تقرير صيانه ال5000 لGen2

**husseinodeba** · 11-02-2009 11:52 PM

السلام عليكم....
بعد شهر من شراء العربيه بكتبلكم تقرير ال5000
اولا ابدأ بتجربتى مع العربيه والسفر لاكثر من600 كلم :k4:
البدايه مدينه دهب بجنوب سيناء وصولا الى التوكيل فى الصحراوى مرورا بمدينه طابا..واكتر واحد يعرف طريق طابا هو الاستاذ بيومى لانه مقيم فى طابا ..
كل اللى اادر ااوله ان الطريق فيه شويه ملفات مع مطالع مشفتش ولا هشوف زيهم
وبعدهم الطريق بيكون عادى لحد تقريبا مدينه نخل وبعدها الطريق بيفتح معاك على خط مستقيم الى ان تأتى نقطة التقاؤه بطريق النفق
اللخلاصه انا حسيت ان العربيه بتصلحلى اخطائى فى الملفات وتجاوب على جدا فى السحب على المطالع اماالشويه السالكين فى الطريق فحبيت اشوف ايه اخبار العداد.....

العداد أرى 190 كلم \س بنزين 92 ومن غير ماحرق على دواسه البنزين والعربيه محمله يعنى انا والمدام والبنات والشنط
وطبعا العربيه لو مكنش ثباتها عالى انا ماكنتش ا تجرأ اعدى ال120
نجى للتوكيل والصيانه ...
معادى مع التوكيل كان 10:30 انا وصلت 9:30 ....كنت معرفهم وانا بحجز ان المفروض ان فرامل اليد تتغير من مشكله حصلت فى صيانه ال1000
المهندسه ايمان ملت معايه استماره الصيانه واكدتلى ان فرامل اليد هتتغير مع الصيانه
كانت ملاحظاتى فى عصلجه الفتيس مع النقله الخامسه والفرامل تعلى شويه
استلمت العربيه من اللتوكيل ومع ول دوسه بنزين حسيت بالفرق

ابل الصيانه العربيه كانت بتسأف (بتكركر) وانا اعرف ان الشكله دى بسبب البنزين 92

بعد الصيانه مفيش تسأيف والسحب اتحسن والعربيه بتفز من على الارض لما بدوس بنزين

فرامل اليد اتغيرت

الفرامل تماااام استجابه سريعه من اخف دوسه

الفتيس 100\100

الناس اللى انا اتعاملت معاهم فى التوكيل كانو قمه فى الاحترام ...المهندسه ايمان ..المهندس مصطفى ..وفيه مهندس تانى بس للاسف معرفتش اسمه

انا كنت طلبت منهم زيت 10000 لان زيت ال5000 مش عملى بالنسبه ليه ..انا من البيت للتوكيل والعوده بعد 1500 كلم
الحق يتأل انا انطباعى عن التوكيل اتغير كتييييييييييير ...

**fahd_628** · 12-02-2009 12:10 AM

مبروووووووووك يا باشا الصيانة و عقبال صيانة ال 50 الف

**M.Nabil** · 12-02-2009 01:28 AM

الف مبروك يا استاذ حسين وعقبال صيانة ال5000َِِ0000كم.
ربنا يديك خيرها ويكفيك شرها.
الحمد لله فعلا التوكيل اتحسن كتير عن الاول حسب كلام البروتوناويين القدماء.
ويارب دايما في تحسن لانها فهلا عربية تستاهل.
مشكوور عالتقرير الجميل ويارب تفضل راضي عنها على طول.

**ahmad alshaaer** · 12-02-2009 01:50 AM

مبروك عليك
وعقبال الصيانات القادمه بكل الخير ان شااااء الله
واطمنك انا عامل بالعربيه والحمد لله 23000 كلم

**hamada_sivo** · 12-02-2009 02:11 AM

مبروووك يا باشا و عقبال صيانة ال 100000 إن شاء الله و يارب يفضل التوكيل كده على طول ..

**Ayman_52** · 12-02-2009 07:04 AM

مبروك مبروك الف مبــــروك.....وربنا يباركلك فى الجميله يارب ويحفظهالك من كل شر...وعقبال كل مرة صيانه إن شاء الله.

وفعلا لما روحت التوكيل (اول مره اروح)بس حسيت انهم محترمين جدا..ويارب يفضلوا على المستوى دا ومن تحسن لتحسن ان شاء الله.

**elmadawy** · 12-02-2009 08:36 AM

الف مبروك علي الصيانه وإن شاء الله ميكنش هناك مشاكل مستقبلا

**momenhamdy** · 12-02-2009 08:39 AM

الف مبرووووووووووووك ياباشا علي الصيانة وربنا يباركلك في العربية
وبالنسبة يا جماعة التوكيل انا فعلاً شايف ان التوكيل فرق جامد اوي اوي اوي و خصوصاً من نهايه 2008 حتي الان يعني في تقدم ملحوظ
وربنا يوفق الي الخير
والف مبروك مره تانيه

**khpopo** · 12-02-2009 10:25 AM

الف مبرووك صيانة 5000 ك وعقبال كل صيانة تكون مبسوط منها اكتر من الاول
موضوع الحجز فرق جامد فى اداء مركز الخدمة
ربنا يوفق

**husseinodeba** · 12-02-2009 10:24 PM

الف شكر على الردود الجميله وانا فعلا متفائل خير مع التوكيل
واتمنى ان كل علاقتنا بالتوكيل تكون الصيانه الدوريه

الموضوع: تقرير صيانه ال5000 لGen2

LinkBack

أدوات الموضوع

عرض

تقرير صيانه ال5000 لGen2 - انشر الموضوع فى :

-

-

-

-

-

-

-

-

المواضيع المتشابهه

سؤال: صيانه ال5000 للماتركس

نصيحه في صيانه ال5000 لانوس

النهاردة رحت صيانه ال5000 للياريس

صيانه ال5000

صيانه ال5000

الكلمات الدلالية لهذا الموضوع

المفضلات

المفضلات

ضوابط المشاركة