سوبارو امبريزا مانيوال من عدة نواحى

**sameh.acc** · 31-08-2007 12:47 AM

ياجماعة انا رحت صاله فى شارع السودان قاللى انو هيعملى تخفيض العربية ابو غالى بيقول ع الدفع الكاش بتبقى ب 109900 بدل 111900 الصاله دة بقى قاللى هيديهالى ب 107000 للدفع الكاش مش عاارف كدا كويس ولا نصب الله أعلم بس اما حسبنا لو خدتها تقسيط ودفعت 50% من تمنها القسط هيبقى 1200 جنية تقريبا بمعدل فايدة 7.75 و على 5 سنين وهيزيد على تمن العربية 21000 مش عارف كدا كويس ولا اية وقالى التأمين الشامل هيبقى تبع جمعية التأمين المصرية مش عارف التأمين انا بدفعة من داخل الاقساط ولا هما بيدفعوه عنى ولا اية :shock: :roll:

**Ahmed Hassan** · 31-08-2007 01:19 AM

انا معرفش موضوع 109900 ده من ابو غالي.... بس المعارض ساعات بتبيع ارخص من الوكيل بس اظن صعب يكون الفرق 2000 جنيه عن سعر الوكيل المخفض!!

انا جايب تبع البنك بس قسط التأمين بيتدفع غير قسط العربيه.. بس تقريبا فيه بنوك بتدفع هيه قسط التأمين

**معاذ الشرباصى** · 31-08-2007 02:36 AM

التأمين فى معظم الشركات بيدفع كاش

كونتكت فقط هى اللى بتقسط التأمين مع تمن العربية

لكن 95% من شركات التأمين بتاخد فلوسها كاش و اللى بيتقسط هو تمن العربية فقط

**Ahmed Hassan** · 31-08-2007 05:02 AM

انا مأمن مع الشرق و اخدو مني القسط على 3 مرات... و كانو متساهلين جدا.. يعني عملوا التأمين قبل ما يخدوا ولا مليم.. بس هما ضامنين حقهم لأنهم بيتعاملوا مع البنك اللي جايب العربيه تبعه.

**Abdallah** · 02-09-2007 12:58 AM

يا ريت يا احمد تتأكدلنا من حوار الطنابير الى بـ 3500 جنيه احسن كدة يبقى الواحد يخليه راكب اللانوس احسن !!

**Ahmed Hassan** · 02-09-2007 01:16 AM

و الله يا عبد الله انا بعت ميل عن الموضوع ده لمهندس الصيانه و سألت على اسعار قطع غيار تانيه كتير و منتظر الرد... و لحين وصول الرد انا مش بفرمل :mrgreen:

**معاذ الشرباصى** · 02-09-2007 02:38 AM

لحين وصول الرد انا مش بفرمل

:lol: :lol: :lol: :lol: :lol:

**sameh.acc** · 03-09-2007 05:09 AM

ههههههههههه اوعى تفرمل الطنابير كل خط فيها من جوا بفلوس :lol: لا انا لازم اعرف اسعار قطع الغيار اتصلت بابو غالى قالى سعر المرايات قالى المراية ب 970 جنية سعرها معقول شوية خصوصا ان سعر مراية الجين 2 الماليزى 810 جنية ونزلت بقيت ب 790 صاحبى لسة مغيرها

**sameh.acc** · 03-09-2007 05:13 AM

غير كدا ابن الاية مرضيش يقول قالى ممعاييش الا سعر الممرايات علشان لسة جاى دفعة منها مش عارف حاسس انو بيخبى الواقع المر :shock: انا قدامى ياجماعة الالنترا والسوبارو محتار جداااا واللى زود الحيرة صحابى بيقولولى السوبارو 2008 الشكل الجديد الهاتش باك رياضية وشكلها احلى بس انا مش موافقهم الراى بحس ان الشكل القديم ماسك نفسة وامتن والازاز فرامليس و شكلها يخض من قدام تعليقى بس على شكلها من ورا مش حلو اوى بس انا بفضلها عن الشكل الجديد اية رايكم ؟؟؟؟؟

**Ahmed Hassan** · 03-09-2007 05:51 AM

احنا كنا اتكلمنا في موضوع الشكل ده قبل كدا.. راجع الرابط التالي
http://www.nilemotors.net/Forum/view...er=asc&start=0

الموضوع: سوبارو امبريزا مانيوال من عدة نواحى

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

استفسار ل ahmad7610 سوبارو امبريزا 2008 - 2010 مانيوال

للبيــع سوبارو امبريزا 2006 مانيوال اللون اسود

.:: سوبارو تطلق امبريزا 2009 سيدان Wrx المعدلة ::. بمحرك أقوى و تعديلات من سوبارو ::.

2008 سوبارو امبريزا

سوبارو امبريزا 2007

الكلمات الدلالية لهذا الموضوع

المفضلات

المفضلات

ضوابط المشاركة