الموضوع: سوبارو امبريزا مانيوال من عدة نواحى

^^^ ربع جبنه ونبي عاوز امون :mrgreen:

المشاركة الأصلية كتبت بواسطة cars_lover

أنا دحلبت واحد فى الكلام من عند الموزع عبد الهادى وقالى : (من حوالى 3 شهور)

" أغلي حاجه ممكن تتغير فى العربيه حاجتين :
1 - الفانوس الامامى بـ 1800 و ذلك لانه بعدسه وماتور بس شوف فانوس الكورولا بـأكثر من 2000 وبدون عدسه .

2 - البرابريز الامامى بـ (مش فاكر قال بــ 4000 و لا بــ 6000) لانه بينزل من بره فيه الـ Antenna بتاع الستالايت. "


أنا عن نفسى شايف أنه من الجنون شرائها بدون تأمين شامل.

أما كل اللى معاهم العربيه هنا و بره فى الخليج منهم واحد صاحبى جايبها من 5 سنين و بيطحنها، بيحلف أن العربيه ما بطعطلش وما غيرتش حاجه فى الميكانيكا من ساعة ما جبها لدرجه أنه قال أنه بيعمل الصيانات الدوريه فقط فى التوكيل ومن ساعة ما أشتراها لا يذكر أنه فتح الكابوت مرتين ولا حتى لتزويد ماء المساحات.

أما موضوع الطنابير يدخل فيه عوامل كثيره مثل طريقه السواقه وتغيير التيل فى الوقت المناسب .

وطالما الواحد عايز يركب سياره بمستوى عالى وعالمى زى السوبارو لازم يستحمل فى المقابل ، وكويس أن أبو غالى باشا بيرخص قطع الغيار بأستمرار


وعلى فكره شعبنا الغلبان اللى بيفضل ماركه عن ماركه بسبب اسعار قطع الغيار و يقولك " قطع غيارها عند البقال" والله دا كلام خطأ جدا جدا جدا والدليل :

طبعا الهونداى من العربيات اللى قطع غيارها عند البقال أسأل عن المقص الامامى بتاعها عند البقال تلاقيه صينى بــ 180 جم وهو نصف وزن الاصلى وما حدش فى البلد كلها عنده الاصلى الا الاسطى غبور لما سألته قالولى عندنا حته واحدة الامامى يمين وحته شمال فى الاسكندريه و ب 650 جم.

فطبعا الناس نسيت تقولك أن البقال ما عندوش قطع الغيار الاصلى (وفى ناس ما يهمهمش أصلى ولا مش أصلى المهم شغال وخلاص) و الكلام ده يسرى على كل الماركات اللى قطع غيارها عند البقال !!!!!!!!!!!!!!!!!!!!

كلام جميل... انا بقول ان العربيه قطع غيارها مش غاليه مقارنه بالجديد... يعني لو اغلى هتكون بالكتير اغلى 10% و ده مش كتير بالنسبه لأنها قطع غيار معمره.
الحاجه التانيه.. الانتينا في ازجاج الخلفي مش الأمامي. بالنسبه لموضوع الطنابير ده انا هتأكد منه و ارد عليكم لأني فعلا شايف ان كده سعرها غالي.

لوع لببريز بتاع الازاز اركب ازاز عادى جدااااااااا والغى الانتينا اعملها خارجى :lol: لكن ادفعلى 4000 جنية ليييية ههههههه ومواضيع الطنابير سهله ياجماعة الخراط بيخرط الطنابير من جديد مبتتكلفش 60-80 جنية بدل ما اجيب طنابير جديد ويوم ماتتبرى خالص خالص اغيرانا لسة جايب طنابير الفيات ريتمو ب 130 جنية لكن طنابير ب 3500 جنية اوفررررررر

مصانع الازاز كتيييييييير فى مصر من اول الفيات 128 لحد المرسيدس انا كنت جايب ببريز ازاز لفيات ريتمو ب 75 جنية اما موضوع الطنابير اكيد بتفرق عن الاصلى بس ساعات لو الصنايعى فنان مش هتحس الا بفرق قليل ودايما بتتخرط الطنابير الخلفية , اية حكاية الطنابير الامامية دية اول مرة اسمع عنها ؟؟؟؟ نص العربيات بتبقى vinted disk قدام و drums فى الخلف فقدام مبيبقاش فية طنابير على ما اعتقد :roll: