, 11:24 PM
blazer

الف مبروك على العربيه ياباشا
مش حضرتك كنت عملت من فتره مقانه بين الماتورين ال 90 حصان و ال115 حصان؟
12-02-2009, 01:48 AM
akmal_hamdi

الف مبروك الزيت كل 10.000
12-02-2009, 10:21 PM
mostafabakry

اقتباس:

المشاركة الأصلية كتبت بواسطة blazer

الف مبروك على العربيه ياباشا
مش حضرتك كنت عملت من فتره مقانه بين الماتورين ال 90 حصان و ال115 حصان؟

الله يبارك في حضرتك

فعلا انا كنت عملت مقارنة بين الموتور ال1600 سي سي 8 صباب 90 حصان و بين الموتور 1600 سي سي 16 صباب 110 حصان
و الحمدلله وفقت في ان اشتري الموتور القوي بعد نصيحة الإخوة الأفاضل بالقسم هنا

شكرا لحضرتك
12-02-2009, 10:25 PM
mostafabakry

اقتباس:

المشاركة الأصلية كتبت بواسطة akmal_hamdi

الف مبروك الزيت كل 10.000

ربننا يبارك في حضرتك
كلام حضرتك مظبوط يا دكتور
انا رحت التوكيل النهاردة و قالولي ان الزيت بيتغير كل 10000 كم و تقريبا نوع الزيت توتال

متشكر جدا
13-02-2009, 02:30 PM
renault monster

الف الف الف مبرووووووك ربنا يعطيك من خيرها ويكفيك شرها ويبعد عنك عين كل حاسد

خلي بالك من العربية ما تعاملهاش بقسوة علشان تعيش معاك العربيه عايزه الي يدلعها ويهتم بيها وكل يوم حسس عليها وطبطب عليها وكده يعني :pPp
14-02-2009, 11:13 AM
Amr_Moh

اقتباس:

المشاركة الأصلية كتبت بواسطة mostafabakry

الله يبارك في حضرتك

فعلا انا كنت عملت مقارنة بين الموتور ال1600 سي سي 8 صباب 90 حصان و بين الموتور 1600 سي سي 16 صباب 110 حصان
و الحمدلله وفقت في ان اشتري الموتور القوي بعد نصيحة الإخوة الأفاضل بالقسم هنا

شكرا لحضرتك

إختيار موفق لئن الكماليات تئدر تضفها بعد كدة لما تحب
mabrook
14-02-2009, 03:57 PM
mostafabakry

اقتباس:

المشاركة الأصلية كتبت بواسطة MiZo0o

الف الف الف مبرووووووك ربنا يعطيك من خيرها ويكفيك شرها ويبعد عنك عين كل حاسد

خلي بالك من العربية ما تعاملهاش بقسوة علشان تعيش معاك العربيه عايزه الي يدلعها ويهتم بيها وكل يوم حسس عليها وطبطب عليها وكده يعني :pPp

ربنا يبارك في حضرتك

هههههههههههههه حلوه حسس و طبطب عليها دي هههههه
طبعا انا بطبيعتي بتعامل مع اي معدة و خصوصا العربية بدون قسوة و باعتني بيهل قدر استطاعتي

متشكر جدا لحضرتك
14-02-2009, 04:01 PM
mostafabakry

اقتباس:

المشاركة الأصلية كتبت بواسطة Amr_Moh

إختيار موفق لئن الكماليات تئدر تضفها بعد كدة لما تحب
mabrook

بالظبط يا استاذ عمرو انا فكرت بالمنطق دا و الحمدلله ما ندمتش علي كدا و حسيت ان انا اخترت صح بعد ما شفت اداء العربية بتاعتي

متشكرا جدا لحضرتك
14-02-2009, 09:56 PM
alfa_we

ازيك م/ مصطفى
الف الف الف مبروك عليك العربية
15-02-2009, 09:56 AM
Sharky

الف مبروك و ربنا يبارك لك فيها
15-02-2009, 11:04 PM
mostafabakry

اقتباس:

المشاركة الأصلية كتبت بواسطة alfa_we

ازيك م/ مصطفى
الف الف الف مبروك عليك العربية

الله يبارك في حضرتك يا باشا
15-02-2009, 11:08 PM
mostafabakry

اقتباس:

المشاركة الأصلية كتبت بواسطة Sharky

الف مبروك و ربنا يبارك لك فيها

الله يبارك في حضرتك
متشكر جدا