سوبارو امبريزا مانيوال من عدة نواحى
انا نويت ياجماعة الحمدلله اجيب سوبارو امبريزا لمميزاتها العديدة :
1 - التوكيل محترم جدا جدا جدا بيشيلوا الواحد من ع الارض اما بتتصل بيهم 8)
2- العربية قمة المتانة بيسموها العربية القفص علشان متحاطة بقفص حديد وواخدة 5 نجوم فى اختبار الحوادث بتاع اليورو كاب :lol:
3 - العربية نادرة وشبابى اوى للى بيحب يجرى وغرز وكدا :oops:
4- كفاية انها 4*4 وشبة مصفحة من تحت :twisted:
5- العربية متينة اقدر اقول امتن عربية فى فئتها وعزم الموتور عالى جدا والخرج بتدى 95 حصان والخرج دة لو كانت سحب امامى كانت وصلت لقوة الالنترا 121 حصان لكن العزم بيضيع منه مع زيادة الاحتكاك بتاع العربية ع الارض بفضل الدفع الرباعى .
6- الثبات المتناهى ع السرعات العالية لدرجة ان ابو غالى قالوا انهم جربوها فى المنحنيات المفاجئة على سرعة 120 وحققت معدل ثبات بنسبة 100% ودة عن لسانهم
انا نويت ياجماعة اجيب الموديل الحالى فى مصر ومش هستنى الموديل الجديد لان الشكل دة احسن الباب بدون فرام وشكلها احسن وامتن بسسسسسسسسسسس :!: :!:
اللى مخوفنى حاجة واحدددددددة بسسسسسسس اية اخبار اسعار قطع الغيار :oops: :roll: :( ياريت حد يكون عارف اسعار القطع زى الفوانيس والاكصدامات ) ويفيدنى بيها ومن قدم شىء بيداه التقاه وهنيالك ياعارف اسعار قطع غيار السوبارو :!:
****حوار أعتقد أنه هام ******
ألف ألف مبروك ....
امبارح كنت عند السمكرى وقابلت هناك شاب معاه امبريزا أوتوماتك كان عنده خبطه فى الباب بيصلحها...
وطبعا أتعرفت عليه وقعدنا نرغى و احنا واقفين :
س : ايه رأيك فى العربيه دى ؟
ج : هى عربيه كويسه بس تقيله فى الجرى ، يعنى لازم أكون مشغل الاوفر درايف لو عايز أشد.
س : يا سيدى أى أوتوماتك كده ، انت ركبت المانيوال ؟
ج : لأ ...بس اللى عاندهم المانيوال بيقولوا ان العربيه فايقه أكتر.
س : دى أول عربيه بالنسبه ليك و لا كان معاك ايه قبل كده...
ج : أول عربيه.
س : ايه أخبار قطع الغيار ؟
ج : غاليه شويه. أنا عند 65000 كم غيرت طنابير أماميه ، الاثنين ب 3500 جنيه
س : وايه أخبار أبو غالى ؟
ج : والله أنا عملت حادثه قبل كده والتوكيل غيرلى الرفرف و فوانيس بس قاللى أنه اربه ماء المساحات أتكسرت و مفيش عندنا منها ، فأنا ماشى دلوقتى من غير أربه ماء المساحات .
وبعد ذلك اتشغل مع السمكرى و مكملناش الحوار ..
ولكن يجب أن نضع فى حسباننا و أحنا بنحلل هذا الحوار الحاله النفسيه للشاب فلقد كانت مرسومه على وجهه ملامح الحزن لحادثه الباب اللى عملها ،
كما أنه من الواضح أنه على غير درايه بالسيارات الاخرى حتى يحكم على اللى معاه ...
ولكن اللى زعلنى موضوع الطنابير وأربه المياه ، أنا عندى فى الاكسنت الطمبوره الواحده الالمانى ب 450 جنيه يعنى الاثنين ب 900 ....
هل سعر الطنابير الاماميه فى السوبارو مقارب لأى عربيه ياباتى أخرى ...أنا معرفش!!!!!
لكن الشئ السيئ فعلا أن اربه ميا ه مش موجوده فى التوكيل ..