بتعمل أيه لما بتبقى زهقان ؟؟؟؟؟؟؟؟؟

**Imhotep** · 12-02-2009 12:28 PM

المشاركة الأصلية كتبت بواسطة fiatto

استاذ mahora
معنديش اعتراض على اى تحليل علمى ، بالعكس أقدره واحترمه
لكن عدم اقتناعى اقصد بيه ان المواطن المصرى والعربى لايتمتع برفاهية تحميل تقلباته النفسية على شماعة الطقس والجو والتغيرات الكونية ( وان كانت صحيحة عند ناس تانيين )

حضرتك عندك حق طبعا فى انه حتى و ان كان عامل الجو يؤثر فى نسبة من الناس فى ظروف و مواسم معينة، مثل الظروف الجوية، الا اننا يوجد لدينا من الاسباب الاخرى ما يجعل تأ ثير هذا العمل يتضاءل بالمقارنة به، ويكفى المعاناة اليومية فى كل شئ من لحظة الخروج من المنزل (و احيانا قبل الخروج

) لكى تصيبنا بأضعاف اضعاف ما قد يسببه الطقس من اكتئاب.

**fiatto** · 12-02-2009 12:32 PM

المشاركة الأصلية كتبت بواسطة mahora

حضرتك عندك حق طبعا فى انه حتى و ان كان عامل الجو يؤثر فى نسبة من الناس فى ظروف و مواسم معينة، مثل الظروف الجوية، الا اننا يوجد لدينا من الاسباب الاخرى ما يجعل تأ ثير هذا العمل يتضاءل بالمقارنة به، ويكفى المعاناة اليومية فى كل شئ من لحظة الخروج من المنزل (و احيانا قبل الخروج

) لكى تصيبنا بأضعاف اضعاف ما قد يسببه الطقس من اكتئاب.

هو ده اللى اقصده بالنسبة لوضعنا الخاص كمصريين وكعرب عموما .

بس بلاش حكاية المعاناة اليومية التى تبدأ احيانا قبل الخروج من المنزل ، يجعل كلامنا خفيف عليهن

**Imhotep** · 12-02-2009 01:22 PM

المشاركة الأصلية كتبت بواسطة fiatto

بس بلاش حكاية المعاناة اليومية التى تبدأ احيانا قبل الخروج من المنزل ، يجعل كلامنا خفيف عليهن

**محمد جلال** · 12-02-2009 06:27 PM

المشاركة الأصلية كتبت بواسطة mramzy

محدش فكر انه يقوم يتوضى ويصلى ركعتين ويفتح المصحف ويقرا شويه فيه ( ده حل )
الحل اللى بعد كده باخد العربية واطلع فى اى طريق فاضى اكتوبر - حلوان- العاشر وارجع تانى
بس مبقاش فيه اصحاب زى زمان خلاص بقوا خيال علمى
كله بيفتكرك بس لما بيكون عاوزك فى حاجه واول ما تخلص مايقولكش شكرا كمان
اصعب حاجه انك تكون محتاج حد فى وقت هو مش محتاجك فيه

على فكرة المعظم بيصلى وبيحافظ على مواقيتها وبيداوم على قراءة القرأن بس هل الواحد بيتفكر ويتأمل فى ملكوت الله دائماً عمرنا مابننسى لكن الحياة احيانا بتأثر على الواحد بمشاكلها وهمومها ومع الوقت والتراكمات الواحد بتحصله قفلة مش عايز اشتغل مش طالبه مش عايز اخرج مش عايز العب رياضة مش عايز اقعد على النت حالة من الملل المصحوب بالاكتئاب بدون سبب مفيش حاجة بفكر فيها فى ساعتها وانا اقرأ القرآن الفترة دى اكثر من الاول بس مش عارف فى ايه والاصدقاء موجودين بس ظروف الحياة ومشاغلها تجعلك تستميح لهم العذر واكيد فى ولو واحد ممكن تقدر تتكلم معاه مفيش حد كامل والفوارق اللى ما بينا هى اللى بتخلينا نكمل بعضنا وربنا يهدينا جميعاً .

**نور العمر** · 12-02-2009 06:45 PM

أنا تقريبا .... قربت أموت من كتر الاكتئاب والحزن والزهق ... عصبيتي بقت شديدة .... نفسيتي بقت في الأرض ... مبآش عندي صبر لحاجة ... بفوت عمايل الناس الوحشة كتييير بس بقت عمايلهم تقيلة على قلبي مبآتش طايقة حاجة ... يمكن لو جبت العربية بقا وحليت مشكلة البحث والتدوير هن عربية بحالة جيدة ألاقي حاجة اتلخم فيها ... أخرج مع ولادي من غير هم المواصلات .. أفك شوية ... إدعولي

**محمد جلال** · 12-02-2009 07:10 PM

انا من كتر ما قرأت ردودكم حسيت ان ده جزء من برنامج العلاج انا راى حتى لو هنخرج احنا واولادنا او حتى احنا مع العائلة يوم فى اللذيذ فى اى حديقة ومعانا سندوتشاتنا وننسى كل الهموم ضحكة اطفالنا بالدنيا لحظة فرح لابائنا وامهاتنا تمسح اى لحظة هم وزعل ان النهادة رحت ازور والدتى فى المستشفى وصحتها فى تحسن والحمدلله وصدقونى لحظة ما ضحكتلى نسيت اللى جوايا ومفكرتش غير فيها وفى مدى سعادتها والكل حواليها وانا من هنا بدعو ان الكل ينسى همومه فى ايجاد سعادة الاخرين وشكراً.

**نور العمر** · 12-02-2009 09:24 PM

مفيش حل غير إننا نحافظ على اهلنا إللي من الزمن الجميل ... ونسعد ولادنا ونحافظ عليهم .... والله المستعان

**fiatto** · 12-02-2009 10:03 PM

ياريت نحاول نضيق الأوربت بتاعنا ليشمل أبوينا وأخوتنا الأشقاء وأسرتنا ( الزوجة والأولاد) فقط
وما عدا ذلك يستوى
أعنى مدارك أو فلكك أو بطانتك هم اللى فى الأول بس ، ياخدوا اهتمامك ووقتك وأعصابك وجهدك وفلوسك وصبرك ودعاك وأحلامك للمستقبل ، وعليه العوض فى الصديق والأخ الذى لم تلده أمك ، وفى الجار الذى تأمن بوائقه ، وفى التاجر السمح عند البيع والشراء ، والأقارب الأخلاء واصلى الرحم والود اللى على رأى زميلنا المحترم بقوا من الخيال العلمى .
مبقاش حد يستاهل ، واللى يستاهل ليه حدود فى الأخذ والعطاء وللأسف بتبقى مرتبطة بظرف الحاجة.
فى رأيى عليك وأهل بيتك ، هم أولى أولى أولى ، وما عداهم سواء فى الاهتمام مهما بلغ الأمر .