أولا مساء الفل عليكو..
ثانيا أحاول أرد علي أسئلتكو و اللي كمان كانت شاغلاني زيكو بالظبط و خلتني أتردد اني أعملو من شهر مارس لغاية أنهاردة
بالنسبة لتركيب الاكصدام الصنايعي اللي بيعمله اهتم بتجربته عالعربية كذا مرة عشان يبقا زي التاني في جميع الابعاد بالظبط حتي أدق التفاصيل
ثانيا.. كان التفكير اننا أول ما نعمله نركبله قضبان حديد من الداخل للحماية في حالة الصدمات, لكن بعد ما اتعمل بالمرحلة اللي شفتوه عليها كنا بنرزعه عالارض - بدون مبالغة - و يفضل زي ما هو سليم عشان هو اتعمل من جزئين اتلحموا في بعض لحام خياطة و التنيات اللي فيه دعمته فمابقاش محتاج دعامة داخلية - زي لما الورقة وهي مفرودة بتكون ضعيفة ولما بتطبقها بتتقوي أكتر
بالنسبة لموضوع الفيبر.. هو طبعا ممتاز و خفيف بس انا شايف ان الصاج يعيش عنه أكتر و اخره يترد و يترش كل سنة مرة - بخبطات السنة كلها :)
أما بأة عن نقطة الوزن.. فهو معمول بصاج سمك 1 مللي كنت متخيل انه هيفرق كتير في الوزن... مفرقش كتير أوي, طبعا اتعمل 1 مللي عشان لو أقل كان هيبقا سهل أوي يتطبق ولو أكتر يبقا صلب و تقيل و ممكن يضر العربية في حالة الصدمات الجامدة
بالنسبة للخبطات الصغيرة و الترييحات و الركنات مش هتأثر فيه عشان زي ماقلنا المللي يعتبر معقول أوي و التنيات اللي فيه مقوياه
و أخيرا بالنسبة لنقطة فين و بكام أنا طبعا عنيا ليكو أدلكو عليه بس بعد نجاح العملية :)
و اسف اذا كنت طولت عليكو... ليلتكو زي العسل
المفضلات